كرونيك:💗عودة_ العشااق💗 😍{أسيل&صخر}😍

☺الحلقة 6 ☺

☺الحلقة 6 ☺

ﻛﻤﻠﺖ ﻗﺮﺕ ﻭ ﻗﻌﺪﺕ ﻓﻲ ﺍﻟﻜﺎﻓﻴﺘﻴﺮﻳﺎ ﻭ ﺣﻄﺖ ﺭﺍﺳﻬﺎ ﻋﻠﻰ ﺍﻟﻄﺎﻭﻟﺔ ﻭ ﺳﺮﺣﺖ

(ﻋﻠﻰ ﻓﻜﺮﺓ ﺩﻳﻤﺎ ﺍﻟﻮﻗﺖ ﺇﻟﻲ ﻣﺎ ﺗﻘﺮﺍﻫﺶ ﺗﻘﻌﺪﻭ ﻓﻲ ﺍﻟﻜﺎﻓﻴﺘﻴﺮﻳﺎ )

ﻓﺎﻗﺖ ﻛﺎﻥ ﺑﺼﻮﺕ ﻫﺬﺍﻛﺎ ﺍﻟﺒﺴﻴﻜﻮﺑﺎﺕ ﻛﻴﻤﺎ ﺗﻘﻮﻝ ﻫﻴﺎ ﻳﻜﻠﻢ ﻓﻴﻬﺎ :

ﺷﻨﻴﺔ ﺃﺳﻴﻞ

ﺷﻔﺖ ﺷﻨﻴﺎ ﻳﺼﻴﺮ ﻛﻲ ﺗﺨﻤﻢ ﺗﻠﻌﺐ ﻣﻊ ﺃﺳﻴﺎﺩﻙ

ﺃﺳﻴﻞ: ﻳﺴﻮﺩ ﻭﺍﻟﻠﻪ ﻭﺟﻬﻚ ﻣﺎ ﻛﻔﺎﻛﺶ ﻗﻄﻌﺘﻠﻲ ﺭﺯﻗﻲ

ﺗﺰﻳﺪ ﺗﺠﻲ ﺗﻘﻠﻘﻨﻲ

ﺻﺨﺮ :ﺯﺍﻳﺪ ﻣﺎﻛﺶ ﺑﺎﺵ ﺗﺘﺮﺑﺎ ﺗﻲ ﺇﺣﻤﺪ ﺭﺑﻲ ﻣﺎ ﻓﻀﺤﺘﻜﺶ

أسيل: أسمعني يا شسمك مانيش ناقصة وجيعت راس لذلك تعمل مزية إبعدني فوتني

صخر:صخر إسمي صخر و تهنا الإسم هاذا باش يوليلك كابوس في حياتك

غزرتلو غزرة كاينها تقول بيها توا تعملي عملا و رجعت غطست راسها في طاولة

ما فقدتش الأمل رجعت تلوج على خدمة باهيا و شيء

فلوسها قريب يكملو و لازمها تخدم إلي يجي

الكراي يحب على فلوسو والمكتباجي زادة و ماكم تعرفو الأدوات تعبلهم فلوس ماهي فلوسو زيد هيا فاك أكهو تلمت مع بعضها

الديون كثرت عليها و الخدمة ما فماش

ولاو يهددو فيها باش يشكيو بيها

نهار وهي مروحة للدار بعد مشوار طويل مالتلويج على خدمة وقفها المكتباجي :أسيل لحظة حاشتي بيك

أسيل :تهنا يا عمي نهيرين و فلوسك يكونو عندك

المكتباجي :لا يا بنتي حبيت نقلك ديونك خالصين ما تحط شيء في بالك

قعدت باهتة :شكون خلصك

العطار : والله ما نعرف جاني واحد قالي هاو حقك

أسيل :باهي عمي يرحم والديك

روحت و هيا باهتة شنية لي صار معاها توا

و الكراي و العطار نفس الحكاية قالولها لي ديونها خالصة بقات باهتة شكون لي عمل هكا زعمة لينا ؟؟

غريبة و الله

دوب ما روحت مالفاك مشات كلمت عشيرتها :أهلا بالهرابة

لينا:ههه أهلا يا روحي بالله وينك توحشتك عاللخر

أسيل:هههه كان تشوف أنا والله خليت عليا بلاصة كبيرة قد الدنيا شكون عندي أنا غيرك من بعد بابا و أمي الله يرحمهم

لينا :الله غالب ضروف ماك تعرف و إنشاله في أقرب وقت نجي نطل عليك

أسيل :نعرف يا روحي نعرف

حقا شنوا حوال راجلك سفا

شعاملة معاه متفامين ولا لا

و فماش حاجة

هههه تي هيا وقتاش تحبل خلي نفرحو بيك

لينا:ههههه تنفس يا بنتي تنفس

إي حمد الله يا ربي متفاهمين عاللخر

وكانك عالصغير هههههههه هاني قاعدة نخدم في خدمتي و الباقي على ربي

أسيل :ههههه يهلكك يا خرا منين جبتها هذي

لينا :هههه إي أحكيلي إنت شعاملة في قرايتك و هذاكا صخر مازال يقلق فيك

أسيل:آآآآه يا ليينا أش بنحكيلك

ماك تعرف لي أنا شديت نخدم في بيتزاريا

لينا : إي

أسيل:طلع سي صخر ديما يجي ياكل غادي نهار وأنا نخدم شافني ولا مترجني في كان ما تطلبش السماح لما نخليهم يطردوك تم تم

لين طردوني

وتوا هاني نلوج

لينا:يااااا مسقطو و توا شنيا عملت

تستحقش شو/يا فلوس عاون بيهم روحك

أسيل:لا عيشك مزال عندي ما نصرف من هنا لين يكملو نكون دبرت خدمة

(أسيل كانت تكذب على لينا ما حبتش تشغلها و هي كيما تعرفو ما تقبلش تكون ضعيفة حتى قدام أقرب الناس ليها)

لينا : باهي يا عمري المفيد تكوني لاباس أما بربي بربي كان ستحقيت حاجة قلي

أسيل: باهي لنوش رد بالك على روحك باي

لينا:باي 😗

علقت التالفون و قالت :مادامها ما جبدتليش على حكايت الديون أكيد مش هيا لي خلصتهم كان مش هي زعمة شكون مالا

قرابت الجمعة و هي على نفس الحالة ترقد في الليل و في النهار تقرا و تفركس على خدمة

ساقيها حفات و هيا تلوج وشيء آخر حاجة نعتوها على عيلة تلوج على معينة منزلية

ولات و قبلت بالأمر الواقع ولو إنها كانت آخر حاجة تخمم فيها إنها تخدم في الديار

بدات أول نهار تخدم فيه عجبتها مولات الدار ياسر حنينا معاها و قالتلها كان تحب تخدم و تروح و إلا تولي تبات