الـبـارت الثاني عشر
رواية...ليتني لم ألد
#بقلمي_زمرد الربيعي
.........................................................................
انت في قلمبي بدون حرف الباء
وأنت في عقلمي بدون حرف الميم..♥️"
.....................
قرأه ممتعه ،
مراد يكول عيدي شنوو مازن واحس كلبي حيطلع من مكانه من الخوف ومن كثر دكاته المتسارعه وخايفه حيل واذا تواجهو راح تصير حرب طاحنه من الخوف ردت اتخربط وكمت امتمت من الخوف…المصيبه مازن ما عرف شجابه للمطعم هاي صدفه او شنووو بـ هاي اللحظه ما اعرف شنو اسوي فززتني من صفنتي صرخة مراد ..واسماء ع الخط بعدها
اسماء : لج غبيه مراد يمج وحجيتي شبيج ولج اطلعو بسرعه
مراد : ازل ابن خالتج وين دليني مكانه اقسم بـ الله اليوم ما اخلي عضم صاحي بجسمه
ازل : مراد شبيك علمي علمك ليش تصرخ عليه امشي نطلع ما ابقى دقيقه بعد هنا
ايمن : يمعود مراد شبيك ويا البنيه دا تشوف شلون خرعتها وكامت تبجي…..خلال كلامنا مازن صار بوجهنا انصدمت كمت ارجف
مازن : مراد حسابك صفي وياي ازل ما الها ذنب بالي صار اني مني الصوج
مراد : انت مازن يا كلب وضربه ع وجهه كمزت من حركة مراد والناس التمت كلها واخوانه بس يردون يفككوهم ميكدرون وما يعرفون شنو السبب
مراد : لك حقير عار كلب شلون دنت نفسك ع طفله لك لو بيدي اذبحك هسه اذبحك واطم عارك واخلص من شكلك ولك انت كابوس دمرت حياتنا وقضيت علينا كله بسببك فرحتنا تبقى ناقصه
ام مراد : يمه مراد الله يرضئ عليك اتركه يمه الولد صار جنازه بيدك راح يموت ونبتلي بي
- عسى يموت موتت الجلب ولو العار يبقى عايش طول عمره
ايمن : كافي مراد ترى سويتنا فرجه لكل الناس والرجال نقطع رزقه وكام يحجي امشي اطلع بين ما انطي فلوس لـ أبو المطعم واجي
ازل : كمت ارجف من الخوف ومن عصبيه مراد الي كسر مازن تكسر وما يتحمل احد يحجي ويا بـ هالاثناء خابرتني اسماء…
اسماء : ازل شصار خما مراد شافه
أزل : اي اسماء شاف مازن وضربه وهسه صاير كتله مال اعصاب بس احجي يعيط بيه .... مازن شجابه وشيريد وشمعرفه اني متخربطه ونزلنا بهذا المطعم
اسماء : لج اسكتي ازل كله من ورى بيبيتج مخليته يـ الحكم بالسياره ويستفز مراد بالكلام من وكفت سيارتكم لمحته ع عوجيه ينزل بس ما توقعت انو هو مجنت متخيله يجي من خابرنا مراد وكال ازل تخربطت و نجي وراكم احنا تحركنا ورى دقايق وجان تتصل بيبيتج وتكول مازن اجى وراكم هنا تاكدت انو هو الي نزل وكل هدفه يستفز مراد علمود يفصح الخطوبه وبـ ااعتبار انتي أنكسرتي فراح تقبلين بـ مازن ...
أنت تقرأ
ليتني لم ألد
Misterio / Suspensoكفى حزنً قلبي اكتفى كفى المً من كأس الشجن قلبي ارتوى عن السعادة سرت باحثة في الطرقات قلبي انكسر قد مات متى سيكون طوق النجاة روحي محملة بالاهات في قلبي اكتم الكثير من العبرات والحسرات فروحي المعتمة لن ينيرها الا ذلك الذي قد اطفئ انارتها .... #ليتني ل...
