☺ الحلقة 1 ☺
كانت واقفة قدام الشباك مكتفة اديها وتتفرج في المطر و باهتة سبحان ربي مطر في عز الصيف
ربي يستر
يقولو المطر كي تصب في الصيف معناها ربي متغشش علينا ربي يقدر الخير و اكهو
شاقت لتلفونها لقاتو وقت مسلسلها مشات تجري حلت التلفزة وترمات عالكنابي تستنا فيه يبدا
وهي ﻗﺎﻋﺪﺓ ﻓﻲ ﺍﻟﺼﺎﻟﺔ مركزة مع المسلسل ﻭيدخل بوها ﻟﻠﺪﺍﺭ ينادي
: أسيل يا اسيل ايجا حاشتي بيك
كانت الضحكة ظاهرة في عيونو
بابا : ﺃ ﺑﻨﻴﺘﻲ ﻋﻨﺪﻱ ﻟﻴﻚ ﺧﺒﻴﺮ ﻭ ﻧﺤﺒﻚ ﺗﺸﺪﻟﻲ ﺭﻭحك
أسيل:ﺷﻔﻤﺎ ﺑﺎﺑﺎ ﻧﺸﺎﻟﻪ ﺧﻴﺮ
ﺩﺧﻞ ﻳﺪﻭ ﻟﺠﻴﺒﻮ ﻭ ﻣﺪﻟﻲ ﻣﺎﺳﻮ
ﺑﻬﺖ ﺯﻋﻤﺎ ﺷﻔﻴﻪ ﻭ ﻛﻲ ﺷﻔﺖ ﺍﻟﻄﺎﺑﻊ ﻣﺘﻊ ﺍﻟﻓﺎﻙ ﺯﺩﺕ ﺩﺧﻠﺖ ﺑﻌﻀﻲ ﺣﺴﻴﺖ ﺑﺎﻟﺩﻭﺧﺔ ﻟﻌﺒﺖ ﻋﻠﻴﺎ ﺯﻋﻤﺎ ﺷﻔﻤﺎ ﻧﺸﺎﻟﻪ ﺧﻴﺮ
ﺃﻧﺎ ﺣﻠﻴﺘﻮﺍ ﻭ ﻛﺎﻧﺖ ﺍﻟﺼﺪﻣﺔ ...
ﻧﻠﻘﺎﻩ ﺟﻮﺍﺏ ﻣﺎﻟﺈﺩﺍﺭﺓ ﻭ ﻣﻜﺘﻮﺏ ﻓﻴﻪ ﻟﻲ :تم قبول التلميذة أسيل بن *** في كلية الطب بتونس و ذلك لتفوقها في دراستها و تقدمها و ذلك عن طريق تقديم منحة لها لتستطيع الالتحاق بجامعتنا
الموقع اسفله مدير الجامعة
ﻭﻣﻌﺎﻩ ﻟﻴﺴﺘﺎ ﻟﻠﺘﻠﺎﻣﺬﺓ ﻟﻲ ﻛﻴﻔﻲ ( ﻳﺎ ﻫﺎﻱ ﻟﻴﻨﺎ ﻋﺸﻴﺮﺗﻲ ﻣﻌﺎﻳﺎ)
ﺃﻧﺎ ﻗﺮﻳﺘﻮ ﻭ ﻗﻤﺖ ﻧﺼﻴﺢ ﻛﻲ ﺍﻟﻤﻬﺒﻮﻟﺔ ﻣﺖ ﺑﺎﻟﻔﺮﺣﺔ و ترميت على بابا نبوس فيه ونعنق كانت هذي بالنسبة ليا احلا هدية خاتر انا ﻣﻦ ﻋﺎﻳﻠﺓ ﺑﺴﻴﻄﺔ ﻣﻦ ﺍﻟﻄﺒﻘﺔ ﺍﻟﻤﺘﻮﺳﻄﺔ
صحيح ﺩﻟﻮﻟﺔ ﺑﺎﺑﺎ ﻭ ﻣﺎﻣﺎ وانا ﺍﻟﺼﻐﻴﺮﺓ ﻭ ﺍﻟﻜﺒﻴﺮﺓ و ﺍﻟﺒﻥﻴﺔ ﺍﻟﻮﺣﻴﺪﺓ ﻓﻲ ﺩﺍﺭﻧﺎ ﻳﻌﻨﻲ ﻣﺎ ﻋﻨﺪﻳﺶ ﺧﻮﺍﺕ
وخاتر ﺑﺎﺑﺎ ﻭ ﺃﻣﻲ ﻳﻤﻮﺗﻮ ﻓﻴﺎ ﻛﻞ ﺣﺎﺟﺔ ﻧﻄﻠﺒﻬﺎ ﻳﻮﻓﺮﻭﻫﺎﻟﻲ
ﺍﻟﺤﻤﺪ ﻟﻠﻪ ﻣﺎ ﻣﺨﻠﻴﻴﻨﻲ ﻧﺎﻗﺼﺔ ﺷﻲﺀ
و كان ﺣﻠﻢ ﺣﻴﺎﺗﻲ ﻧﻤﺸﻲ ﻧﻘﺮﺍ ﻓﻲ ﻛﻠﻴﺔ ﺍﻟﻄﺐ ﻓﻲ ﺗﻮﻧﺲ ﻭﻧﻮﻟﻲ ﺟﺮﺍﺣﺔ ﻗﻠﺐ ﻭﻫﺬﻱ ﺍﻟﻔﺎﻙ ﺑﺎﻟﻄﺒﻴﻌﺔ ﺍﻟﺤﺎﻝ ﻣﺎ ﻳﺪﺧﻠﻮﻟﻬﺎ ﻛﺎﻥ ﺃﺻﺤﺎﺏ ﺍﻟﻄﺒﻘﺔ ﺍﻟﺒﺮﺟﻮﺍﺯﻳﺔ ﻭ ﺇﻟﻲ ﻟﺎﺑﺎﺱ ﺑﻴﻬﻢ
ﺇﻟﻲ ﺃﻧﺎ ﻣﺎ نﺠﻤﺶ ﻧﻜﻮﻥ ﻓﻴﻬﺎ
ﻫﺬﺍ ﺍﻟﺤﻠﻢ ﺍﻟﻮﺣﻴﺪ ﻟﻲ ﺑﺎﺑﺎ ﻣﺎ ﻧﺠﻤﺶ ﻳﺤﻘﻘﻬﻮﻟﻲ
ﻛﻨﺖ ﺩﻳﻤﺎ ﻧﺘﻤﻨﻰ ﻧﻘﺮﺍ ﻓﻴﻬﺎ
ﻭ ﻧﺤﻘﻖ ﺣﻠﻤﻲ لكن توا الحمد الله ربي استجابلي لدعواتي و دخلت لهالفاك المحنونة هههه
ﺃﻣﻲ ﺟﺎﺕ ﺗﺠﺮﻱ ﻣﺎﻟﻜﻮﺟﻴﻨﺎ ﻭ ﺗﻘﻠﻲ ﻳﺎ ﺑﻨﻴﺘﻲ ﺷﻔﻤﺎ ﻓﺮﺣﻨﺎ ﻣﻌﺎﻙ
-ﻳﺎ ﻣﺎ ﻗﺒﻠﻮﻧﻲ ﻓﻲ ﺍﻟﻔﺎﻙ ﻣﺘﻊ الطب ﺑﻤﻨﺤﺔ ﻭ ﺍﻟﻠﻪ ﻟﺎﻧﻲ ﻣﺼﺪﻗﺔ
ﺃﻣﻲ: ﻭﺭﺭﺭﺭﺭﺭﻱ ﺍﻟﺤﻤﺪ ﺍﻟﻠﻪ ﻳﺎ ﺭﺑﻲ ﻣﺒﺮﻭﻙ ﻋﻠﻴﻨﺎ ﺑﻨﺘﻲ ﺑﺎﺵ ﺗﺤﻘﻖ ﺣﻠﻤﻬﺎ ﻭ ﺑﺎﺵ ﺗﺮﻓﻌﻠﻨﺎ ﺭﻭﺳﻨﺎ ﻗﺪﺍﻡ ﺍﻟﻨﺎﺱ ﻭﺭﺭﺭﺭﺭﺭﻱ
ﺃﻛﻬﻮ ﺗﻌﺪﺍ ﺍﻟﺼﻴﻒ ﻟﻒ ﻟﻒ ﻭﻛﻤﻠﺖ ﺍﻟﻌﻄﻠﺔ
ﺣﻀﺮﺕ ﺭﻭﺣﻲ ﻟﻠﻌﺎﻟﻢ ﺍﻟﺠﺪﻳﺪ ﻟﻠﺤﻴﺎﺓ ﺍﻟﻤﺨﺘﻠﻔﺔ
ﺣﻀﺮﺕ ﻛﻞ ﻣﺎ ﻳﻠﺰﻣﻨﻲ ﻭ ﻣﺸﻴﺖ ﻟﻤﺤﻄﺔ ﺍﻟﻠﻮﺍﺟﺎﺕ ﺑﺎﺵ ﻧﻤﺸﻲ ﻟﺘﻮﻧﺲ (ﻋﻠﻰ ﻓﻜﺮﺓ ﺃﻧﺎ ﻣﻦ تطاوين ) ﺑﺎﺑﺎ ﻣﺴﻜﻴﻦ ﻛﺎﻥ ﻣﺘﺤﻴﺮ ﻋﻠﻴﺎ ﺑﺤﻜﻢ ﺃﻭﻝ ﻣﺮﺓ ﻧﺒﻌﺪ ﻋﻠﻴﻬﻢ
ﻛﺮﺍﻟﻲ ﺩﺍﺭ ﻟﻴﺎ ﺃﻧﺎ ﻭ ﻋﺸﻴﺮﺗﻲ ﻟﻴﻨﺎ ﻭ ﻋﻤﻠﻲ ﻟﻲ ﻳﻘﺪﺭ ﻋﻠﻴﻪ ﻟﻜﻞ
ﻓﻲ ﺍﻟﻤﺤﻄﺔ :
ﺃﻣﻲ: ﻧﺸﺎﻟﻪ ﺗﻤﺸﻲ ﺗﺤﻘﻘﻲ ﺣﻠﻤﻚ ﻭ ﺗﻮﻟﻴﻠﻨﺎ ﺟﺮﺍحﺓ ﻭ ﺃﻧﺎ ﺑﺎﺵ ﻧﺪﻋﻴﻠﻚ ﻓﻲ ﺻﻠﺎﺗﻲ ﻛﻞ ﻳﻮﻡ
ﺃﻧﺎ : ﻋﻴﺸﻚ ﻳﺎ ﻣﺎ ﺭﺑﻲ ﻳﻔﻀﻠﻚ ﻣﺎﺩﺍﻣﻚ ﻋﻠﻴﺎ ﺇﻧﺖ ﻭ ﺑﺎﺑﺎ ﺑﺈﺫﻥ ﺍﻟﻠﻪ ﺑﺎﺵ ﻧﻨﺠﺢ
ﺑﺎﺑﺎ: ﻣﺎ ﺗﻨﺴﺎﺵ ﺑﺎﺵ ﺗﻜﻠﻤﻨﺎ ﻋﻴﺶ ﺑﻨﺘﻲ ﻣﺎ ﺗﺸﻐﻠﻨﺎﺵ ﻋﻠﻴﻚ
ﺃﻧﺎ : ﺗﻬﻨﺎ ﺑﺎﺑﺎ ﻣﺎ ﻋﻨﺪﻙ ﻛﺎﻥ ﺍﻟﺮﺟﺎﻝ ﻫﻬﻬﻪ 😛
ﺃﻛﻬﻮ ﺭﻛﺒﺖ ﻓﻲ ﺍﻟلﻮﺍﺝ ﻭ ﻗﺼﺪﺕ ﺭﺑﻲ وصلت للدار لي باش نكمل فيها العام نظمت أموري وحطيت لي نستحقو الكل في بلاصتو
عملت دوش و ترميت عالفرش نستنا في لينا باش تجي
الخرا قداش توحشتها أنا وياها كي الخوات ملي صغار ديما مع بعضنا بوها يجي يخدم مع بابا و هيا تجي معاه
ههه خلي عاد كي نتلموا في بلاصة وحدة والله الدنيا نقلبوها بهبالنا و مصايبنا
أما توا كبرنا وولا كل واحد لاهي في روحو
أنت تقرأ
كرونيك:💗عودة_ العشااق💗 😍{أسيل&صخر}😍
Fanfictionطييط طييط طيييط 💥💥💥💥💥جيتكم ب كرونيك جدييدة ناار🔥🔥🔥🔥 💋💋😍 😍😍😍💋💋 بعنوان #عودة العشااق {أسيل&صخر}💗💗😍💗😍😍😘😘 مهيش طويلة فيها شي 17حلقة برك😍😍 #منقوولة
