ذكريات الحب بقلم زينب المندلاوي (حروف مبعثرة)

البارت الأول

#ذكريات_الحب_البارت_الاول ..
بقلم #زينب_المندلاوي.#حروفٌ_مبعثرة

دا اعدل غراضي بغرفتي ..
وافرغ جنطي ..
فتحت سحاب الجنطة ..
ومن دا اشيلها اخليها على الجرباية ..
وكعت من ايدي الجنطة ..
وتبعثرت الغراض الي بداخلها ..
و وكع ذاك الصندوق الصغير ..
الي يحمل ذكرياتي .سواءً...من اغراض ..

او اوراق ...

وكع ذاك الصندوق ..ومن تبعثرت اغراضة
...بدت خيوط الذكريات...
تاخذني...بعيد ...
الى سنين ..مضت ..
ومن ضمن الاشياء ..الي تبعثرت
انفتح ذاك الشريط ..الابيض ..
اي ذاك الشريط ..
الي لحد الان ..احس بلمسات ايدة
على الشرريط ...
اخذت الشريط ..ورحت صوب المراية ..
ولبستة ...مثل العصبة ..
مثل ماهو لبسني ياه ..
ورحت ...سرحت..بخيالي ..
ورجعت ..لسنين ...بعيدة ..
رجعت لنغم ..ذات..التسع سنوات ..

،،،،،،،،،،،،،،،،،،،،،،،،،،،،،،،
اليوم ..جنة دنلعب اني واخوية انمار ..

واختي ندى ...

دنلعب بالدرب ..

وجان يصيح..انمار ..بيت عمتي نجية اجو

هذولاك ..شلت راسي ..باوعت ..

اي ..ديتمشون ..نزلوا من الشارع العام...

ركضنة نتسابق ..دنوصلهم ..

بيت عمتي نجية..يسكنون .باحدى المحافظات

الجنوبية...واحنة ..نسكن بغداد .

لكن منطقة شعبية ..

اني احب....حسام ابن عمتي .

اي احب صوتة ..
احب ..شكلة ..
احب شقا ..وسوالفة ...
دائما يضحكنة ..
احبه حب بريء
حب عفوي ..
حب من الفطرة ..
حسام اكبر مني ب 5سنوات ..

لكن ..دائما ..استحي منهم ..لان همة .

زناكين .وهدومهم مرتبة ..ابوهم تاجر .

مفروشات. ويصير ابن خالة ابوية ،

واحنة ..ابونة معلم ..

ابونة راتبة ميكفي ..فمفتح محل بالسوك ..

وامي تخيطلة ..ملابس رجالية ..ويبيعها .
.
حالتنة المادية..مو ذاك الكد...

كاعدين ابيت جدي ..امي عازلة فوك ..

عائلتي ..تتكون ..من
ابوية ..وامي ..

وانمار .اكبر مني ب 3سنوات ..مواليد 1976

واني نغم ....مواليد ..1979

وندى..اصغر مني بسنتين ..1981
،،،،،،،، ،،،،،،،،،،
بيت جدي ..يتكون من

بيبيتي .وجدي متوفي ..

وعمي الجبير ..قاسم .مفقود..بالحرب الايرانية

وبورى عمي قاسم عمتي نجية متزوجة ابن
خالتها ،،،،

وعدها .