#قصة_ذكريات_الحب_البارت_التاسع
#بقلم_زينب_المندلاوي.#حروف_مبعثرة
واني صافنة على روحي بالمراية ،،
حسيت بايد حاوطتني وبهمس
هادئ بمسامعي ،،
حبيبتي مشتاقلج ،،،
اجة قرب راسة اكثر وصارت صورتنة
اثنينة معكوسة بالمراية ،،،
مد ايدة للشريط ، وكال هذا شنو ،،
شنو دنلعب تايكوندو،،،
عمي ترة اكلج من هسة انتي راح تفوزين
واني راح اخسر ،،
لان ضعيف كدامج ،،
نغم اعشقج ،،،اعشق كلشي بيج ،،،
عيونج ،،غمازتج،، طولج ،، رشاقتج ،،
صوتج ،،،كلامج ،،مشيتج،،
نفسج هذا الاوكسجين مالتي ،،،
ضحكت وكتلة
هذا الشريط متتذكرة انت ،،،
لكن اني صار سنين يمي وهو سلوتي بغيابك ،،
حسام هذا الشريط الي جان ابدلتي ،،
واالثاني يمك ،،،شلون نسيتة ،،
صفن وهو يتامل بملامحي وابتسم ،،
وصار يمرر بايدة على وجناتي ،،،
نغم ،،،الشريط راح وية غراضنة الي بقت
من انهزمنا ،،،
بس ذكراج وحبج وصورتج بقوا
بكلبي لليوم ،،،
ما نسيتج ابد ،،،طول السنين المضت ،،
وماعشت الراحة بيوم وانتي بعيدة عني
لج تدرين شكد جنت اغار وبراكين تشتعل
ابداخلي ،،،من اشوفج وانتي ملك غيري
نغم انتي مالتي اي الي وحدي ،،
وصارت اصابعة تداعب خصلات شعري ،،
وهو يكول يربي احمدك واشكرك
حبيبتي ابين ادية ،،،
،،،،،،،،،،،،،،،،،،،،،
مرت ايام واني اسعد انسانة على وجه الارض
،،،عشت الحب والحنان والاهتمام ،،،
الي ماعشتهم من قبل ،،،
لكن تبقى هناك غصة ابداخلي ،،،
وهي اطفالي بعاد عني ،،،
مرت خمس ايام ومن بعدها حسام
كال نغم اجازتي خلصت ،،
