* Unicode *
My Perfect Husband
ညနေခင်းကိုအစပြုတာနဲ့ ရေချိုးပြီး ဆော့ဂျင်အခန်းထဲကထွက်ဖို့ကြိုးစားလိုက်မိသည်။ အတွင်းရေးမှူးဆူဘင်းကို အလုပ်တွေလွှဲကာ ရိုက်ကွင်းနားမည့်အကြောင်း အကြောင်းကြားစေရင်း ဓားထိုးခံထိသည့်ကိစ္စ မီဒီယာပေါ်မရောက်အောင် သူ ဖုံးဖိစေလိုက်သည်။ တမင်သက်သက်နဲ့တော့ ကိုယ့်ကိုချစ်တဲ့ပရိတ်သတ်တွေ စိတ်ပူတာမျိုး မလိုချင်။ ဒီကြားထဲဂျောင်ကုကညှပ်ပါလာဦးမှာမို့ အတတ်နိုင်ဆုံးတော့ဖုံးဖိပေရမည်။ တရားခံကိစ္စကတော့ ပြေးကြည့်စရာမလိုအောင်သိနေတာမို့ သက်သေရှာဖို့သာလိုတော့သည်။
အခုတော့ဖြင့် နေ့လည်နိုးလာကတည်းက တစ်နေကုန် အခန်းတွင်းထိုင်နေတာမို့ ညောင်းညာနေမိတာတော့အမှန်။ ဂျောင်ကုက သူ့ဆီဆေးသောက် ဆေးထည့်မဲ့အချိန်ကလွဲရင် ကျန်တဲ့အချိန်အခန်းထဲရောက်မလာ။ ထို့ကြောင့် ဘာလုပ်နေမလဲဆိုတဲ့စိတ်နဲ့အောက်ထပ်ကိုဆင်းတော့ မီးဖိုခန်းက ဆူညံသံတစ်ချို့ ကြားလိုက်မိသည်။
" ( ဒုန်း ) "
" ( ခလွမ်း ) "
သူအေးအေးဆေးဆေးလျှောက်ရင်း မီးဖိုချောင်အပေါက်ဝမှာ ခြေလှမ်းတို့ရပ်တန့်လိုက်မိသည်။
အေပရွန်ကြီးဝတ်ပြီး အလုပ်ရှုပ်နေပုံရတဲ့ ဂျွန်ဂျောင်ကု။
အဝတ်စကိုယူကာ ကြမ်းခင်းကိုအသေအချာသုတ်နေပုံရရင် တစ်ခုခုမှောက်သွားတာဖြစ်လိမ့်မည်။ သူ ဆက်မဝင်သွားမိဘဲ ဘေးနံရံကိုမှီကာ လက်ပိုက်ပြီးကြည့်နေမိသည်။
ဒီကောင်လေး ဘာလုပ်ဖို့ကြိုးစားနေတာပါလိမ့်
မဟုတ်မှ သူ့ကို တစ်ခုခုချက်ကျွေးဖို့ပြင်နေတာလား...
ကြည့်နေရင်းနဲ့ မီးဖိုပေါ်က အိုးကို အပူကာလက်အိတ်လေးဝတ်ပြီး စားပွဲပေါ်လှန်းတင်တော့ စားပွဲပေါ်မရောက်ခင် လမ်းတစ်ဝက်မှာတင် လက်ချော်ကာ အိုးမှောက်သွားရသည်။
" ( ခွမ်း ) "
" အာ့ "
YOU ARE READING
My Perfect Husband【 Completed 】
Romance【 COMPLETED 】 " 𝐢 𝐰𝐢𝐥𝐥 𝐭𝐚𝐤𝐞 𝐦𝐲 𝐰𝐨𝐫𝐥𝐝𝐰𝐢𝐝𝐞 𝐡𝐚𝐧𝐝𝐬𝐨𝐦𝐞 𝐡𝐨𝐦𝐞 " - 𝐉𝐞𝐨𝐧 𝐉𝐮𝐧𝐠 𝐊𝐨𝐨𝐤 ♥︎ 𝐂𝐄𝐎 , 𝐀𝐂𝐓𝐎𝐑 × 𝐀𝐂𝐓𝐎𝐑 𝗡𝗢𝗧𝗘 : 𝐓𝐡𝐢𝐬 𝐬𝐭𝐨𝐫𝐲 𝐢𝐬 𝐩𝐮𝐫𝐞𝐥�...
