ليتني لم ألد

الـبـارت السابع والعشرون

الـبـارت السابع والعشرون
رواية…ليتني لم ألد
#بقلمي_زمرد الربيعي
………………………………………………………

………………..

قرأه ممتعه ،

اسماء ; لج كومي كومي خالي مجيد الي انسجن ولج طلع من السجن

ازل : يمه اسم الله و هسه وينه

اسماء : مدري ولج بيبي راح تتخبل

ازل : مرت ساعات و احنا بقلق شيريد يسوي لما جتي خالتي تبجي

ماما : شبيج ولج ليش تبجين شصار

خالتي : اخذ فلوس امي و الذهب وكل شي و راح و حتئ مسوي طابو مال بيت مزور و اخذه منها

ازل : بعدها خالتي دتحجي و اجى رجلها يركض و يكول عمتي انجلطت الحكوو....بـ لحظات البيت نكلب هوسه بسبب خالي و لأن ماخذ فلوس بيبي ماما بسرعه راحت واخذوها للمستشفئ و للأسف جانت الجلطه قويه و خلتها ما تكدر تتحرك انشلت

ورود : اكلكم ترى ماما راح تجيب بيبي هنا

اسماء : اوف راح تبقى تحجي عاد شراح يسكتها

ازل : خطيه بنات اصلا هيه وين تكدر تحجي بعد

ورود : ماكو احد خطيه بس انتِ

ازل : بعدما دخلوها مستشفئ ثلاث ايام طلعت و ماما جابتها يمنا كان وضعها كلش تعبان و لسانها ثكيل و ما تكدر تتحرك

ماما : ازو ماما انتبهي ع بيبيتج فدوه اني ما اكدرلها ظهري ياذيني

ازل : ماشي ماما بس صارلي ةلاث ايام ما مداومه باجر اريد اروح للدوام

ماما : اي بنتي روحي بس عينج عليها

ازل : تركت الشغل يم صديقتي و بقيت بين الدوام و بين بيبي دائما من تشوفني اوكلها لو اغسل الها تكوم تبجي يمكن ضميرها يأنبها بعد الي سوته بيه… كاعده يمها واتصل بيه عثمان… بعد السلام يريدني اقنع همسه حتب يتزوجون

عثمان : ازو يا بعد اخوج ما تجين تقنعين همسه خلي نتزوج ترى مليت صار الي سنه و نص خاطبها و ما تقبل نتزوج اني شذنبي

ازل : لا تضغط عليها اني اجي واحجي وياها ماشي

عثمان : ماشي انتظر الخبر منج

ازل : اخذت الأذن من اهلي و رحت عليهم خاله بقت تعتب عليه لان ما اجي عليهم رحت ع همسه الي جانت بغرفتها

همسه : همزين اجيتي و تذكرتي عندج اخت

ازل : اذا اني اختج بداعتي اتزوجي الولد متبهذل بسببج

همسه : شلون تريديني اتزوج و انسى اخوي

ازل : لج همسه مو جنتي تكولين محد كلج انسي مراد بس لتسوين بروحج هيج و تكعدين تنصحين بيه اني هم داكلج لا تبهذلين الولد و اقبلي و سوو حفله بسيطه بدون هوسه ولا كل شي