نجم الشمال

البارت 46

#نجم_الشمال_الجزء_الثاني

#جميلة_جاسم

فرحه...
سكرت التليفون وقعمزت اعصابي تعبانه اني نقلها رزاق قتل بوك وهيا تقوولي كيف بنفسخ قدام الناااس

وزيادة خلوقي ضايقه من جهاد كيف سكت مقالش الولد ليه اسبوعين اخبارة مقطوعه علي عيالي وعياله واني مشغوله اعلييه
ولما كترت اعليه تنقريز قالي محبوس ومتهمينه في قتلة بوك
وقتها طرت لسماء ونزلت بكيت وكانه بوي كيف مات كرهت عمري معش عرفت شن نديير ومن نلووم

خديت التليفون شفت الساعه  الخمسة العصر ...

مشيت ومسحت وجهي فتحت الباب نسمع في صوت جهاد ومعاه ثريا ...خشيت لقيته مقعمز وهيا قدامه منزلة راسها وهو يتكلم ويأشر...

سلمت وخشيت

قامت راسها ...وعيونها متغيرات ...ورعشة ايدها ...شبحت لجهاد بعيني وسالته

قالي برااسه بمعنى فوتيها ...سكتت وقعمزت وهو نااض جهاد

جهاد...ديرو حاجه تاكلووها ولا شوفو روحكم طالع اني توة ان شالله المغرب نروح ..

طلعت من عندهم وفي بالي بنمشي لغزلان نزلت لامي لقيتها كيف طالعه هيا ولبنى...

واني نازل...

ويين ياااحاجه في المغاارب علي خييير

ام جهاد....بنمشي نوزن الضغط في المستشفي اهني اني ولبنى بتراجع دكتورة نساء

جهاد...من بيرفعكم اميين وله

ام جهاد...ايييه اميين انيين اهو يستني

جهاد... من فترة خديتله سيارة داب الحال بسبعه الاف يمشي بيها امورة...

طلعو ركبو... واني خشيت لقيت سلمى وفادية في الحوش ...

قعمزت معاهم سلمى تعباانه واني ناسي نطلعهم ندهورهم منعرفش مش حاس بالمسؤولية ولا هما واخدين علي حالهم...

سلمى...ثريا فوق عند فرحه

جهاد...اي خليتها فوق اركبو حتي انتو غيرو جو فوق تو نفضي بالي ان شالله ونطلعكم مشية اهني ولا اهني

سلمى...نبووك سااالم وخيي مش مشكله العمر قدامنا ونطلعو وندهورو ..

جهاد....تكلمي في شيابينك امالي فؤاد ولا معشت كلمي فيهم

سلمى...من مدة قالو نبو نجو نرفعوك عندنا تقعدي واني نبيش نمشي حماواتي ناصبين عزي ودايرينك متبلي علي خوهم وكان نمشي بنتعارك معاهم  عارفه روحي

جهاد...اقعدي اهني لو يبو يشوفو ولد ولدهم يتفضلو الحوش ولا  انقولك لو كلمك اي واحد عطي رقمي ونتفاهم معااه

سلمى...ان شالله شن صاار في غزلان وراجلها وخيي امشي شوفها عندها كلاام كبيير اني متأكدة اعرف منها قصة حوش حنااي الله يرحمها ...