كرونيك:💗عودة_ العشااق💗 😍{أسيل&صخر}😍

☺ الحلقة 11 ☺

☺ الحلقة 11 ☺

وقتها وين تهنات عليه

خاتر سخانتو هبطت و ولا خير ماللي كان عليه

ههه مسكينة مالتعب قعدت عالقاعة حطت راسها على حافة الفرش بجنب صخر و رقدت

زرقت الشمس و صخر فاق من النوم و كي جا قاعد شافها في الحالة هذيكا التعب ظاهر عليها وشاف الدوايات وقتها فهم كل شيء

لحظتها زادت كبرت في عينو خاتر قد ما عمل فيها ما تخلاتش عليه

بقا يشوف لوجها الملائكي مشوار تمنى لحظتها يشد يعنقها و يبوسها و يقلها عيشك

قام من بلاصتو بالسياسة باش ما يفيقهاش هزها و حطها في بلاصتها و خرج

ما زادتش نصيف ساعة و قامت مفجوعة خاترها فاقت مخر و ما حظرتش الفطور و هيا تعرف صخر شنوة

قامت تجري حتى حوايجها ما بدلتهمش كانت ميتة بالتعب و ناقصة نوم مشات للكوجينا

وبدات تطيب بالسيف على دخلت صخر

صخر : فاش تعمل

أسيل :نحظر في الفطور هاك تشوف

صخر :تنجم ترتاح اليوم

أسيل بقات باهتة كيفاش يحكي معاها حياتها لا كانت تتصور يجي نهار صخر يحكي فيه معاها بلطف

قتلو: أَهْ

صخر دخل بعضو وبدا يحك في راسو :لا شي

أما أنا فطرت وأمي خرجت

قتلك ما تعملناش حسابنا

أسيل: إمممم صار

باهي

(على قد ما كان صخر ياسر منفوخ و خشمو في السما و مستحيل يشكر حد و إلا يطلب منو السماح

كانت أسيل كيفو و يمكن أعضم مستحيل تخلي شكون يسخف عليها

هو كان يحب يعنقها و يقلها مرسي على خاترك تلهيت بيا مبارح و هيا تحب تقلو باهي خليني نمشي نرقد باش نموت بالتعب أما الزوز يكابرو)

صخر هز روحو وخرج

هو مازال كي خرج و هيا بدات تحكي وحدها و تغزل :زايد والله طحان ما يثمرش فيه الخير حتى مرسي بالكذب ما قالهاش

هيا هكاكة و يدخل صخر و يقلها عيشك و يخرج ديراكت

بقات مبهما