ليتني لم ألد

مشهد

كفى حزنً قلبي اكتفى
كفى المً من كأس الشجن قلبي ارتوى
عن السعادة سرت باحثة في الطرقات
قلبي انكسر قد مات
متى سيكون طوق النجاة
روحي محملة بالاهات
في قلبي اكتم الكثير من العبرات والحسرات
فروحي المعتمة لن ينيرها الا ذلك الذي قد اطفئ انارتها ....

#ليتني لم ألد
#بقلمي_زمرد الربيعي

المشهد الأول :

شهر 12 جو بغدادي الحبيبه يخبل بارد ومطر خفيف والشارع هدوء دنيا ظهر وامشي وسارحه بتفكيري بالامتحانات وما أحس أله انصدم بـ شخص وكعت بالطين وتدمرت صرت عصبيه وادردم

: شبيك احول انتَ ما تشوف كدامك صرت كُلي طين بسببك والدفتر تدمر من وراك

: اسف مو قصدي بس خلي اساعدج

: مبرطمه واريد ابجي لان الدفتر وكع بالطين وعندي امتحانات رفعت راسي من شفت جماله لساني سكت وكمت ما اعرف شنو احجي ، بقيت سارحه بي العيون خضر والوجه وردي ولابس زي العسكري واشكر سبحان الخلقه اشو بالعراق قليل مثله عبالك الممثل التركي انجين اوزتورك نسخه من عنده ، كومني وساعدني اشيل دفتر والأقلام بالطين بقيت افكر بي وابتسم وصلت للبيت

" من شافتني امي تخبلت "

: يا مصخمه شهل طين هذا مو صار عمرج 16 شوكت تعقلين وتصيرين ام بيت

: اوف ماما ملابسي اني اغسلهم وهسه جوعانه داشتم ريحة دولمه......

المشهد الثاني :

: كاعدين بالخيمه نشرب جاي والولد يغنون سلامات ابعث سلامات واحنا نغني و مندمجين وياهم

: اوف منكم متت جوع والأمدادات اليوم ضعيفه كلش و انتي اليوم ضربتينا بوري

: يااا ولكك مو جبتلكم اكل انت ما تشبع كومه تاكل

: خاب اسكت لا تحجي ع لبوه مالتنا ما مقصره بس انت يااخويه ما تشبع

: دنشاقه ونضحك واجوي الولد يركضون ويكولون شباب بنات الحكو اكو ولد وكعو ع الجسر خلي نلحك الهم طلعنا نركض وكل واحد الاسعافات الاوليه بـ أيده

" رغم علي كان متصوب ويعرج
بس دمه حار ما ينطيه گلبه يترك
اخوتي وسط الموت "

: يمعوده ولج اثبتي بمكانج دخانيات هواي لمحت علي اتحرك من مكانه صحت عليه علي يمعود انت متصوب بس تخبل من شاف صديقه واخو نضرب طلق حي راح يركض اله

بقيت اصيح علي لا تتحرك فدوه ما شفنا غير الدخانيه نبتت بركبته و وكع من طوله والدم يجري

: فدوه جيبو التكتك راح نخسره تحرك سررمد لا تبقى صنم

: ركعت ع ركبتي لـ علي وخليت راسه بحضني فدوه علي كوم لأمك منو الها بعدك فدوه اروحلك كوم لا تحرك كلبي وكلب امك علي

اتلفظ انفاسه الاخيره وكال كولي لامي أمانه بركبتها خلي تهلهل وتطش جكليت وما اريدها تبجي اني استشهدت في "حب الوطن"

المصيبه علي مات بين ايدي واني كل شي ما كدرت اسوي بس بقيت اصرخ علي كوم فدوه امك ما ألها غيرك لا تكسر كلبها....ييييتتبببع

................................................

مساء الحب ،

شلونكم حبايبي ، اجيت وجبت الكم قصه جميله جدا مشوقه عكس بداية قصة "خذلت قلبي" راح ابدي بيها من طفوله لأن راح هذا الشي غصباً عني اكتبه و طفولتها مو عادي مثل طفولة ريتاج لا طفولتها يعني ما اعرف شنو احجي عنها مصدومه بيها و من كبرت هماتين نصدمت بالأحداث ان شاء الله حتفتهمون قصدي بـ البارتات القادمه ،

ملاحضه / القصه حقيقيه 100/100 والأبطال دايتابعون ويانا

القصه ذات طابع ، رومانسي ، اجتماعي ، حززيين ،
ولحد يحكم من المشهد لأن حياة البطله فيها كثير من مطبات ،

اتفاعلوا زين حتى لو بعدني ممكملة قصة "خذلت قلبي" ابدي بيها بسس انتم وتفاعلكم بعد لأن القصه احداثها نار تلهب ههههه ،
وهاا من هسه احفظوا موعد النشر يومين نشر ويوم استراحه
ساعه 10 ليلاً بتوقيت بغداد ،

طبعا تصميم الغلاف للمصممه عبير الحسناوي AbeerAL_Hussnawy مشكوره حبِ ، عاشت ايدج

احبــــ♥️ـــــكم هوايهه هوايهه ،

مع السلامه احبتي ،

انتظروني.......