كرونيك:💗عودة_ العشااق💗 😍{أسيل&صخر}😍

☺ الحلقة 9 ☺

☺ الحلقة 9 ☺

شوف الطريقة الوحيدة لي تنجم ترجعلي بيها فلوسي هي العرس هاني باش نخليك تخمم ماكانش نتصرف معاك بطريقة أخرة

قام من بلاصتو ووقف قدامها و عدا يدو على شعرها وقال :ههه يجي منو بنية مزيانة كيفك تشد الحبس خاتر حكاية تافهة كيما هكا وأنا نعرف لي إنت ذكيةةو تعرف تتصرف

أسيل تصدمت ماللي سمعتو للأسف كلامو الكل صحيح و هي تعرف لي هي حتى كان خدمة 3 شهور مش باش تنجم ترجعهملو كاملين و زيد هي زادت عملت شوية كريدي و يلزمها تخلصهم معناها ما عندها وين تهرب مالواقع ما زادت حتى كلمة وهزت روحها و خرجت خاتر ما فماش فايدة من النقاش

مشات تجري لبيتها ترمات على فرشها و بدات تبكي و تتخبط في بلاصتها:علاش يا ربي علاش يصير فيا هكا شنيا لي عملتو في حياتي خايب باش نطيح مع واحد مريض بسيكوبات كيما هذا همو الوحيد هو إهانت العباد و زيد نكمل نولي مرتو و الله لاما يحولي الستة شهور الجاية لجحيم

تنهدت تنهيدة كبييييرة كانت من أعماق أعماقها:

آآآآآآه يا ربي عاوني أنا نعرف إلي إنت ما تخلي حد يتظلم لذلك لازمني نصبر و نتحمل هذا إختبار من عندك يا ربي عاوني باش نجتازو بنجاح و من غير معانات

في الوقت هذاكا كان صخر فرحان باش يموت جاتو الفرصة لإيديه باش يمرمدها ويعذبها و هيا متنجم تعمل شيء

هههه مازالت ما تولدتش الطفلة لي تخمم باش تلعب معايا (يحكي وحدو)

تعدات الجمعة فيسع كل نهار يتعدا تحس فيه أسيل روحها تزيد تقرب من حبل المشنقة

جمعة كاملة و هيا بين القرايا و الخدمة في الدار كانت تخدم في صخر بلا شعور معناه يحكي معاها يهنتلها يسخسخها شيء و هيا لا حياة لمن تنادي

عادي تقضيلو لي يحب عليه و ترجع لبيتها باش تقرا و رغم هذا الكل ما فقدتش الأمل هيا هكاكة غاطسة في الكتب تقرا و يجي على بالها كلام أمها وبوها قبل ما يموتو بنهار تفكرت كيفاش قالولها راهم فرحانين لي هيا تقرا على روحها ولي عندهم بنية كيفها بعشرة رجال بنتهم القوية بنتهم لي بالدنيا

فاقت من سرحتها على صوت تلفونها و بالطبيعة شكون سي المراجة

قالها تجي لبيتو

ما خلاتوش يكمل كلامو وقصت التلفون

مسحت دموعها إلي هبطو من غير ما تشعر و قالت بينها وبين روحها :تهنا بابا تهني أمي ما عندكم كان الرجال بنتكم قوية و مش باش تنهار قدام صخر و أمثالو

ضحكت كينها هازيا على روحها و قالت :توا أنا علاش عاملا في روحي هكا كلهم ستة شهور ويكملو و نرجع لحياتي الطبيعية و الله لاما نوريه ماشي في بالو باش ينجم يخليني نضعف قدامو لا يبطا شويا والله لاما نقلب السحر على الساحر ههه

هزت روحها و مشاتلو:نجم نعرف شبيك كل لحظة تطلب هذا الكلو وحش و إلا شنيا

صخر وقف قدامها حط ايديه في جيابو وعض على شفايفو:باهي أول حاجة شبيك بطيت

و ثاني حاجة مرة أخرة كي نبدا نحكي معاك في التلفون معاش تسكرو في وجهي كان كي نكمل كلامي هاي المرة هاذي تعدات وحسبت روحي ما فقتش أما والله تعاودها مرة أخرى منظرك نفسدهولك

أوكي عزيزتي

أسيل:بربي؟؟

صخر صاح فرد صيحة:أوكي

أسيل تفجعت :باهي معاش تصيح

صخر :صحيتك نحبك ديما تسمع الكلام

ما تنساش لي غدوة باش تولي خديمتي

أوووبس نقصد مرتي

أسيل :كملت ؟؟

صخر:إي

هاني خارجة

ودارت للباب و جات ماشية

صخر:حقا أنا ناديتلك باش نقلك شدلي روحك عاد مزلت ما ريت مالمرج شيء غدوة يبدا الصحيح ما نحبكش تنهار عاد ههه

دارتلو و هيا تشوفلو في غزرة الكلها قوة و تحدي:علاش جيتك نشكي أنا و شكون لي قالك راني منهارة هه مسكين قداش تستخايل

وخرجت

بقا باهت في النظرة لي في عينيها القوة هاذيكا ما شافهاش من نهارت لي قاللها عالعرس منين ليها هذا الكل شنية لي صار و شنية لي تبدل

أسيل كل كلمة يقولهالها صخر فيها إهانة ليها و تجرح فيها أما هيا ما تحبش تبين ضعفها قدامو ديما تظهر قوية أما القلب يعلم بيه كان ربي

وجا اليوم الموعود إلي هو غدوة معناها نهار كتبان الصداق

قاعدة هيا و صخر على الطاولة و قدامهم العدول طلعو يفطقو

أسيل بالطبيعة لبست روبا بيضة و صخر كوستيم

كي تشوفهم تقول ياسر محلاهم طالعين على بعضهم (بون مانيش باش نقول كانت تتمنى اللحظة هذيكا مع لي تحبو و بلا بلا بلا... خاتر هيا من أول الدنيا راسما حياتها مقررة مش باش تحب كان ما تكمل تقرا و كمل بوها وأمها كي ماتو مسحت حاجت إسمها عرس من مخها

هههه فددتكم ههه ديزولي هاني باش رجع للحكاية)

العدول:صخر بن *** تقبل أسيل بن*** تكون مرتك في السراء و الضراء في المرض و الصحة و تحبها و تحميها و ما تعمل معاها