Har mood pr zindagi ke khadi thi main akili,
Kitne Raaste mene talashe magar the sabhi ek paheli....
Jo thokaren mene khain kya unka hisaab kar paoge?
Jo kuch bhi mene khoya kya wo loota paoge?
Zakhmon ko bhara nahi tumne, unhe or naasur Bana diya,
Takdir se paya tha tumne mujhe, magar khud hi gwa diya diya...
Jo khalipan mene saha kya woh bhar paoge?
Jo kuch bhi mene khoya kya wo loota paoge?
(Zakhmon=wounds
Naasur= non-healable wound)
Tumhare hote hue tumhari kami ka hona,
Phir raat raat bhar mera woh akele Beth kar rona....
Jo aansu bahaye the mene, woh wapas kaha se laaoge?
Jo kuch bhi mene khoya kya wo loota paoge?
Paas to pehle bhi na the, ab or bhi dur ho gaye,
Is benaam rishte ke aage hum bhi majboor ho gaye....
Jo Faasle banaye the tumne, kya woh kam kar paoge?
Jo kuch bhi mene khoya kya wo loota paoge?
(faasle= distance)
Kehte ho Aaj tum Naadim ho pashemaan ho,
Or bhi na Jane kya kya ho...
Jo kuch tumne kiya kya woh sab bhula paoge?
Jo kuch bhi mene khoya kya wo loota paoge?
(Naadim=Guilty
Pashemaan= Sorry)
Agar Tumhari bewafai ko bhi bhula dun..
Tumhari har sabhi kamiyon ko bhi chhupa dun...
Kya pta, tum kab apne wade se phir jaoge..
Phir Jo kuch bhi main khoungi woh kese loota paoge?
(Bewafai = dishonesty)
YOU ARE READING
Dil Ki Qalam Se...
PoetryAaj dil main kuch kehne ki himmat aayi hai... Magar kuch kehne se pehle aap ki ijazat chahiye... Aata hi nahi hai mujhe hunar apni baat rakhne ka.. Ab kya kre Naaz, aakhir har hunar seekhne ke liye ek umar chahiye... _Naaz Jamal
