هُن القوة

قرارات مصيريه

#هُن_القوة
الحلقه :التامنه والتاسعة مقابل الاخيره
بقلم :فاطمه سالم الورفلي
............................
.............
عند كفايه :
الكوم شبحلي قريب عيونه يطلعن:شن لي مدايرتيه هدا

اني بلعت ريقي :ط... طل.... طلقني اي اي طلقني معاش نبي معاش نبي نقعد معاك طلقنييي

الكوم توسعو عيونه بصدمه وقربلي :شن تقولي انتي !...... شن لي جاك؟.... شن تبي بزبط!

اني نرعش ونتلفت يمين يسار ومركزه على الدار:ق.. قل.. قلت.. قلتلك.. قلتلك شن شن نبي طلقنيي هدا لي نبيه

الكوم التفت لي دار لي نشوفلها وعقد حواجبه وزفر وشبحلي

اني ارتبكت ونبي نتكلم مش قادره...

..............
.......
عند سدينه وسكينة:

سدينه :اهو خش خش

سكينه :هلنهار عليه ندور هلنهار ربيع منور اخخخ بنزغرط مش قادره 😂❤

سدينه فنصت فيها:غر اسكتي خلي نعرفو شن بيصير

سكينه :حي حي يعارك حييي يا نهاري كان يخشلنا

سدينه :فال الله ولا فالك غر اسكتي خلي نسمع "واتكت على الباب تصنت "

سكينه :حي خيرهم سكتو؟

سدينه :زعما طلعو!

سكينه :بلكي خشو!

سدينه :يمكن!

سكينه :هيا امالا خلي نطلعولهم

سدينه وخرت على الباب وفتحاته وطلعو من الدار.... طول شافهم الكوم.... تخزرطن...

الكوم يصفق :ياعيني ياعيني توا فهموني شن لي قاعد يصير توااا

سدينه تفنص فيا

سكينه اطربق في صوابعها

واني تنهدت براحه....وخايفه شن بيصير اكتر ما صار

الكوم بعصبيه:سكييييينه

سكينه رعشت :ااا ننن... نننععع... نعممم

الكوم :تعاااالي معاي

سدينه قعدت تنخص في سكينه... و سكينه توخر عنها وترعش

الكوم :تعااالي قدامي توااا

...
مشت سكينه مع الكوم وخشو لدار وصكروها... طول سدينه شافتلي وتفنص...

سدينه :تعرفي تخبري الكوم بي حاجه نوريله الصوره ره والله ما فايته الا ما نوريها

اني خفت وتفكرت الكارته هدي...بلعت ريقي وتوترت....شبحت لجيهة الباب نستنى شن ح يصير وشن بتقول سُكينه... غمضت عيوني وندعي في خاطري "ربي يستر يارب "... ونطربق في صوابعي.... وشوي وبدت اصوات سُكينه والكوم تتعالى... ولي زاد وترني صوت شهقـات سُكينه... شبحت لي سدينه على جنب لقيت عيونها تقدح نار وكان تلقى تقتلني... على رغم واضح خوفها الا انه كرهها ليا فاضحها وباين عليها من عيونها.... تنهدت..... وهـوووب انفتح الباب وطلع من الكوم معصب ووجهه منسود وحواجبه معقودات وداهش من العراك... لين اني شهقت من منظره... وسدينه وخرت على وراها من الخـوف...