ليتني لم ألد

الـبـارت الرابع عشر

الـبـارت الرابع عشر
رواية…ليتني لم ألد
#بقلمي_زمرد الربيعي
……………………………………………………………………

• مِنْ أينَ هوَه ؟
- مِنْ مَدينَةٍ تَقَعُ يَسْارَ صَدريّ
• صِفيهِ ليّ 
- لا أسّتَطيْعُ
• لِماذّا ؟
- لايَوجْد وَصفٌ لِيصِفْ جَمّالَ قَلبِهِ و وسَامتِهِ
• أتُحبِيهِ؟
- لاِ
• إذنْ ؟
- لقَد فِاق قلبَيّ حُبه أنا الآن أعَشقهُ عَشقاً لمَ يعَشقهُ أحداً مِنْ قبَلٍ
• كمَ هوَ مَحظوظٌ بِكِ.
- لَا قُلْ كَمْ أنا مَحظوظَةٌ بِهِ.

- فـّاطمَة عِليَّ .

…………………

قرأه ممتعه ،

اسماء "بصدمه" : يمكن حامل ؟!

ازل : هلا هلا راح يجي بيبي جديد للعائله يعني كون مثلي حلو…بس اوكفي كم قرد حيصيرون قطار ما شاء الله

اسماء : انجبي انتي القرده اطفالي يخبلون ….. تالي تعاركنا وبالمخدات وتركع الى أن عاطت امي بينا

ماما : ولجن كافي حجي ابوجن تعبان وسكره صاعد من ورى المشاكل وانتن بس هوسه وركع بالمخاد

اسماء : يا يمه غير عرس ازل وفرحانين بي والأطفال يلعبون ....ازو اليوم نصعد فوك بغرفتج سويت كيكه بارده واسوي شاميه وجبس وببسي وحب

ورود : اي ولجن اني متت جوع واريد شي حلو ميته ع حلئ

ازل : هههههه بدت اعراض الحمل

اسماء : صعدي ارتاحي وفد شويه نصعد بين ما ابدل للأبرياء دوري فلم حلو

ازل : استأذنت منهم وصعدت فوك غسلت وتمددت كلش تعبانه…صافنه بالفراغ الكدامي وميسم فززتني من صفنتي بكلامها

ميسم : ازل اني خايفه كلش احس راح اموت .....

ازل : انجبي ميسم وتعالي نختار فلم ...اختارينا فلم وفرشت بالكاع وخليت مخاد واانتظر يصعدن راسلني مراد

💭 حبي نمتي

💭 لا حبي كاعده وي البنات شويه وانام……

واكفه ع مرايه دارفع شعري لفوك واراسل مراد ما احس اله الباب تندفر وعمي يدخل والشرار يتطاير من عيونه وبـ أيده سجين وبابا دخل ورى يريد يلزمه ميكدر اله

بابا : اهدء يمعود احنا مو فهمناك السالفه شنو انت من بشر شهل عقل دنكلك البنيه ك لشي ما بيها ليش هيج

عمو : اتركني ابو حسن خلي اغسل العار بـ أيدي دقيقه ما اخليها اليوم….اباع عليهم شلون حسن وبابا يردون يلزمو ميكدرون بحركه سريعه عمو دفعهم وتهجم ع ميسم وضربها بالسجين بخاصرتها كلنا نرعبنا من الي سوى وبدينا نعيط ...حسن دفر عمي حيل