مور ما لبست حوايجها خرجت لعندوا غير شافها ربع يديه و تكا على الحيط و بدا يشوف فيها ملفوق للتحت سارة: احم احم غير لخير كاش ما كاين رياض: نتي لي تقوليلي واش كاين سارة: بصح نتا لي راك تشوف فيا رياض: يا ربي صبرني منيش حاب نغلط مع هاد الطفلة و خلي هاد الشهور يجوزوا بخير سارة: امين رياض: واش هاد اللبسة سارة: تاع بحر رياض: نسيتي بلي راكي متزوجة وهاد اللبسة كنتي تلبسيها فداركم ماشي عندي هنا راكي وليتي مرت راجل سارة: ادا نسيت للاتفاق نفكرك واحد ما يدخل فلوخر اوك وانا حرة اش نلبس رياض: روحي بدلي سارة: مستحيييل رياض: انا منعاودش سينون مكاش بحر سارة: منبدلش و ديجا نقولك حاجة باي باي نتلقاو فشط ورلحت تجري فتحت الباب و خرجت خلاتو مشوكي مسكين راح موراها يجري لحقها و شدها من يدها سارة: اطلقني وجعتني رياض: واش راكي حاسبة روحك راكي تشوفي فيا حيط قدامك سارة: وي عندك بروبلام. رياض: شوفي متهبلينيش راني جوزتهالك هاد الخطرة لمرة لجاية متلومي غير روحك نفخت عليه و كملت مشيتها راحوا لبحر قعدت تتشمس و هو دخل يعوم كي خرج جا قعد قددامها و قعد يشوف فلي رايح و جاي يشوف فيها و لي يغمزلها يغمز هو تقلق و حملش ناضت سارة منبلاصتها و راحت باش تعوم غير لحقت للما جا ليها واحد راجل: هاد الزين كامل و يعوم وحدوا سارة: مكان مدخلك بعد عليا راجل: هيا تعومي معايا سارة: نووو بعدني سينون يجي ليك راجلي يوريلك راجل: مزوجة خسارة علابالك وهنا جا الميسيو رياض حكم هداك الراجل مرمدوا بالضرب و حكم سارة منيدها و كركرها سارة: يدي راهي توجع معليش تطلقني رياض: بلعي قسام فمك تخلي فرجال يتحرشوا بيك و بهاد اللبسة تاع ...... هنا سارة تشوكات منواش راهي تسمع سارة: اطلقني قتلك اطلقني متمسنيش نتا شكون اه شكون قتلك مدخلش روحك فيا و هاد الهدر بلاك تعاودها منسمحلكش رياض: بلغي و تزيدي تهدري و نقصي حسك الغاشي راهم يتفرجوا سارة: اخر مرة نقولهالك انا و نتا بيناتنا اتفاق pas plus داكوغ و بلاك تزيد تعيط عليا كانو الدموع في غينيها و رفدت دوزانها وراحت تمشي منجيهة لبحر لقات واحد الروشي قعدت فوقو و دموعها بداو يسيلو محبوش يحبسوا و قاعدة تقول " علاش يا بابا علاش شوف وين وصلتتي شوف هاد ڨاع بستم في عود راني قاعدة متمتعة بحياتي عادي ارميتني لواحد منعرفوش وزيد رجعني وحدة منسواش بالنسبةة ليه علاش يا ربي علاش هكا ' حطت راسها بين رجليها و قعدت تبكي حتى حطت يد فوق كتافها هنا رياض قعد قدامها مور ماسمع واش هدرت بسك كي شافها بهديك لحالة راح يجري موراها منبعد قعد يسمع فهدرتها غاضتو بزااف و ندمم عل الهدرة اللي قالهالها هي غير حط يدو فوقها طلعت راسها وشافتو منبعد محبت تهدر حتى كلمة و عاودت حطت راسها 😢😢 رياض: سارة اسمحيلي مراح نزيد ندخل روحي فحت حاجة علابالي بلي حنا لزوج مجبورين نتحملوا بعضانا 6 شهور منبعد كل واحد يشوف طريقوا 😑 سارة: (ساكتة) 😶 رياض: معليش تشوفي فيا هاد الخطرة برك طلعت رايها مي محبتشدور ليه حتى هو دورلخا وجها ليه 😶 رياض: اسمحيلي بزاف علابالي جرحتك بهديك الهدرة 😞 سارة: انسى ميهمش 😑 رياض: واش رايك نكونوا ديزامي فهاد الفاكونص و ننساو كلش خلينا نتمتعوا بيه كيما يلزم حتى كي نرجعوا لدارنا كل واحد يشوف طريقو 😇 سارة: موافقة 😊 رياض: ممممم هيا مالا خلينا نطلعوا نبدلوا و نروحوا ندوروا شويا يا صديقتي 😂 راحوا سارة و اياد دوشوا و بدلوا حوايجهم و خرجوا كلاو برا و داروا مكاش بلاصة مراحولهاش جوزوا يماتهم حلوين pour la première fois هههههههه صح كانوا ديزامي يضحكوا كيف كيف و يزعفوا كيفكيف و فهاد السمانة اللي جوزوها كيفكيف رياض مكانش يهدر مع ريمة و تقدروا تقولوا نساها كامل خلاص شهر العسل ديالهم و لحق الوقت اللي يولوا فيه لدارهم راحوا للمطار ركبوا طيارتهم و ولاو لدزاير غير خرجوا لقاو خوه اسامة يستنا فيهم سلموا عليه و رفدوا باڨاجهم و راحوا لدارهم يريحوا لحقت لعشية لبسوا حوايجهم و راحو لدار مالين رياض باش يشوفوهم دخلوا عندهم سلموا عليهم و قعدوا يڨصروا سامية: ايه يا ولادي كيفاش جاز لفاكونص ديالكم رياض: و الله جاز فوووؤ نحينا على خاطرنا حسان : عجبك الحال بنتي سارة : وي بزاااف جوزنا يامات شابين مرام: اييه بصحتكم سارة: رياض وين راه الصاشي تاع لي كادو رياض: راه فطونوبيل دوك نجيبو راح جاب اللي كادو اللي شراوهم لماليهم مدوهملهم و عجبوهم بزااف فرحوااا بيهم كملوا تعشاو و ولاو لدارهم منبعد كل واحد طلع لبيتو منغداك الصباح ناضو باش يروحوا يشوفوا مالين ساؤة تان راحوا عندهم و استقبلوهم و فرحوا بزززاف بيهم عبدو: واش ختي راكي مليحة سارة: وي حمدالله سارة كانت مزالها زعفانة من والظيها سما محبتش تكثر هدرة معاهم تهدر من فوق القلب و تجاوب غير ب وي و نو باباها فاقلها ناض راح للكوزينة و تبعاتو مرتو فتيحة: واش بيك يا راجل كمال : ادعي برك تسامحنا سارة بسك مراهيش حانلة تشوفنا فتيحة: واش هاد الهدرة رانا والديها ولا نسيت كمال : راهو غايضني الحال كي مزالها زعفانة منا فتيحة: متخافش قلبها حنين و مع الوقت تنسى كلش كمال : نشاله نشاله كملوا سارة ورياض فطروا معاهم منبعد نطقت سارة : واش رياض نروحو هداك هو عبدو : وشبيك مزروبة فتيحة: زيدو اقعدوا سارة: لالا مكلاه هداك هو عندنا شغل شاف فيها رياض باستغراب و هو عرفها بلي راهي زعفانة منهم رياض: هيا مالا نروحوا ودعوا بعضاهم منبعد راحوا حطها فدار و راح يشوف الستوتة تاع ريمة بسك عيطتلوا و زعما راهي زعفانة منو غير وصل عندها بدات ترمي في روحها عليه كي العڨرب الصفرة ريمة: لوكان معيطتلكش انا راك نسيتني ياك رياض: واش هاد الهدرة و ككيفاش ننساك ريما: هديك اللصقة اللي راهي عندك هي بعداتك عليا رياض: واش هاد الهدرة يا عمري واحد ما يدي بلاصتك و هديك راهي غير مرتي على ورق 6 شهور و نتهنا منها ريمة : مممممم اوك اوك. كملوا تمعشيقهم و منبعد راح رياض يقضي باش يقضي للدار اما سارة فكملت نهارها فدار كارهة حياتها و علابالها بلي راح يشوف صحبتوا مالا قعدت تكونيكتي و تهدر مع البنات لحق الليل حتى سمعت الباب يتحل راحت تشوف لقاتو هو جا و جاب معاه سشيات في يديه باين قضيان حطهم فلكوزينة و طل عليها : روحي خملي واش جبت و طيبيلنا لعشا راني جيعان ندخل ندوش و نخرج نلقا الطابلة واجدة خزرت فيه سارة و مصابتش واش تقولوا تقولوا بلي منطيبش تاكل الرهج مجاياش ولا تقولوا نعرف نقلي غير البطاطا منبعد خمت و قالت نجبد غوسات من انترنت و خلاص طياب ماشي واعر راحت بداات تجبد من الساشيات واش جاب و تقلب فتيليفون تاعها كاش غوسات لقات حريرة قالت نديرها بدات طيب فيها جازت ساعة جا طل عليها : واش مزال 😡 (تخلع فلكوزينة لقاها مقلوبة ) سارة: دوك 10دقايق و توجد 😨 (تحكي مع روحها ) واش داني نديرها ليوم يقتلني رياض: ايا خفي لينا نتعشاو و لا نتسحروا 😡 (بلعياط) كملت سارة وجدت الطابلة مليح و عيطتلوا ياكل رياض: وشنو هاد ؟ سارة : حريرة رياض : هادي حريرة 😲 (طلع راسو و خزر فيها خزرا تقتل ) شكون قالك انا نحب لحريرة مناكلهاش سارة : مزال مدقتهاش بصح رياض : نتي مريضة ندوق هادي 😡 (رفد الطابلة و خبطها تكسر كلش ) هاي لحريرة تاعك 😡 و خبط الباب و خرج يتعشا برا و خلا سارة مقلقة تطم واش دار ياخي حمار حق ما طيبتلوا تاكل الرهج نشاله 😡😡😡😡 خملت ديك الحالة وراحت لبيتها و تهدر مع روحها " يا سبحان الله مغير الاحول لبارح برك كان هايل و يضحك معايا و يڨصر نورمال و ليوم يالطيف سور تلاقا مع اللفعة حرشاتو عليا مي معليش وكيلهم ربي لزوج سارة احملي ياك 6 شهور برك و تتهناي مراصة ديالهم لزوج. " منبعد راحت لبست بيجامتها و دارت فيلم ف البيسي و قعدت تتفرج حتى داتها عينها و رقدت و هو مزال ما جاش حلت عينها صباح و رحت لبيتو حلت الباب بلعقل طلت صابتو راقد عاودت غلقتها و هبطت وجدت القهوة و حطتهالوا موراها ناض هو دوش و لبس حوايجوا و خرج لقا الطابلة تاع القهوة محطوطة قعد يشرب شويا و جات سارة رايحا دوش كملت سبور تاعها جازت عليه و كانت لابسة تريكو فوق السرة و فيزو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شاف فيها ملفوق للتحت وقاللها رياض: شكون قالك ادخلي لصال بلا ما تسقسيني دار باباك هادي 😡 (بلعياط ) قفزت سارة من عياطو و تسب فيه بينها و بين روحها : ياخي مخلوع واش بي جدك كليتهم 😒 رياض: ربببك واش راكي تمتمي راني نحكي معاك 😡😡 خزرت فيه سارة خزرة عيانة (كيشغول راح تقتلوا 😡 ) : معلبليش بلي هادي ممنوعة تاني منزيدش ندخل متخافش رياض : مطوليش لسانك بزااف سارة : هادي تان ممنوعة زيد واش تاني رياض: متحشميش نتيا ياك زيرت سارة على يدها و حبطت عينيها و طلعت لبيتها و خلاتو يغلي وحدوا
