#هُن_القوة
الحلقه :الرابعه
بقلم :فاطمه سالم الورفلي
....................
.........
عند كفايه:
اني شربت مايه... والكوم تسطح على الفراش ينعس فيه النوم... الباين لما كانو يواسو في الصفره كانو يحطو في الطاسه لي فيها المنوم الاولى لانه عارفين الكوم ح ياخدها!.... ربي يستر زعما شن بيصير!... قعدت ناكل ونخمم وشوي والكوم قعد ينخط... والباب قعد يطق... بلعت ريقي بخوف وفتحت الباب ولقيت سدينه وسكينه!! ......دينه شدتني من ايدي وطلعتني برا وسكينه صكرت الباب....
سدينه :هم كلمتين حطيهن خرص في ودنك... ح نطلقوك ما تفرحيش والكوم لينا احني وبس....وانقطع الخبر فاهمه ولا وانتي لي ح تطلبي الطلاق فاهمه ولا
اني هزيت راسي وبلعت ريقي...
سكينه :وتقولي ان احني جينا اصلا نهارك لي ادوري فيه
اني هزيت راسي بخوف... وهن شافن لبعضهن وابتسمن ومشن.... واني خشيت ودقات قلبي متسارعه بقوه... صكرت الباب شبحت جيهة الكوم...وقلت.... الباين ح يكون في متاعب يا الكوم في سبيل حبك ليا.... اخخخ بس ان شاء الله ربي يهون عليا يا حنوني ❤... بجد حنيته سحرتني....مشيت حولت الصفرة للكوجينه رفعتها.... وقعدت نحوس في الحوش كسدت قلت خلي ننزل لوطا نهدرز شوي.... خشيت لداري غيرت حوايجي لبست جمب سوت لونه بنكي وعليه جاكيت لونها ابيض وعليها وردات بنفس درجه لون الجمب سوت....ودرت شويه رتوش.. مسكره وبودره جونسون وروج وردي .... وبخيت شويه برفان وخديت وصاحبي وطلعت من الدار شفت الكوم في سابع حلمه 😂... حتى الواحد يبي يتأمل فيه من تنخيطه تنسد نيه😄.... ابتسمت ...وقعدت نواسي في وشاحي على الانتري وكل شوي نشوف من المرايا لي الكوم ونضحك ياحنه تنخيطه تسمعيه من اخر الشارع 😁.... على العموم واسيت وشاحي وطلعت كندرتي من الانتري لبستها وفتحت الباب ونزلت درجتين بهدوء وخفة تامه بدون ايي صوت....وسمعت صوت سكينه وسدينه!...كهبت من الدروج شفت ظلهن عاكس.... جيت بنكمل طريقي بس اطراف الحديث شدتني..
سدينه :تو شن بنديرولها نار في قلبي تحرق ناار
سكينه تنهدت:اخفف حايره حايره كيف نتصرف معاها هالبني ادمه
سدينه بشهقه:عرررفت....
سكينه :نقصي حسك ياهمي... شنو قولي؟
سدينه :في سحاره في زنقة معهد معلمين تسكن في حوش عيت سعد مأجراته قالو
سكينه :تي باهي الخلاصه شني دهشتيني
سدينه :اففف خلي نكمل.... المهم هدي قالو الطير لي في السمي اطيحه وحده يالطيف الطف
سكينه :بس تبي ميزانيه يا حنه
سدينه :لكن خدمتها صح الصح.... بنت اختي ياحنه لقت راجلها يخون فيها تمشي تمشيلها خلاته خاتم في صبعها
سكينه :هي ريتي باللهي
سدينه بخبث :اييي...ها شن قولك نمشولها؟
أنت تقرأ
هُن القوة
ChickLitكوني قويه لما تعرفي لي بديريه تبيه والاهم يرضي ربي ويكون شي مقتنعه بيه وما تسمعيش كلام حد.... تكوني قويه لما تبكي على يستاهل "ويستــاهلك ".... مش يستهلكك.... تكوني قويه لما تقولي كلام حق بدون ما تغلطي في حد... تكوني قويه لما ما تغلطيش في حد بس لو حد...
