#هُن_القوة
الحلقه :الخامسه&السادسه
بقلم :فاطمه سالم الورفلي
.............
......
عند كفايه :
قعدن يمشن ويتلفتن... واني نلحق فيهن ونرعش لين خشن في زنقه زدت خفت... و وقفت في مكاني شوي حسيت روحي ضعت... بلعت ريقي وقلت خلي نكمل ونلحقهن وخلاص... خطيت اول خطوتين ونرعش من الخوف... بس لما خشيت لزنقه مالقيتهنش؟... كيييف هك وينهن!... يااربي كيف بندير... شبحت يميني مالقيتهنش شبحت يساري واول ما التفتت هكي شهقت... لقيتهن يصورن فيا!!!...لين حليت عيوني على وسعهن....قعدت نبرم في مكاني لقيت روحي قدام حوش السحاره بزبببط ... التفتت ليهن لقيتهن يضاحكن!!!.... نسمطت في مكاني معاش عرفت ما ندير... وهن كملن طريقهن لقدام.... يا نهاري وخلاص خلي نلحقهن خيرلي... قعدت نلحق فيهن.... وكل خطوه نخطيها بطلوع الروح....ودقات قلبي في الالف... ورجليا يادوب حاملاتني.... وما وصلت للحوش لين خليني ونخليك... وخشيت للشقتي طول من باب البراني ونفكر في الكاوصه لي درتها بيديا....التفتت ليجهة الصالون مالقيتش الكوم... يا نهار المبارك شن بيفوته هاليوم بسس.... ربي يستر وخلاص... على كلمتي هدي يطلع الكوم من الحمام حشاكم... اني يبست في مكاني طول ونراجي فيه غر يرمي عليا يمين الطلاق... يا مينتيي وخلاص شن بيقولو الناس!... يوم صبحيتها اطلقت ....وطول الكوم شبحلي..
الكوم برفعه حاجب :او وين كنتي!
اني بلعت ريقي:اا كنت كنت لوطا كنت
الكوم :باهي غر لما نضت مالقيتكش استغربت!
اني :ااه اي ماهو انت رقدت مشي كسدت قلت خلي ننزل وخلاص
الكوم :اوباهي....جابو غدي؟
اني ارتبكت:اه... ااا لالا م.. ما... ماجابوش
..........
واني قلت كلمتي من هنا... ورن الجرس من هنا.... قلت خلاص ورقه طلاقي ليوم...وعلى كل خطوه يخطيها الكوم اني نرعش... واول ما فتح الباب غمضت عيوني وقعدت ندعي في سري يارب استر ياستار.... واول ما سمعت صوت سدينه الدم وقف في عروقي...
سدينه :هاك الغدي
الكوم :هاتي هاتي
سدينه :لالا غر اعطيني الطريق تو ندخله
.....
وخر الكوم من هنا وخشت سدينه من هنا وعطتني شبحه زي السـمم لين انسمطت....وكملت طريقها للكوجينه ....ولحقتها للكوجينه والتفتتلي قتلي...
سدينه :تعرفي لو تطلعي من شورنا ولاا!... اقسم بالله الا ما نوري للكوم الصوره فاهمه ولا
اني هزيت راسي
سدينه :وليوووم في ليل بنجوك احني ونقعدو في الدار وانتي بتمشي تقوليله طلقنيي بعد شهر بس شهررر فاااهمه !
اني بلعت ريقي وهزيت راسي... وسدينه خدت سفره الفطور وجابها الباب وطلعت...وجي الكوم خش كوجينه وقعمز على الطاوله وخدي كاشيك وشبحلي..
أنت تقرأ
هُن القوة
Chick-Litكوني قويه لما تعرفي لي بديريه تبيه والاهم يرضي ربي ويكون شي مقتنعه بيه وما تسمعيش كلام حد.... تكوني قويه لما تبكي على يستاهل "ويستــاهلك ".... مش يستهلكك.... تكوني قويه لما تقولي كلام حق بدون ما تغلطي في حد... تكوني قويه لما ما تغلطيش في حد بس لو حد...
