#نجم_الشمال
#جميلة_جاسم
ثريا....نسمع في جهاد ايكلم ويقووله تعااال نعطييك وهيا ليييك
قلبي يضرب ياربي مش اني يااربي متأكدة انها فادية
طلعت من الباب وقفت طرف الممر...والصاله مقابلة
جهاد وأمي مقعمزين
سكر التليفون وامي تشبحله
ام.جهاد....من قاال وليدي ثريا ولا منو
جهاد ...فادية ..وزي ما سمعتي البنت عطيتها منبيش اي كلام .. واحد جي من الباب احسن من عشرة ضربوني في ضهري...
اني هذي الزواجه راضي اعليها ..اني
ام جهاد....اييي الحمد الله ياارب هو نقيب ولا شنو زي راجل البنية الي جتنا...يسلاااام اعليها دوق وادب واخلاق..حتي كلامها فيه الزاايد
جهاد... افندي هو في المديرية.... مانعرفش ضابط ولا شنو لاكن عنده مكانته
ام جهاد....متزوج هو ولا عزري
جهاد....ماسمعتش انه متزوج...لاكن وااتق من رووحه والواتق ايجي مع الباب... انتي شوفي راي البنت وردي عليا اكيد بيكون لا لو كان متزوج قالي هذا حقاني مش فرج العار
ام جهاد ... شن رايها ..تلقي خير من مهيمن
جهاد....قعدين تعاودو في نفس الغلط....لبنى قلتو تلقى خير من فرج....غزلان قلتو لو مش رماح راهو قعدنا في الشااارع...فؤاد ..يااخيرة الترييس ياا الراجل العاقل...
وطلعو سرسرية مهبدة....مافيهمش واحد راااجل ...
البنت لو قالت لا ومش مستريحه اني من عندي بنرفض الراجل....العيشة لكويسة والزواجه الباهية ولا تقعمز تكمل قرايتها
ام جهاد....ان شالله تو نسألها واخلاص ...وانته شنو ...مشناوي ترجع مرتك
جهاد...ايصير خيير نبي مصر السبت.... بنطلع اني واحد في السفارة...وبعدها كان ربك سخر نمشي انرجعها...
ام جهاد....جيبها تقعد عندنا وبعدين تعال تلقاها...
جهاد....من كل عقلك قبلتيها انتي ياام....بنت اختك شن صار فيها وين صفت بيها الدنيا توة بنت اختي ويتيمه ..نسيتيها بعتيها..اني غلطت معاي اسألي اعليها انتي...
توة فرحه كويسة....ياام مش عارف تمنيت تحبييها اول ما جبتها تمنييت بس زي ماولدك حبها
ام جهاد...اني عزوزة كبيرة ...وما نحب شي ينفرض اعليا بين يوم وليله جايبلي بنية ...تقولي سورية مصرية...اني هذا عقل كل ام هكي بدير ....وعاشرتها وشفتها بنية باهية وتحملتني ومقالت فيا شي لا في وجهي وقفايا مندري اعليها...
لاكن العشرة تعرفك الباهي والمش باهي... واني وقتها مطعوووون
مطعووون قلبي اعلييك...وتجيتي متزوج ..ليل واني نبكي...وندعي ..وتملحت وتمرمدت...وخدو حوش بووك بيعونا فيه الي اليوم لا نعرفو ورق ولا شي والمحكمه باسم رمااح والبايع بووك والشااري الشارع ...
واني ندهكت اوليدي اخلااص طااابع صحيح ماعاد فيا....وصح البنية مقبلتهاش في الاول اعلاش تخيلتك متهني مرتاح ومتزوجها واحني في الهم الي روسنا
أنت تقرأ
نجم الشمال
Actionرواية ليبية...دات طابع حاد غريب .لرجل رماه الفقر والعوز الي طريق الشمال فوجد نفسه نجما الشمال ... عندما ادرك طريق النهاية زارهو منقد طييف عشق حب اجتااح قلب ميت قلب الصخر وانقده من وسط الركاام ... ربما كلمه وااحدة ترمي بنا نحو الهلاك كيف نستطيع ان...
