بداو يبعدوا بلعقل حتى لحقوا لنص البحر حاجة ما تبان غير البحر حبس و حبط وين كانت واقفة سارة سارة: و الله غير نباصيك هذا لي درتو يسموه خطيفة 😤😤😡😡 رياض: اييه نورمال كي تروحي قوليلهم راجلي خطفني و نشوفوا واش يديروا سارة: راجلي !!!!! بيناتنا عقد ما تنساش رياض: سارة ما تزيديش تجبديلي على رب العقد هذا 😤😤 سارة: رياض رجعني للدار ما رانيش حابة نهدر معاك رياض: ما نرجعش ديجا وقتاش كنتي حابة تهدري معايا ليوم نهدروا حبيتي ولا كرهتي سارة هي باستني دارت يدها على وذنيها: يا ترجعني يا نرمي روحي منا و الله غير نديرها رياض: ديريها واقيل رايحة ترجعي تعومي سارة: ما دخلش روحك ندير واش نحب رياض: سارة خليني نفهمك سارة: ما تفهمنيش شفت و فهمت وحدي رياض: واش فهمتي غالط سارة والله غير كنا نهدروا من بعد ما فهمتش كيفاش باستني سارة: ايه آمنتك خلاص و راحت باش ترمي روحها طلعت فوق ليبارو رياض: سارة هبلتي احبطي من تم دوك طيحي 😨 سارة: ما نحبطش يا ترجع يا نرمي روحي 😡😡 رياض: خلاص احبطي و نرجعوا 😨.......... سارة طيحي يا رب طيحي 😨😡 سارة: ما نحبطش حتى ترجع...... و قبل ما تكمل جات رايحة تزلق حكمها من يدها و جبدها لعندو طاحوا بين زوج في الارض رياض: بلاااااااكي تعاودي حاجة كيما هادي لوكان طحتي 😨😨😡😡 راح تخرجيني من عقلي خلاص هبلتيني رفدها و هي تتخبط دخلها لاشومبر تاع اليخت و غلق الباب بالمفتاح و خباه في جيبو و قعد فوق البونك سارة: نتا واحد مريييييييض 😡😡 و الله غير تخلص واش راك دير دوكا رياض: ايييه نخلص ريحي دوكا كي تتكالماي نهدرو سارة: ما نهدرش معاك خرجني منا 😡😡 رياض: ما كنتش حاب نجيبك لهنا بسيف مي نتي لي جبرتيني ندير واش درت ما قدرتش نهدر معاك a par هكا سارة: عييت روحك في باطل حتى هنا ما راحش نهدر 😡😡 قعدو مريحين ساعة و زوج او واحد فيهم ما هدر زاد شوية و نطق رياض: حقا راني تفكرت نتي ما تحبينيش وعلاش داقتلك 🤨🤨 سارة: اييه ما نحبكش و غير نرجعوا منا نطلق منك 😡😡😡 رياض: علااااه راكي ديري هكا دوكا ؟؟؟؟؟ ناضت من بلاصتها: وااااش راني ندير انا.......ااااااه 😡.......... انت لي كنت واقف تبوس فيها ماشي انا رياض: ماشي انا لي بستها هي لي باستني رحت نجيب حاجة نشربها لحقتني قلتلها بعدي عليا ما حبتش تفهم و حتى انا ما فهمتش كيفاش سوطات عليا و باستني لوكان زدتي قعدتي شوية برك كنتي شفتي كيفاش بعدتها وقتاش تفهمي بلي انا نحبك نتي سارة علابالك واش معنتها نعيش معاك في دار وحدة و ما نقدرش نقرب ليك و نشم ريحتك علاش راني صابر بسكو نقول ما لازمش نخليها تزيد تكرهني و نتي جايا تقوليلي عليها ......... سارة هي خدعتني علابلك شحال توجع هاد الحاجة من بعد جيتي نتي رجعتيني للحياة عاودت رجعت نتنفس بلا ما نفيق على جالك راني واقف و عايش .... سارة: 😯😯😥😥😥 قرب ليها رياض مسحلها دموعها: انا ما قلتلكش هكا باش نبكيك سارة دموعك غاليين عليا ما نحملش كي نشوف دموعك يطيحو و ديري في بالك جامي راح ندنا ليك بلا رضايتك ولا ندير حاجة تزعفك... ما كملش هدرتو جبداتو سارة من تريكوه و باستو من بعد جبدت عليه بلاعقل بقات جبهتها لاسقة فجبهتو تبسمتلو و هو تبسملها و عاود هو حكمها 💋💋💋 و صرا لي صرا 😈😈😈 ( ما تحوسوش تفهمو واش صرا اسرار الدولة 😂😂😂 ) فطنت سارة سارة الصباح صابت روحها راقدة في حضنو باستو بلاعقل 🥰🥰 و ناضت حلت الخزانة صابت تريكو تاعو لبساتو جاها روبا خرجت وقفت طل كانت الشمس هاداك وين بدات تشرق البحر و السما صافيين تنفست بالقاوي دخلت الهوا النقي حتى حست واحد عنقها من اللور و باسها من خدها رياض: صباح الخير 😘 سارة: صباح النور يا روحي 😘😘 رياض: راني حاس روحي في منام ان شاء الله يكون كل صباح هكا 😊😊 جاك شباب التريكو ديالي 😂😂 دارت ليه جا وجها في وجهو سارة: وعلاش راك تضحك ما جانيش شباب رياض: واش تلبسي يجيك شباب مي ديتيلي عقلي سارة ماتت بالحشمة خدودها حمارو حبت تبدل الموضوع: رياض هيا نعومو رياض: 😂😂 تعومي معايا 😈😈 سارة: لالا نعرف نعوم وحدي رياض كان لابس غير شورت تشبك في الماء: هيا ارواحي الماء راهو هايل سارة: ما عنديش مايو باش نعوم رياض: نحي التريكو و عومي 😈😈 سارة: لالا و تشبكت بالتريكو قعدو يعوموا و يلعبوا كيفكيف 😍😍😍😍جاز نهار شباب بزاااف كب بدات تغرب الشمس رجعوا تعشاو برا و دخلوا لدارهم شعل رياض تليفونو لقا وليد معيطلو شحال من مرة عاودلو و قعد يهدر معاه و سارة دخلت لبيتها و عيطت لمرام حكاتلها كلش مرام فرحتلهم بسكو شافتهم كي كانوا يتعذبوا شوية و سمعت الطبطيب في الباب دخل عليها رياض: واش راح ترقدي هنا 😈؟؟؟؟ سارة: وين راك حابني نرقد ؟؟؟ رياض: نحبك ترقدي معايا و انا معنقك ❤❤ سارة حشمت مازال ما والفتش قرب ليها رياض باسها من خدها: سارة تحشمي مني سارة: لالا مي مازال ما والفتش راحت سارة و رياض لبيتو لي ولات بيتهم دوكا 😂😂😂 رقدوا و الصباح ناضوا راحو للشركة كانت ريمة تما شافتهم و هما داخلين اليد في اليد ركبولها الجنون واش دارت كامل في باطل بالعكس زادت قربتهم كثر و هي كانت السبة باش رجعوا كيفكيف او ولاو تاع الصح مزوجين بدات تخمم واش دير باش تفرق بيناتهم و ترجع رياض ليها مالا راحت عند معاذ و حكاتلوا بلي مازالهم كيفكيف معاذ: مادام راهم كيفكيف معناها صح يحبو بعضاهم و حتى انا رحت معاك في الجرة و تكلت عليك و خدمتك معايا انا عجبتني من نهار شفتها معاه في الريسطو و نتي قولتيلي بلي بيناتهم عقد برك و راح يطلقوا ريمة: خلاص معاذ خليلي شوية وقت برك و راح نفريها معاذ ما حبش و حتى الخدمة كان راح يحبسها معاها و قالها رياض راح يكون حمار اذا خلا وحدة كيما هاديك على جالك و حتى سارة ما راحش ترجع ديالي يعني ما كانش امل ريمة بدات تهدد فيه بلي تفضحوا مع رياض مالا قدرت تقنعوا باش يزيد يعاونها و تفاهموا باش يقولوا لبابات رياض و بابات سارة على الاتفاق لي بيناتهم جاز شهر سارة و رياض كانوا بزاااف متفاهمين و قاعد حبهم كل يوم يزيد يكبر و تعلقهم بعضاهم يزيد حتى واحد النهار كانوا قاعدين كيفكيف في البيرو تاع رياض يضحكوا و يgسروا دخل عليهم حسان و كمال ( باباتهم ) لا سلام لا كلام من وجهم باينين ما جاوش على خير رياض: خير ان شاء الله راني نشوف في وجوهكم مقلبين كاش ما كاين حطولهم العقد فوق البيرو 😡😡 : واشنوا هذا ؟؟؟ سارة: 😨😨😳😳😳 رياض سكت و ما قال والو حسان: هذا العقد كاين منو رحنا لعند المحامي و قالنا بلي صح 😡😡😡 سارة: اسمعونا برك....... قاطعها رياض: ماشي بسيف علينا نفهموا كامل الناس واش درنا سارة: رياااض ( دارتلوا براسها تاع ساعفوا ) كمال: زوجناكم باش ديروا عقد 😡😡 سارة: بابا هذا العقد كان في الاول برك دوك خلاص رانا متزوجين صح و نحبوا بعضانا كمال: ما تقوليلي والو هاد الزواج لازم يحبس هنا 😡😡 رياض: كييييفااااااااش !!!!! حسان: كمال عندو الحق الزواج لي ندار بعقد ما لازمش يكمل 😡😡😡 دوك نتفاهموا مع المحامي يوجد الوراق تاع الطلاق و تطلقوا كمال: ونتي سارة وجدي روحك تولي معايا للدار سارة: لالا بابا تعيييش 😥😥 رياض: اييي واش غير الخير نتوما زوجتونا بسيف حنا حبينا بعضانا و نتوما ما عندكمش الحق تزيدو دخلوا روحكم فينا و طلاق ماااااكااااااش 😡😡 حسان: نشوفوا هدرة شكون لي تمشي كنتوا تخموا في هادي قبل ما ديروا العقد خرجوا كمال و حسان و خبطوا الباب رياض حكم الدوزان كامل لي كانوا فوق البيرو جابهم في الارض 😡😡😡😡 و سارة قعدت فوق الكرسي تبكي: كيفاااش عرفوا دوك ما يخلوناش رياض كيما داروا باش زوجونا دوك يطلقونا راح طابس قابلها: ما تخافيش يا عمري ما يقدروا يديروا والو سارة انا جامي نسمح فيك ديري فيا confiance سارة دارتلو براسها ايه 😥😥😥 رياض: راني معاك حاجة ما تصرا و ما نسيتش بلي هما والدينا يعني ما راحش ندير حاجة ماشي مليحة بابات سارة راخ خبرهم فالدار عياو باش يبدلولو رايو والو و حتى بابات رياض راح للدار خبرهم مرام كي سمعت حكاتلهم بلي ولاو كيفكيف و العقد خلاص حتى هو كيما صاحبوا ريصانهم يابسين رياض و سارة كانوا في الدار يتعشاو حتى الماكلة ما لقاتش منين جوز سمعو الطبطيب في الباب حل رياض لقاه بابات سارة كمال: وجدي روحك باش نروحوا سارة: وين !!! كمال: تروحي معايا للدار حتى يخلاصو اجراءات الطلاق رياض: عمي كمال سارة راهي فدار راجلها و ما عندهاش وين تروح خزروا في زوج في سارة سارة تحطت في موقف وين لازم تخير بين باباها لي رباها و كبرها عطاها الحنان و بين راجلها لي تحبو و تموت عليه خمت مليح من بعد قالت: بابا خلينا نهدروا رياض انا نحبوا و ما نقدرش... قاطعها كمال: جي و لا ما جيش معايا سارة حبطت راسها و دارتلوا لالا كمال: سارة عندك منا لغدوة لوكان ما جيش للدار نتبرا منك خرج و خبط الباب سارة: واش ندير دوكا كيفاش عرفو رياض: ريمة باينة شكون من غيرها المهم راحوا زعما يرقدوا مي واحد فيهم ما جاه النعاس سارة الليل كامل وهي تخمم فهدرة باباها ما حبت تخسر حتى واحد من غداك صباح ناضت سارة و رياض شربوا قهوة عادي حتى نطقت سارة سارة: رياض خممت مليح و لازم نروح لدارنا راك سمعت بابا واش قالي لبارح رياض: تروحي و تخليني سارة: رياض اسمعني تعيش الى بقينا نعاندوا فيهم هكا راح نخسروهم خليني نروح نقنعوا و نولي كي نقنع بابا هو راح يقنع بابا حسان رياض: اوكي روحي معاه سمانة اذا ما رجعتيش نجي انا نرجعك بسيف عليه المهم راحت سارة لدارهم 4 ايام و هي تسيي تقنع فيه و تحلل و تفهم فيه مي والو اما رياض ما هدرش كامل مع باباه و ما راح ما شافهم خاف لوكان يغلط في حقو و يخسرلو خطرة كانوا مالين سارة قاعدين يتعشاو سارة ما حبتش تتعشا ناضت راحت للدوش حتى سمعوا خبطة طلعوا يجرو لقاوها طايحة داوها للسبيطار شافها الطبيب بدات تفتح عينيها سارة: وين راني ؟؟ واش صرالي ؟؟؟ الطبيب: مادام راكي مليحة سارة: ايييه واش راني ندير هنا الطبيب: راكي في فترة حساسة بزاااف لازم تبعدي على الزعاف و التوتر ما يليقلكش سارة: خير ان شاء الله دوكتور عندي مرض خطييير 😨😨😨😨 الطبيب: هههههههههه لالا فهمتيني غالط مدام راكي حامل سارة: قول والله الطبيب: كيفاش !!! سارة: قصدي دوكا انا عندي بيبي في كرشي و راح نولي يمات الطبيب: انعم مبروك عليك هو خرج و سارة الدمعة طاحتلها من الفرحة كانت متمنية رياض يكون معاها كي تعرف هاد الخبر دخلوا دارهم لعندها كمال: خوفتينا عليك يا بنتي سارة: ما تخافش عليا راني مليحة كمال: علاش ما قلتيليش؟؟؟ سارة بالزعاف: ما كانش علابالي هادا وين عرفت ...... وقتاش نخرج منا كمال: كي يخلاص السيروم تخرجي باسها من راسها و خرج عيط لحسان و رياض خبرهم و هي لداخل مسكينة قاعدة تخمم كيفاش تقول لرياض جازوا واحد 2 سوايع شافت بلي السيروم ما بقالوش و يخلاص حتى شافت الباب تحل و دخل رياض يجري رافد الورد في يدو و فرحان راح ليها باسها و عنقها جات تهدر سبقها رياض: راح نولي اب 😍🥰❤😥 سارة دارتلوا براسها ايييه 😁😥: كيفاش جيييت شكون قالك حتى دخل باباها مع حسان كمال: انا قتلو ما نقدرش نخلي بنتي تتعذب سارة: بابا 😥😘 حسان: آخر مرة نسمع بحاجة كيما هادي نتوما ادعو لحفيدي هو لي سلكم سارة و رياض: 😂😂😂 جامي خرجت سارة او ولات لدارها داروا حفلة صغيرة في اليخت تاع رياض من جهة كي عرفوا بلي سارة راهي حامل و من جهة اخرى عاودوا زواجهم بسكو الاول ما شفاولوش ما كانوش فرحانين سارة كانت هكا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
☆☆☆☆☆☆☆☆☆☆☆☆ بعد مرور 9 اشهر سارة: رياااااااااض رياااااااااااض اااااااااه نووووض ناض رياض يجري مخلوع: واش بيك واش كاين ؟؟ سارة بالعياط: باينة واش كاين راح نولد رياض تفرفش عاونها ركبها في الطونوبيل و داها للسبيطار طريق كامل و هو يقوللها اتنفسي سارة: اااااااه راااااح نموووووت ....... انت هو السبة نتا لي درتلي هكا.........اااااه يا ربي 😥😥😥😥 رياض: ما راحش تموتي ما راح يصرالك والو ما تخافيش راني معاك 😨😨 كان يصبر فيها و هو لي راح يموت لحق للسبيطار دخلوها تولد و هو مقلق عليها برا قعد رايح جاي خرجت الطبيبة قاتلوا : مبروك عليكم المدام جابت ولد رياض مات بالفرحة و اخيرا ولا اب عيط لافامي ديالو و تاع سارة جاو كامل فرحولهم سماوه مهدي معاذ بعد على ريمة او ولا هو و رياض صحاب و ريمة ما قدرتش تبقا عايشة في وسطتهم و تشوفهم فرحانين و يكبروا في العايلة ديالهم راحت تعيش برا البلاد بعد 3 سنوات من ولادة مهدي زادوا جابوا 2 توام بنات سيرين و نسرين مهدي بعد 3 سنين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سيرين و نسرين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مرام تزوجت حتى هي جابت طفلة سماتها ملاك و اسامة و موح ( خو سارة ) بين زوج خطبولهم رياض: سارة سارة ارواحي ولادك هبلوني سارة قاعدة في البيرو تاع رياض تكتب و تضحك دخل عليها رياض رياض: كملتي حكايتنا سارة: ايييه كملتها و النهاية ما كنتش نستناها حمد الله رياض: ربي يخلينا لبعضانا و لولادنا هههههههههه نحبك ❤❤ سارة: و انا نموت عليك غلقت سارة الكتاب لي كتباتو ايييه سارة هي لي كتبت حكايتها و خلاتها للبنات باش تكون قصتها هي و رياض عبرة 😘😘😘😘😘😘😘😘 هادي هي حكايتهم ان شاء الله تكون عجبتكم ان شاء الله كل وحدة تلقا فارس احلامها لي راهي متمنياتو و ربي يكتبلنا الخير كل وحدة فينا لازم ترضى بمكتوب ربي نحبكم ❤❤😍
