My Perfect Husband【 Completed 】

Episode 04

* Unicode *

My Perfect Husband
Episode 04

သုံးလကြာပြီးနောက်.....

" ဂျောင်ကု ငါ ဂျပန်မှာပွဲတစ်ခုတက်ရင်း အစ်ကိုဆော့ဂျင်နဲ့တောင်ဆုံသေးတယ် သူကတော့တကယ်အေးစက်ပေမဲ့ ငါ့ကို ကောင်းကောင်းပြန်ဆက်ဆံပါတယ် နင်နဲ့ရော အဆင်တော့ပြေမှာပါ ဟုတ်တယ်မလား "

ဂျီအာနဲ့ဖုန်းပြောနေတုန်း ကြားလိုက်ရတဲ့အစ်ကိုဆော့ဂျင်နာမည်ကြောင့် ရင်ထိတ်ပြီး သောက်နေတဲ့ရေပါ သည်းမလိုဖြစ်သွားရသည်။ သူဆိုမှာသည်က အဲ့လိုပဲ။ အစ်‌ကိုဆော့ဂျင်ကို လူမပြောနဲ့ နာမည်လေးကြားတာနဲ့ ရင်ထိတ်ပြီး တဒုတ်ဒုတ်ခုန်လာတတ်တဲ့လူစား။

" ငါနဲ့လား... ငါပြောရင် မင်းယုံမှာလား... သူ ဂျပန်ကိုသွားတာ သုံးလလောက်ရှိပြီ‌ အဲ့မတိုင်ခင်ကတော့ ငါတို့ စကားသုံးလေးခွန်းပဲပြောဖူးတယ် အလုပ်ကိစ္စကလွဲပြီး ကျန်တာ မပြောဖြစ်ကြဘူး "

" ဟယ်... နင့်ဟာကလဲ လက်ထပ်လို့ အတူတူတောင်နေပြီးနေပြီ ဘယ်လောက်ပဲ ဟန်ဆောင်လက်ထပ်တယ်ပြောပြော သူနင့်ကို ကောင်းကောင်းဆက်ဆံသင့်ပါတယ် မဟုတ်ရင်လဲ နင်သူ့ကို အသုံးချပြီး တိုးတက်အောင်လုပ် ... နင့်မိဘချန်ခဲ့တဲ့အမွေက နင် အေးအေးဆေးဆေးနေဖို့လောက်ပဲ ကျန်တော့တာ "

" အဲ့ဒီ့တော့ ငါက ဂျပန်ထိလိုက်ပြီး သူ့နဲ့သွားအိပ်ရမို့လား မင်းသိတဲ့အတိုင်းပဲ ငါ အစ်ကို့နားမှာ နေတယ် ဆိုတာ ငွေကြောင့် မဟုတ်ဘူး "

" အေး ... လုပ်နေလိုက် ဂျောင်ကုရေ ဒါနဲ့ နင့်အစ်ကိုဆော့ဂျင်ရော နေကောင်းသွားပြီလား နင် ဒီလို စကားပြောနေပုံထောက်တော့ အစ်ကိုဆော့ဂျင်နေကောင်းသွားပြီထင်တယ် "

" ဘာတွေပြောနေတာလဲ အစ်ကိုက ဂျပန်ကနေတောင် ပြန်မရောက်သေးဘူး"

" နင့်အစ်ကိုကြီးရေခဲတုံးက လွန်ခဲ့တဲ့တစ်ပတ်ကပဲ ဂျပန်ကနေပြန်သွားတာ ဂျွန်ဂျောင်ကု သတင်းလေး ဘာ‌လေးဖတ် ... မနေ့က Bighit Siteမှာ တက်လာတဲ့သတင်းကို မမြင်ဘူးလား စီအီးအိုကင် meetingမှာ မူးလဲလို့ ဆေးရုံပို့တာကို ဆေးရုံကနေ အတင်းဆင်းလာတာ နောက်ပိုင်းဆက်သွယ်မရ‌တော့ဘူးတဲ့ "