وصلو ل500كومنت ولايك باش نزل حلقه اولى
#هُن_القوة
اعـلان...
بقلم :فاطمه سالم الورفلي..
........................
..............
ملاحظة :بروايه هادي ح نحكي على قصص راي عام صارو في الفتره هادي... صارو اشياء تخلي العقل يستك
.........
تكوني قويه لما تعرفي لي بديريه تبيه والاهم يرضي ربي ويكون شي مقتنعه بيه وما تسمعيش كلام حد.... تكوني قويه لما تبكي على يستاهل "ويستــاهلك ".... مش يستهلكك.... تكوني قويه لما تقولي كلام حق بدون ما تغلطي في حد... تكوني قويه لما ما تغلطيش في حد بس لو حد غلط فيك تاخدي حقك بـي كل ذوق واحترام بس الاهم ما تسكتيش .... ومهما تطلعي وتخالطي ناس تكون مبادئك واحترامك لذاتك ولي دينك ولي اهلك وايمانك بي ربي قوي... هكي انتي قويه ❤
.....
لان في هلبا اغلبهم ضعاف الشخصيه يمرو بعلاقة فاشلة بأن تتنازل فيها و ترضى بالإهانة و تتحمل في كل شي "على حساب نفسها وصحتها " .. كل شيء حاضر ونعم حتى لو شي مش مقتنعه بيه او عيب.... وهدا كله على اساس يكون في سبيل "الحب
.........
للاسف الحب بريئ من الاشياء هادي كلها...
بقلم فاطمه سالم الورفلي
.....
لاحظو انه " اغــــــــلــــــب" البنات الفتره هادي يضيعو في انفسهم!.... بسس بدون " ادراك ".....كـيف يضيعو في انفسهم بأن اول ماتوصل عمر معين 14او15سنه وتكون في سن المراهقه 💁.....والمراهقه شي كاارثـــــي ....وللاسف تبدا تحب وتكلم ف ولد والولد هدا يضحك عليها ويجري بيها....يعني مش واخد مشاعرها على محمل الجد.....وهيا تبدا بنت كويسه وبنت عيله وكيف فتحت عيونها وقاعده في بدايه نضوجها....وذنبها الوحيد انه حبت بصدق لاكن حبت في سن صغيره من عمر.....اي كلنا نعرفو لأنه الحب زي الموت لا يعرف كبير ولا صغير....ولكن العمر ليه دور كبير ومش بس في الحب " فــــي كـــــل شـــي ليه دور كبير العمــــر ".......على العموم فِي الاخير ينضحك عليها.........وتبدا هيا مسيبه قرايتها وكل تركيزها علي شخص اللـي تحبه ومش معدله علي مستقبلها وتفكيرها كله بي " ليش اني شن درت؟....في شن قصرت؟...ليش هك دارلي! ".....وفـي الأخير تكون هي الخاسره وتاكلها على راسها..... عارفين ليش!؟
-عشان مالقتش من يقوللها هدا غلط وانتي هكي ضيعي في مستقبلك ... والاهم لي هو سبب الهم مالقتش من يهتملها ويعاملها بطريقه حلوه ويحتويها ويسعدها..... وللاسف لقت شخص غلط وخلاته سبب سعادتها.... عشان عطاها لي فقداته حتى لو بالكـدب.... وفي الاخير هي لي جازفت وخسـرت....
...................
بسس لوو نهتمو بنفسنا وكيانه ونحتوي نفسنا... والاهم نثقفو نفسنا... نلقو رواحنا احني لي كاسبين.... ونسعدو نفسنا... ولو حد اسعدنا نشاركوه سعادتنا .. " مـــش نخلـــوه سبـب سعـادتنـا ".... ولما نتعلمو ونتثقفو ح نعرفو صفاتنا واختلافنا وطريقه تعاملنا الاساسيه والافتراضيه لي لازم نتعاملو بيها... ونوزنو مشاعرنا وقتها ح نعرفو في كتاب " سيكولوجية انسان "بأنه....
بقلم فاطمه سالم الورفلي
-صح رجاله هما يحبوا البنت الهادية او بالاصح السلبية وضعيفة الشخصية ويفضلوها كا زوجة ...اللي تقول حاضر علي كل شئ ... اللي مهما دار فيها هو ضامنها عمرها ما ح تاخد موقف ...على اساس هكي ح يعزز رجولته 💁... بس الحقيقه هادي الفكره " سطحيه وجدا اخرى "
-بس في الحقيقة الامر هما يفضلو المراة الصعبة وبالاصح للي رضاها صعب اللي معتزة بشخصيتها وصعبه المنال ... اللي لما يغلط فيها ..يكون عندها عزة نفس وما ترضهاش لنفسها وما تكتمش في قلبها...
لانه ببساطه تختلف سيكولوجية الذكر عن سيكولوجية الانثي ... وكان الكلام هدا موجود فيه ...مش معني هدا تتمردي علي زوجك ...لا طبعا طاعة الزوج واجبة ..بسس نحنا النساء لما نحبو... نحبو بس كل ذره فينا والحب يعمي عيونه ونبدو نتنازلو لعند "نخسرو نفسنا ونخسرو حتى لي نتنازلو عشانه"
-لدالك متسامحيش "وماتسمحيش" لي "ايي شخص "اللي يجرح كرامتك وانوثثك " من كان من يكون حتى صديقتك للعلم "..متسامحيش الا لما تخليه يتوب التوبة النصوح .
-وعلى فكره محدش ح يشوفك غالية الا لو انتي غليتي نفسك .. ولما تعززي نفسك الكل يعزك ويحترمك
-بس معنى هدا مش تخلي لي يغلط فيك يخاف منك!.... لالا خليه يخاف من " زعلــــك"
وخلي في مفهومك العام....البنت مايعيبهاش لا وزن أو لون بشرة ولا طول شعر ولا جمال ....ومافيش مقياس صح نقيسو عليه الجمال لإنه نسبي... لانه اولا هدا خلق ربي وتانيا الجمال "جمال الروح ".... وما يعبيهاش ادا هي مطلقه او ما تزوجتش... ادا ما تزوجتش البنت يبقى هي مالقتش من يثمنها ويقدرها.... وادا هي مطلقه لقت طلاق هو انسب حل من رجل خاين ويضرب ويعذب ولا يصلي ولا شي بس الراجل يلي مايصليش مستحييل ينفعك هو مانفع ولا طاع ربي " تبيه يعاملك بي احترام ومايخونكش!؟....حبيبتي خليك بنت مثقفه وقوية و ماتهزيش ع روحك وديري لروحك هدف
...والبنت يعيبها الاخلاق وليس "الخلق "....يعيبها تكاسلها عن الطموح ، يعيبها أن تكون ضعيفة ومُنساقة وراء التيار بدون شخصية ثابتة ، يعيبها الجهل ..... وانا نشجع البنت يلي تعتمد على نفسها وماتعتمدش على حد ...
#فاطمه_سالم_الورفلي
أنت تقرأ
هُن القوة
أدب نسائيكوني قويه لما تعرفي لي بديريه تبيه والاهم يرضي ربي ويكون شي مقتنعه بيه وما تسمعيش كلام حد.... تكوني قويه لما تبكي على يستاهل "ويستــاهلك ".... مش يستهلكك.... تكوني قويه لما تقولي كلام حق بدون ما تغلطي في حد... تكوني قويه لما ما تغلطيش في حد بس لو حد...
