طلع الصباح ناضت سارة بكري صابت روحها راقدة فوق صدرو و يديه محاوطينها حلت عينيها و تحكي في قلبها ( ايااااه و قتاش وصلت هنا ) طلعت عينيها بلعقل لقاتو راقد بدات تسيي تخرج من تحت يدو قعدت غير تتكور حتى جابتها فالارض مع الخبطة هو فطن هي غير شافتو دارت روحها تحت البونك رياض: واش راكي ديري مع صباح ربي سارة: طاحلي خاتمي راني نحوس عليه رياض: لقيتيه سارة: لالا نحوس عليه اومبعد معليش نوجدلك قهوة رياض: اذا حبيتي سارة: اوكييي خرجت سارة و حبطت للكوزينة طيبت القهوة او وجدت الطابلة رياض ناض دوش بدل حوايجو و حبط حتى حسان ناض لبس حوايجو و حبط قعدوا يشربوا سارة: واش راكوا حابين نطيبلكم فالفطور رياض: انا ما نقدرش نجي نفطر برا عندي خدمة مع آنس حسان: حتى انا يا بنتي راهو جاي يديني اسامة الدار فرغت و انا لازم نروح يعطيكم الصحة والله غير ريح و ما حسيتش بلي راني ثقيل عليكم سارة: ما تزيدش كامل تعاود هاد الهدرة و الدار دارك ارواح وقت ما تحب حسان: نشاالله يا بنتي جا اسامة دا باباه للدار و رياض خرج راح يخدم في الشركة غير لحق وقت الفطور راح هو وآنس فطروا مع عيباد و تفاهموا على الخدمة كي كملوا راحوا وقعد غير رياض و آنس آنس: قسحت عليهم بزاااف رياض: وي هكا ولا ما نتفاهموش آنس: راني نشوف فيك في gوسطوك رياض: ايه والله عفايس ملاح راهم يصراو آنس: كيما واش رياض: بديت نحس بلي سارة تحس بحاجة من جيهتي مي ما راني حاب نقوللها والو دوكا حتى نسيها في الحاجات لي ماشي ملاح لي عاشتهم معايا آنس: اوووووو ! رياض زاد حكالو الحكاية لي خلاتها تقبل بهاد الزواج آنس: راك شايف الطفلة مسكينة كيفاش تخمم على باباك كثر منك و انت غلطت معاها بزاااف و حقا بقالكم 15 و تطلقوا واش راح دير؟؟؟ رياض: بقاو شهرين حبيبي قدرت نزييد و ديجا لوكان نعرفها صح تحبني ندير كامل واش نقدر باش نكسبها آنس: ملييييح ايييه ان شاء الله ربي يكتبلكم لي فيه الخير رياض: ان شاء الله و نتا واش راك داير فيها آنس: والو ما كان حتى جديد جازوا يومين سارة رجعت لبيتها و رجعوا للروتين ديالهم ناضت سارة صباح دوشت ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
و خرجت صابت رياض يشرب فقهوتو سارة: صباح الخير رياض: صباح النور واش راني نشوف فيك لابسة او واجدة وين بيها سارة: اييه رايحة نولي للخدمة رياض: ايييه مليح ..... نروحو كيفكيف سارة: اوكي اذا ما نديرونجيكش رياض: ههههه غير نتي لي ما ديرونجينيش هيا اشربي قهوة و خلينا نروحو شربت قهوتها و راحو كيفكيف للشركة كان نهار عادي ما ولاش يخدمها كيما كان بلعكس ولاو يخدمو كيفكيف عاجباتو خدمتها كي لحقت 4 تاع لعشية هي راحت لدار و هو كان عندو اجتماع كي كمل عيطلها رياض: سارة راني جاي للدار كاش ما تسحقي نجيب معايا سارة: ابييه ما درتش لعشا جيب معاك شاورما رياض: اوكي راح شرا جابلها ليها 2 ولا يعرفها ههههههههه دخل لدار صابها تسنى فيه راحت تجري ليه سارة: شريييت رياض: اييه و جبتلك 2 سارة: اييي صحا انا نروح نوجد الطابلة و انت اغسل يديك و ارواح راحت وجدت الطابلة و هو راح يغسل يديه حتى عيطتلها مرام رفدت و رياض ما حبش يدخل بقا واقف شوية بعيد و قعد يسمع مرام: واش لالا ما تعيطي ما تحوسي عليا سارة: ههههههه علابالي راني مقصرة خلاص كاش نهار نعرضك لفطور برا و تسمحيلي مرام: ههههههه ان شاء الله واااش تباني راكي فرحانة سارة: اشششتت راهو هنا دوك يجي مي وي راني فرحانة بصح ما نقدرش نهدر دوكا مرام: اعطيني طرف خيط سارة: قالي بلي نسا هاديك البكاية يعني ما ولاش يحبها مرام: انا قلتلك خلاص دوكا تقدري تقوليلو بلي تحبيه هنا رياض ما آمنش مات بالفرحة حس بلي رجعتلوا الروح و مازال عندو امل باش يولي زواجهم حقيقي كيما كامل الناس سارة: خلااااص اسكتي دوك يجي و يسمع ديجا مازال ما نسيتش واش دار فيا خوك و ديجا طيري اومبعد نهدرو كوبات و هنا رياض دخل و سيا يخبي la réaction ديالو و ما يبينلهاش بلي سمع كلش قعد بداو ياكلوا وهو بقا يخزر فيها حاب ينوض يعنقها و يبوسها و يقوللها سمحيلي و يعترفلها بلي حتى هو يحبها و يموت عليها سارة: رياض واش بيك رياض: والو نسيتي ما حطيتيش الماء نروح نجيب و نجي سارة: اقعد نتا انا نروح نجيب راحت جيب الماء و هو بقا غير يشوف فيها راحت او ولات مدتلو الماء شرب و ناض ما قدرش يزيد يقعد هكاك و ما يبينلهاش سارة: راك خارج رياض: اييه راح نتلاقا بصحابي نgسروا شوية و نولي كاش ما تسحقي سارة: لالا روح على روحك رياض خرج من الدار ركب فطونوبيل و شعل لغنا افوو و طار ( la vitesse ) من الفرحة راح لبلاصة فارغة و بدا يعيط ممبعد قعد يخمم و يتفكر (علابيها كي نقرب ليها يصرالها هكاك..) المهم جااز الوقت سارة بدات تخمل في حوايجها اللي تديهم معاها لدارهم دخل رياض طل عليها رياض: واش راكي ديري (يهدر و يتبسم ) سارة: راني نطم فحوايجي رياض: وقتاش تروحي 😕 سارة : غدوا صباح رياض: و شحال تقعدي ؟ سارة: يومين ☺ رياض: امممم بصح بزاف 😕 سارة: ليشوفك تقول راح تتوحشني 😑 رياض: ايه و شكون قاللك مراحش نتوحشك😂 سارة: قريب امنت 😒 رياض : خلاص متحلالكش انا عييت نروح نرقد غدوا مناش خدامين سما انا نوصلك صباح 😉 سارة: اوك تصبح بخير 😊 رياض: ونتي من اهلو 😍 راح رياض لشومبرتو دووش و خرج لبس شورت ديالو و قعد بلا تريكو حتى شاف سارة تعيط دخلت عندو و غلقت ااباب و تكات عليه رياض: سارة واش كاين؟ سارة: راهو جاي راهو جاي راهو يجري مورايا 😨 رياض: شكون؟ سارو بلاكي ملباب خليني نشوف شكون سارة: لالالالالالالالالا لوكان تحل الباب يدخل حكمها بيديه من وجها : راني هنا معاك متخافيش خليني نشوف سارة: لالا يدخل رياض: شكون سارة: ڨرلو رياض: ڨرلو !!! سارة: ايه راهو في بيتي رياض: 😮😮😮😮 دقيقة هذا لي راه برا و راهو جاي وراهو يجري موراك 😂😂😂😂 ڨرلو !!! 😂😂😂😂 سارة: اييه 😭😭😭 علاش راك تضحك عندي فوبيا منهم 😭😭😭 رياض: بلاكي خليني نروح نخرجو و لا ياكلك 😂😂😂😂😂 (شد كرشو مضحك مقدرش ) سارة: لوكان نحل الباب يدخل 😩😩 رياض: نقتلو ادا دخل 😂 بلاكي يا الموصيبة خليني نخرج 😂😂😂 سارة: لالا نخاف قرب ليها رياض حتى خبط ضهرها في الباب و بدات تحس بالنفس تاعو : تحبي نباتو هنا نباتو معنديش مشكل انا ❤😂 قعدا غايسة في عينيه الكبار و ديك التبسيمة حست قلبها راح يخرج من بلاصتو و هو فاقلها و حب يزيد يهبلها (لحلوف عاجبو الحال ) : اييه واش قلتي سارة: ( حطت يديها على صدرو العريان و بعداتو شويا ) معليش تدنا عليا غميتني رياض: (شدلها يديها لي كانو يرجفو ) يديك شحال حلوين 😍 و صغورين يهبلو 😍 سارة: علابالي قالولي ديجا 😊 رياض: شكون قالهالك سارة : واش دخلك خلاص بعدني حلت الباب و بعدت تجري و هو غير يضحك رياض: وين راه هاد لڨرلو 😂😂 سارة: راه عند الباب راح قتلو و خرجو و عاود رجع ليها : راني خرجتو ها ريحتي سارة : ايه ..... بصح معليش بصح معليش تبركا ما تضحك امير: اييه خلاص 😂😂 واش راكي ناويا تبقاي عندي سارة: ايه بسك راني ميتة عليك 😒 تصبح بخير ني رايحة نرقد رياض: تصبحي بخير ___________________ طلع النهار ناضت سارة دوشت وجدت القهوة و طلعت توجد روحها ناض امير دوش و هبط ستقهواا و خرج برا يمشي شويا مور ما كملت وجدت روحها جا رياض وصلها لدارهم و قعد شويا يڨصر معاهم كمال و فتيحة ماتو بلفرحة كي شافوهم سوغتو عندهم بزاف مجاوش فتيحة: اييه رياض داركم راهم ملاح رياض: والله الحمد الله و راهم يسلمو عليكم كمال : يسال عليهم لخير مقبيل كنت نهدر مع حسان الحمد الله اللي برا رياض: وي الحمد الله سارة : ماما وين راه عبدو توحشتو مراه يحوس عليا ما والوا عبدو : و شكون قال ننسا ختي و منحوسش عليها حتى انا توحشتك يا روحي ناضو عنقو بعضاهم و قعدوا يڨصرواا زادت جات ختها جابوهاا غير ضحك و تمسخير جات لعشيا رياض راح و قعدت سارة مع ختها و زادت جات بنت عمها و باتو سهرانيين يڨصرواا جازوو هدوك اليومين رياض كره حياتو بلا سارة قاعد غير يستنى وقتاش تجي و كيما كان الحال راح رياض و جابها غير دخلو لدار كل واحد راح لبيتو جازت سمانة ما صرا فيها والو كل يوم نفس روتين عند ابطالنا ساعة يضاربوا و ساعة يضحكوا متفهمهمش كاملل مي رياض زاعد تعلق بسارة و راه حاب يعترفلها مي مقدرش حتى سارة مقدرتش تزيد تخبي في قلبها راهي تسنى فيه يدير جاست و لا يبدا الخطوة لولا مي واحد مقدر يديكلاري لوخر و كبما كان الحال ناضت سارة صباح بسك ليوم تفاهمو les amis دياولها تاع الجامعة يتلاقاو كامل و هي بطبع مرفضتش كانت متوحشتهم و حابة تتلاقا بيهم ناضت وجدت روحها و لبست هكا :
