هُن القوة

تخطيط لانتقام

#هُن_القوة
الحلقه :التالتةه
بقلم :فاطمه سالم الورفلي
......................
..........
عند كفايه :
:حطيتي المنوم!

:اي حطيته ورب العباد الا ما نطفشها يا اني يا هي في الحوش

اني رعشت ومعاش عرفت ما ندير قبل ما نبيش نفتح بسس الكوم جبرني.....

الكوم :مني كفايتي

اني توترت :اا اه مش عارفه

"وفتحت الباب... قابلتني بنت صغيره لكنها سمرا وعيونها تقدح نار ماتبشرش بالخير وفي ايدها صفرة....وما احرف منها الا لي في جنبها.... قعدت نركز فيها وتفكرتها لي امس قابلتني... قعدت نشوفلهن مصدومه لين كشخن عليا...

:شني ما تبيناش نخشو امالا

:حولي يا حنه حولي الحوش حوش راجلنا عندنا فيه النص

.....
قعدت نرعش وهن دفدرني وخشن على طلعت الكوم من الدار.... طول فنص فيهن وهن نسطرن في مكانهن...

الكوم يواسي في حوايجه: سدينه سكينه شن لي ديرن فيه هدا... وانتي سكينه منوو جابك من حوش هلك مش قتلك ما تروحيش لين نجيك اوو!!

سكينه تخزرطت وطبست راسها ماردتش

الكوم كشخ:نكلم فيك اني ردي عليااا

سكينه بتأتأة: ااا يا ياسيدي والله والله ما كنت نبي نروح ما غر صغيويره كرشو وطول ليل ونهار يعيطو يقولو نبو بابا

الكوم قرن حواجبه :ويجيبهم خوك وانتي اقعدي ليش جايه

سكينه :م... ما.. ماهو ماهو يا سويدي ك.. كككي.. كيف يعدو عني صغيويرتي هكي نبدا قاطعه اللواي ونخمم

الكوم :وكان صبرتي هالكم يوم ما فيها شي يلا حطن السفره وارتزعن برا لي ادير فيه هدا مايمشيش معاي سامعات ولا

سكينه وسدينه بخوف واصوات متقطعة قالن: ححح.. حا... حاض... حاضر حاضر...

....
مشن حطن السفره على الطاوله.... ودارن رواحهن يواسن في الحاجات... شبحلهن الكوم وزفر وخش الحمام حشاكم... ويادوب صكر الباب من هنا شبحنلي شبحه سم من هنا....وطول قربن مني لين خفت ....وجتني سكينه خنقتني...

سكينه :قسم بالله كان تقوليله على لي قلتلك عليه امس دابني قاتلاتك سامعه ولا

سدينه قربتلي وشدتلي شعري بقوه :وهالسالف لي تهزي بيه نقطعهلك شعره شعره

.....
وعلى كلمه هدي طلع الكوم... وهن طول خافن وجابهن الباب...

الكوم يصكر في باب الحمام بيده ويد تانيه ينشف في وجهه بي المنشف :طلعن او!

اني صكرت الباب :اي طلعن

الكوم تنهد :يا والله حصله وحصلت روحي فيهن

اني ضحكت :ليش ؟

الكوم جي وقعمز على الصفره :وحده بنت عمتي او وحده بنت خالتي وتزوجتهن عشان امي وبوي...وحصلت فيهن