راح رياض للشركة يخدم كي لحقت 12 راح جاب ليه و لسارة حوايج خيرلها غير المستور اومبعد راح شرالها واش طلبت و راح لدارهم اما سارة كي راح رياض عاونت عجوزتها و لوستها فالشغل و طيبوا الفطور و قعدوا يgسروا حتى جا رياض دخل لصالون لقاهم كامل قاعدين نتما رياض: سلام عليكم كامل: و عليكم السلام حسان: كنا نستناو فيك باش نفطرو قتلونا بالشر علاجالك رياض: هههههههه جزت لدار جبت حوايج علابيها طولت سامية: هيا لبنات نحطو لفطور وجدوا البنات الطابلة جاو كامل قعدوا فطروا كي كملوا غسلوا سارة و مرام لماعن و كل واحد وين راح طلعت سارة لبيتها لقات رياض نتما سارة: ما رحتش تخدم رياض: كنت نستنا فيك هامليك الحوايج و هادوا واش توحمتي هههههههههه سارة ماتت بالفرحة كي شافتهم : يعطيك الصحة 😋 رياض: بلا مزية انا راني رايح دوكا عشية نشاالله سارة: باي باي رفدت الفاكية و الشيكولا و النوتيلا و راحت لبيت مرام زدمت داروا فيلم قاعدين يتفرجوا و ياكلوا كي عياو رقدوا ما ناضوش حتى ل 6 تاع لعشية كي ناضوا حبطو لتحت عند الجماعة و كملوا نهارهم عادي من غداك صباح دا رياض سارة للدار و هو راح يخدم عادي جازت سمانة رياض ولا يتعامل مليح مع سارة و حتى هي ولات تتصرف براحة معاه و من جهة اخرى راهي غير تزيد تتعلق بيه و هو ولا يحس بحاجة من جيهتها مي ما حبش يستعرف روحو ناضت سارة صباح بكري دارت سبور دوشت بدلت و دارت قهوة كيما العادة هو ناض شرب اومبعد بدا يشارشيلها تحلالو كي يشوفها مقلقة 😂😂😂😂 كمل و ناض باش يروح رياض: الدار راهي موسخة سارة: لبارح برك سيقت من الفوق لتحت رياض: ايييه اومبعد زيدي سيقي ليوم نجي لعشية نلقا داري مسيقا و منقيا كامل سارة خزرت فيه و ما حبتش جاوبوا كانت حابة تخنقوا بيديها و تتهنا منو 😡😡😡 رياض: واش بلعتي لسانك واقيل 😏 سارة: اخرج خليني نخدم شغلي 😡 خرج رياض من الباب و طرطق بالضحك عليها 😂😂 راحت نحات الروبة لي كانت لابستها مزالها تلبس المستور كي يكون هو راحت لبست هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دارت فولارا في راسها و شعلت لغنا و بدات تسيق و تشطح رياض فنص الطريق تفكر بلي نسا دوسي تاع الاجتماع فالدار عاود رجع دخل هي ما فاقتلوش كان الصوت تاع الغنا قاوي شافها بقا واقف مشوكي فيها كانت عاطياتو بظهرها تشطح و تتزعبل و تغني بصوت عالي هو قعد حال فمو و يتبع فيها بعينيه غير دارت شافتو واقف طاحلها البيدون من يدها و دفق كامل الماء لي فيه و عيطت سارة: اااااااااااه 😯😯 هو بقا في بلاصتو ما تحركش غايس فيها سارة: رياض راك مليح راح ليها رياض حكمها لسقها مع الحيط و بدا يدنا ليها هي كي شافتو قرب طلعتلها السخانة و داقت فيها النفس غلقت عينيها بالزور كي جا راح يبوسها فاق روحو طلقها و خرج يجري من الدار خلاها مشوكية فيه و فواش كان راح يدير قعدت شحال و هي هكاك قاعدة تخمم ما عرفت الى تضحك و لا تبكي ما فهمتش الاحساس ديالها و بدات تهدر مع روحها سارة: زعمة يحبني........لالا..........مي وعلاش دار هكاك.........زعمة ضعف من جيهتي...........مي هو يحب البكايات و انا ماشي بكاية............اففففففف مور ما كملت هدرت مع روحها ناضت مسحت هاداك الماء وكملت شغلها و هي تخمم فلي صرا رياض دخل للشركة مشوكي في روحو راح للبيرو غير شافو آنس راح موراه آنس: واش خو وين راهو دوسي الناس راهم يستناو فينا رياض: نحبها 😐 آنس: هههههههههه واش قلت ؟؟؟ 😂😂😂😂 مسح وجهو بيديه و قعد آنس: انا قتلك صح و لا نو مي نتا ما امنتنيش رياض: ايييه مي ما لازمش نحبها ما راكش فاهمني آنس: راني فاهمك راك خايفها ما تسامحكش بقالك شهر و نص لازم تكسبها فيهم رياض: نتا راك تهدر هكا باسكو ما تعرفهاش آنس: شكون شاف بالاك هي ثاني تعجبها
