ليتني لم ألد

الـبـارت الخامس والعشرون

الـبـارت الخامس والعشرون
رواية...ليتني لم ألد
#بقلمي_زمـࢪد الـࢪبـيعـي
.....................................................................

.................

قرأه ممتعه

ازل : ما اعرف شنو الصار وشلون نكلبت السياره بقيت افتح واغمض بعيوني وجنت واكعه ع تراب والمكان جان هوسه ما اتذكر شي من الحادثه صحيت بالمستشفئ

ماما : ها يمه شلونج بشريني

ازل : ماما شصار راسي ديوجعني كلش البنات وين

ماما : يمه صار حادث والله ستر مبيج شي بس شويه رضوض وخياط براسج

ازل : البنات وين شلونهم

ماما : بنيتي فاتن ومروه اثنينهم حالتهم خطره ادعيلهم يتحسنون

ازل : ماما اريد اكوم مااريد ابقئ هنا

ماما : دبقي يا امي وين اوديج للبيت تصير عندج مضاعفات بليل

ازل : لعد خليني اشوف البنات

ماما : كومي امري لله شسويلج عنوديه

ازل : اخذتني ماما وجانو البنات بالعنايه شفتهم من بعيد بس وجهم كله ملفوف بشاش ابيض كل شي مفتهمت منهم...ماما شصاير بيهم

ماما : بنتي الله كريم انشالله يطيبون همه متاذين هواي

ازل : خالهن وين شصار بي

ماما : مبي شي ما اتأذه واخذو الشرطه

ازل : ليش منو اشتكى عليه

ماما : اخته اشتكت عليه

ازل : رحت نمت لان راسي يأذيني رغم اني ما اتأذيت هواي بس الي صار والهبطه كافيه البنات مكدرو يجون لان كانت المستشفئ مكلوب بـ اهل البنات وكلهم اعصابهم محروكه ويذبون السبب بخالهم لان هو لو منتبه مصار هيج كعدت الصبح ع صوت عالي بالمستشفئ وماما تبجي...ماما شصاير

ماما : يمه فاتن ماتت سوده عليه بعدها عروس شافت من حياتها وبسرعه اخذها الموت

ازل : ماما تشاقين وياي مو عليج الله كولي جذب ما اصدك ماتت ليش هيج ربي ليش كل انسان اتعلق بي تاخذه مني وتفجعني....كمت ابجي واصرخ

ماما : كافي امي اهدي فدوه هسه تتخربطين وين احير بيج اني والدنيا مكلوبه

ازل : ماما اريد اكوم عليج الله كوميني

ماما : لج شتكومين ازل اخذو البنيه للتشريح واهلها كلبو الدنيا وهدو ع دكاترا بالسلاح كعدي واسكتي يا امي وين اخذج بنص هلهوسه اني

ازل : مدري وديني للبيت ضجت اختنكت طلعيني ما اريد ابقئ هنا

ماما : اكفي خلي اخابر ع حسن يجي علينا لان ابوج ميكدر