كرونيك:💗عودة_ العشااق💗 😍{أسيل&صخر}😍

☺ الحلقة 15 ☺

☺ الحلقة 15 ☺

وهز روحو وطلع

ياسر وجعتو بكلامها و هو إلي حياتو ما طيح خشمو لحد على خاترها كلا البخص لين قال يزي

أسيل ما فهمت شيء فاش يحكي هذا

قالو بهاية

وإلا على خاترو خلاني نستقبلك في الدار سماها بهايا هه مسكين والله تي من غير مزيتو

تي هيا لنوش ندخلو راني مازلت ما شبعتش منك

لينا :ما تحكيش على الطفل هكاكة والله ظلمناه ظاهرلي

أسيل :ههه شبيك لينا تضربت على راسك والا شنية

وقيلة الطيارة خضتك برشا ههه

لينا :أدخل بركا توا نحكيلك لداخل

في الجنينة قاعدين:

أسيل:إي كيف السبة تفكرتني وطليت عليا توا عندي خمسة شهور ونص معرسة ما جيتنيش

لينا:و الله يا أسولتي ضروف ياخي ماشي في بالك داري في الدورة والله الله غالب أما كان نقلك كفاش صحتلي الجية هاذي ما تصدقش

وبدات تحكيلها على صخر و إلي عملو باش جابها لتونس

أسيل تسمع و حالة فمها مش مصدقة آخر حاجة كانت تتوقعها إنو صخر يعمل هكاكة

توا فهمت علاش قالها الخير ما يثمرش فيك

هزت راسها تشوف لشباك بيتها ياخي فاقت بيه يغزرلهم من ورا الريدو

أﺳﻴﻞ ﺣﺴﺖ ﺑﺘﺄﻧﻴﺐ ﺍﻟﻀﻤﻴﺮ ﺧﺎﺗﺮ ﺿﻠﻤﺘﻮ

ﺑﺎﻟﻄﺒﻴﻌﺔ ﻣﺎﻫﻴﺎﺵ ﻛﻴﻔﻮ مغرورة بالعكس ﻫﻴﺎ تشوف بالمزية و تشكر مولاها حتى كان ما تحبش و فوق من قلبها

كل حاجة في بلاصتها

مشاتلو للبيت دقت الباب و دخلت

صخر كان قاعد حذا الشباك و عاطيها بظهرو

أسيل : تنجم دورلي خليني نحكي معاك كلمة

صخر قام من بلاصتو وقف قدامها كتف يديه و طلع حاجبو كي العادة و قالها :

تفضل أش حاشتك

أسيل:حبيت نقلك مرسي عالكادو متاعك و سامحني خاتر جرحتك من غير ما نقصد و قد ما نحكي ما نجمش نوصفلك فرحتي بالمفاجأة لي عملتهالي