نجم الشمال

البارت 22

البارت فيه مفاجئة غريبة ...

#نجم_الشمال

#جميلة_جاسم

يـذاك انـت يطـير الحب
يماا احبك واحب تحط على سطوحي
يـ بس انت وتظل وحدك
عـزيـز مـنين ميعجبـك تطـب روحـي

#عبد_الكريم_القصاب

جهاد...شبحتله .... تفضضل كويس الي سمعت الكلمه وجيت ..

رماح...تق وتأكد يااغالي ..جيت علي شانك انته حتي اهي اهي مش مرتي وله ..قتلي استني تحت واني ننزل ...
لاكن منين سمعت مكالمتك قلت لاااابد لااابد انحطو النقاط علي الحروف...

جهاد...خشش للمربوعه واسكت

خشيت اني ويااه وبو فرحه يشبحلي ومرتبك...عرف انه عاارف القصة كلها

يقيم في راسه وينزله ...ويشبح لي رمااح ..
وهو منطلق ايهدرز معااه .واني سااكت متكلمتش

منصور .. كيف القرابة رماح بينكم

رماح...نساباات...واخد المحروسه اخته

وجهاد..وانتم كيف القرابة بينكم جايبك نبي نعرف  ..

رماح...اكيدة نعرفو بحكم الشغل معانا...نعرفو لانه هو الي نقدلنا نجم الشمال من الموت

جهاد...ساكت وناار والعه فيا مش قادر نتكلم ولا قاادر نقول شي...الراجل بو مرتي..واني عرفت منها حاجات بسيطه ...قبل لا نعرف منه ...ورماح علي اساس بفاجأني بالقصة.. واني نبي نعرف كل شي ...درت روحي عندي علم.كااامل بالقصة
ولعت دخاني.  ومديت رجلي ...

قتله...عندي علم بالموضوع وعارف انه الحاج منصور ...قرابة الصيد وموسى وانته حضرتك تشتغل
عندهم...
طبست جبدت الطفاية برجلي ... وتكييت... ونحيييت دخاني وهما مركزين عليا الزوز.. نفضت الدخاانه ورجعت رااسي للخلف  وشبحتله

مش صحح وله...تعرفو بعضكم انته والصيد عمي منصور

منصور...توة في بالك ساعدتك علي خاطر الصيد...تق وتأكد اني لما رفعتك للمستشفي ...مكانش عندي علم انته تبع الصيد ولا موسى

جاني الخبر وانا غادي في الوادي ...وانته قاعد.مطلعتش

جهاد....اي وبارك الله فييك واني مش تبعهم طلعت ضدهم اني وخديت ماالهم وحلالهم ...ورزقهم وااخدة منهم ....ولا اني قرابتهم ولا شي .

عندي ورشة اسمها نجم الشمال لقطع الغيار...جيهة القربولي موجودة وايمولو فيا ...شاحنات المنطقة الصناعية في طريق القصر  ..
تقدر تمشي تشوف بعيينك  وبضاعتكم ما بضاعتكم ماليشي علاقة بيها

رماح...توة انته والحاج منصور اصاافو ...واني مرووح ورااس هالعيوون لمغمضة وراس لبنيات والحاجه . خدمتك توة وله ماليها معني جنب خدمتك قببل...ذهب ذههب... وسأل فؤاد علي المبلغ الي استلم امس ...