هُن القوة

بدايه

لايك قبل ما تقرا وكونت بعد ما تقرا ...قراءه ممتعه ❤
هُن_القوة
الحلقة:التانية
بقلم :فاطمه سالم الورفلي
.........................
...................
عند كفايه :
مراه :انتي مرت الكوم؟

اني ابتسمت :اي ان شاء الله...

مراه :اها بس شكلك ما تندريش بأنه الكوم متزوج قبلك مرتين

اني نخطف لوني وشهقت:شنوووو شن تقولي انتي

مراه ابتسمت بخبث وقعدت تواسي في قفطانها وتشبح يمين ويسار وقالت من بين سنونها ومبتسمه بنبره تهديد :نقصي حسك خيرلك

اني شبحت لي جيهة الناس لقيتهم يشبحولنا... زمطت ريقي وابتسمت بالغصـب وقلت بهدوء :غر احكيلي شن في

مراه بدون ما تشوفلي:شن بنحكيلك يعني ... ياستي اني ضرتك ومزال عندك ضرة اخرى

اني لين حليت فمي بصدمه:شنوووو

مراه عقدت حواجبها وبتنتوير قالت:زي ما قتلك باش ديري في بالك... انه الكوم مش ليك بروحك يا للا تسفرديش بيه ... "وناضت بتطنيش "

........
اني قعدت مصدومه وفي حالة يرثى لها... وقعدن النساوين يكشكن عليا لعند خشيت لي شقتي وصكروها عليا... قعدت نشوف للشقه بصدمه... وكل زاويه نشوفلها... نشوفلها بحسره... حتى بعد تزوجت... تزوجت شخص مشاركيني فيه زوز مش حتى وحده يخي.... زمطت ريقي.... وخطيت اول خطوه... وسمعت تشكشيكه مفاتيح.... التفتت وراي طول انفتح الباب شوي شوي لعند بان عليا راجل في مقتبل الاربعينات.... لحيته شايبه عيونه مسحوبات ورموشه مشوكات... وشعره ناعم ونازل لعند ذقنه محادي لحيته... لون بشرته قمحيه.. وفمه صغيرون زي الخويتم.... وملامحه حادة بس هاديه و وجهه من الجبهة عريض وماشي لعند الذقن على هيئه مثلت... يعني بلاصح حنكه رقيق او منحوت زي ما نقولو...قعدت صافنه فيه... لعند ابتسملي.. فطنت لروحي رمشت رمشتين وزمطت ريقي وعدلت وقفتي... قعد يشوفلي من ساسي لراسي يفصل فيا تفصيل لعند طبست راسي وتحشمت... هو صكر الباب وتنحنح وقدملي خطوتين.... رفعت راسي لقيته مبتسم "ابتسامه ساحره وحلوووه.... لعند صفنت فيه وحتى الرمش ما رمشتش من جمال مبسمه... "... ضحك بهمهمة... وقال بصوته المخـملي..

الكوم :كيف حال يـاكفايـتي❤...

اني نصدمت من كلمته...وحسيت بنمـسة خفيفه... تلخبطت وبلعت ريقي والإدرنالين قعد ينخفض ... طبست راسي متحشمـه وقعدت نرمش بسرعه ....

الكوم بنبره حنونه :يامغلاك علي يا خجول... وكل ما يزيد حشمك غلاك يزيد شوي شوي

اني تحشمت لعند وجهي قعد احمررر

الكوم حط ايده على وجهي ورفعلي راسي...قعد يشوفلي بعيونه الساحرات وبدقه لدرجه قريب يخترق وجهي من دقه نظره....وزادت ابتسامته وحط ايده التانيه على ايدي وشدها وقعد يمشي بيا لعند الدار.... قعد قلبي يدق بسرعه وجسمي يهبط ويرتفع من النفس...وصكر الباب وطلق ايدي وقعد يحول في ساعته ويهدرزلي... لعند قعدت ناخد ونعطي معاه... ومشـت الامـور زي ايي متزوجيـن 🍃..... على العموم خلي نبدا في اول لحظات بدايه "حكايتي"....