كرونيك:💗عودة_ العشااق💗 😍{أسيل&صخر}😍

☺ الحلقة 10 ☺

الحلقة 10 ☺

كان الباهي

ههه العدول يحكي و أسيل دور في راسها

تعرف الكلام اللي قالو الكل باش ينفخو و يشرب ماه

صخر:نقبل

و الناس تصفق فرحانة

العدول:أسيل بن***

تقبل بصخر بن *** راجلك في السراء و الضراء ....بلا بلا بلا

أسيل:.....

العدول :يا بنتي تقبل و إلا لا

أسيل كان ما همزها صخر باش فاقت

أسيل :ن...قب.....ل

هيا قالتها و حست حاجة تغرست في قلبها

العدول تلفت للشهود:تشهد

الشهود:إي نشهدو

صححو الكل و الناس بدات تصفق

سايي ولات مرتو حياتها باش تتبدل 360 درجة الناس الكل حاسدتها ماشي في بالهم باش تعيش أحلا عيشا و هوما ما يعرفو شيء

أكهو تعادات السهرية صخر فرحان و يضحك من قلبو و أسيل تنجم تقول تتصنع فيها الضحكة باش ما يشلقوش العباد

الناس الكل روحت و بالطبيعة صخر و مرتو زادة

دخلت للدار و جات ماشيا لبيتها متاع العادة

صخر:أُويْ يا شسمك وين على خير

أسيل:ماشيا نرقد ميسالش ماهو و إلا حتى النوم ولا ممنوع عليا سايي

صخر:والله لا تحشم ديما فمك منتن أما ما تخافش توا مع الوقت تتنحا قلة الحيا متاعك

و ماليوم باش تولي ترقد معايا في بيتي

إمشي قدامي قالو نرقد في بيتي

أسيل ما عليها كان خطفت الدورة و مشات معاه

و بالطبيعة مدامو عرس مصلحة متفاهمين إنو ما يصير بيناتهم شيء

شدو فرشهم عطاتو بظهرها و عطاها بظهرو و حاولو يرقدو

بقات ليلة كاملة تتقلب في الفرش مش منجمة ترقد هاو دارت هكا هاي عملت هكا و على الغدرة يتنطر صخر فوقها و يحصرها تحتو ما بين إيديه

صخر يحكي معاها و بياكلها بعيونو :ما تنجمش ترقد رايضة كي العباد وترتني راك