كرونيك:💗عودة_ العشااق💗 😍{أسيل&صخر}😍

☺ الحلقة 13 ☺

☺ الحلقة 13 ☺

ههه ما لا تستغربوش خاتر في وسط السهرية صخر جبد أسيل على جنب وكان شادها من يدها قالها :أسمعني أنا نعرفك ذكية برشا و تعرف إلي نعمل فيه الكل تمثيل جيست قدام الناس

معناها فيق و ما تحلمش برشا

أسيل نطرتلو يدو وقاتلو : إي نعرف خاتر واحد كيفك ما يطلع منو كان لي كيفو (معناها الخايب) و مشات و خلاتو

كملت السهرية و الجماعة الكل روحت والزوجين السعيدين شدو بيتهم و رقدو

من غدوة أم صخر قالت لولدها و مرتو راهي ماشيا لدار صاحبتها أيامات

أكهو عادت حليمة لعادتها القديمة:يعني تنظيف كوجينة يجي الليل ترقد نفس الروتين

تعدات جمعة ملي روحت أسيل من دبي

نهار كي العادة تنظف في بيتها لقات المضمون متع صخر في الأوراق متاع الخدمة

و شافت إلي اليوم عيد ميلادو

تلفت الحكاية ورجعت تنظف

صخر كان قاعد في بيروه حاط يدو على خدو و يحكي وحدو:اليوم عيد ميلادي وما تفكرني حد تي حتى من أمي نساتني خرجت تحوس مع صاحباتها

تنهد ورجع غطس في الأوراق إلي قدامو

كمل خدم و روح للدار

تعشا وشد البيرو كمل خدمتو ومشا باش يرقد

كي دخل للبيت ما لقاش أسيل أما لقا خبزة قتو على الفرش و بجنبها باكو فيه منقالة وورقة مكتوب عليها :عيد ميلاد سعيد

نعرف الهدية متاعي ياسر بسيطة أما الفايدة في القيمة

نشاله تعجبك

صخر عجبتو الجاست أما في نفس الوقت قعد باهت كيفاش عرفت التاريخ متع ميلادو

(حقا أسيل الفترة هذيكا الكل عداتها في قضية الدار و التطييب و القرايا و ما تبدل شيء قاعدة مالأوائل )

طل مالشباك شافها قاعدة في الجنينة

قرر باش يمشي يشكرها على القاتو و الكادو

و كوم مام على قد ماهو خايب معاها ما يلزمش يكون خرشي تي عالأقل يقلها مرسي

الحاصل هبط و مشالها

هو مزال ما وصلش للبلاصة لي واقفة فيها و يسمع صوت بكاها