الـبـارت الثاني
رواية ...ليتني لم ألد
#بقلمي _زمرد الربيعي
………………………………………………………
- كل ما كبرت تتوضح لي صورة العالم الحقير
لماذا هكذا هل فقط انا من يحدث معي كل هذا اما انها لعنه من الأله ..."
……………………
قرأه ممتعه ،
ازل : ماما تحجي ومندمجه ع اسماء وع بيبي وعمتي وجان يجيها الرد.....سمعنا صوت بابا كال الها بسج عاد يا مره مو كافي ما الج لا سداد ولا رداد وما احترمتي لا ميت ولا مريض وبكل عين وكحه تحجي ع امي واختي كدامي
ماما :اي شسوي يا عيني مو روحي طكت من امك واختك يحجن علينا ويبيعن شرف براسنا وهنا كح.....ب
"من سمعها هيج تحجي ع امه واخته تخبل ، كام وضربها راشدي"
بابا : اذا اسمعج مره ثانيه لو بحرف واحد تجيبين طاري امي واختي اذبحج فاهمه وهذا الراشدي علمود توبين تحجين كلام ماله اي معنى
ماما : اني تضربني علمود امك واختك بسيطه اليوم احرك الجو عليكم
- الوضع بين ماما وبابا تكهرب خصوصا من ضربها كدامنا كامت تطلع قهرها بينا وتحجي علينا خلصت الفاتحه ورجعنا للبيت حسيت الوضع مو طبيعي عند اهل امي واكو شي مضموم وماما كل شويه تتخربط وتندعي وساعه تبجي سمعتها تخابر رحت استمع الها
ماما : لا صخام بوجهك حميد شلون ينطيك كلبك تسجن اخوك ابن امك وابوك وتذبه بـ اربعه ارهاب نعرف احناا غلط بحقك بس مو بـ هذا شكل تعاقبه وتخلي يخيس بالسجون ....
"ما ادري شنو يحجي المتصل ، واني اطرش بالزفه اريد افتهم
غلقت المكالمه واني اريد انفجر اعرف شكوو "
ازل : وللعصر واجوي اهل امي بيبي وجدو و زوجة خالي
بيبي : ولج تعالي فهميني صخام براسج يا حليمه ولدي تكتلو من وراجن
ماما : ياامي كافي تدكين وتلطمين هسه يسمعون عيالي ونصير علج بحلوك الناس هدي وفهميني شصار
بيبي : اخوج مجيد طلب فلوس من حميد ومن ما قبل ينطي اله بقى يتوعد اله ورى ايام رجع طبيعي وجان محمد ابن اخوج يلعب برى اجى وكال اشتري اله من المحل وراح والروحه روحه وتالي يخابر اخوج بليل ويساومه ع فلوس مقابل ابنه واذا ما نطه الفلوس يكتل الطفل
ماما : صخام براسك يا مجيد شلون نطاك كلبك هيج تسوي بااخوك كملي بعد شصار
بيبي : تالي حميد يعرف ناس بالجيش وعرفو من خلال التلفون مكانه وخططو اله وكاله حجيبلك الفلوس بفلان مكان وجان وحده وكبسو عليه الشرطه من ورى واخذو للسجن
ماما : يا يمه صخام بوجهي اخوتي راح يتكتلون ع فلوس
بيبي : كله من وراجن انتن لو متنازلات ع ورث مجان وصلت المواصيل لهنا بس اخخخخ مالي سلطه عليجن
أنت تقرأ
ليتني لم ألد
Mystery / Thrillerكفى حزنً قلبي اكتفى كفى المً من كأس الشجن قلبي ارتوى عن السعادة سرت باحثة في الطرقات قلبي انكسر قد مات متى سيكون طوق النجاة روحي محملة بالاهات في قلبي اكتم الكثير من العبرات والحسرات فروحي المعتمة لن ينيرها الا ذلك الذي قد اطفئ انارتها .... #ليتني ل...
