طلع النهار سارة ناضت بكل نشاط و حيوية لبست و سgمت روحها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت من البيت قابلها رياض حتى هو لبس ووجد روحو و خرج من بيتو شاف فيها من الفوق للتحت و تبسم تبسيمة تاع الشر 😈 و حبط يوجد قهوتوا ( ولا هو يوجدها وحدو باسكو شرط من شروطها ) لحقاتو سارة للكوزينة حتى هي باش تشرب قهوة سارة بالتشناف: صباح الخيير 😒 امير و هو يتبسم: صباح النور 😏 سارة: خير نشاالله راك فرحان اليوم رياض: وعلاش ما نفرحش راكي تحسدي فيا سارة: ههههه وعلاش نحسدك ديجا انا لي لازم نفرح تاع الصح ليوم راح نبدا الخدمة رفد الكاس ديالو و قالها bon courage و خرج يضحك من الكوزينة سارة ولات تغلي من البرود لي راهو فيه غير كملوا القهوة خرجوا كيفكيف هو ركب فطونوبيلتو و هي ثاني شعلتها مي ما حبتش ( رياض خربلها فيها في الليل علابيها 😂😂 ) رياض ديمارا كان رايح حتى سوطاتلو سارة قدام الطونوبيل ديالو و حبساتو رياض: هبلتي نتي واقيل هكاك تسوطي سارة بدات تهدر بالتستات زعما: رياض حبيت نطلب منك حاجة و نتمنى ما ترفضهاش رياض يضحك من التحت التحت: واشنوا خفي راني روطار سارة: طونوبيل ما علاباليش واش بيها حابسة ما حبتش تمشي تعيش نقدر نروح معاك راني روطار على بابا و عمو حسان رياض: لالا ما نقدرش ما رانيش رايح للشركة عندي شغل اومبعد باش نجي سارة: ايييه شحال سامط راني نحلل فيك رياض: اوكي هيا اركبي 😈 سارة ماتت بالفرحة: صحا صحا صحا 😁 و راحت تجري ركبت في الطريق بعت رياض ميساج لباباه قالو : بابا كي تجي سارة قولولها لازم تبدى تخدم عندي باش انا نعلمها الخدمة اومبعد زعما نولي انا وياها كيفكيف فهاد الشركة او وصي عمي كمال المهم وصلوا و حبطت سارة باش تطلع للبيرو تاع باباها و بابات رياض حتى شافت رياض ثاني حابط سارة: ماشي عندك شغل رياض: ايييه كان عندي مي تآنولا سارة: ايه مليييح طلعوا كيفكيف سلموا عليهم و قعدوا بداو يهدروا على الخدمة قالوا لسارة كيما وصاهم رياض سارة: ههههه كيفاش كيفاش !!! دوكا انا نولي نخدم عندو هكا و لا راني غالطة حسان: ايييه هكا يابنتي ماراكيش غالطة سارة: مستحيل ما رانيش قابلة كمال: يا بنتي هذا الشي لمصلحتك رياض كيما نعرفوه شاطر الله يبارك و ساهم بزااف فتطوير هاد الشركات و نتي باش تتعلمي لازم تخدمي معاه و ماكاش شك بلي حقك فهاد الشركة كيما تاع رياض سارة: كاين غير هو لي يعلمني حسان: يخي راجلك ولا لالا نورمالمون يعجبك الحال راح تكونوا كيفكيف حتى فالخدمة سارة: هههه اييبه راجلي مي ما نحبش نخلط بين حياتنا و الخدمة رياض: لالا معليش عمري ما تقلقيش روحك ما راح يصرا والو 😂😂 رياض كان ميت بالضحك عليها و هي ولات حمرا من الزعاف ما عجبهاش الحال هي قالت نجي نخدم باش نهبلوا مي كانت غالطة في حسابها هو لي راح يمرضها و يكرهلها حياتها راح رياض للبيرو ديالو و سارة تبع فيه و مشنفة غير دخلوا هو قعد فالكرسي ديالو و هي جات راح تقعد حتى حبسها رياض: ااااايييي واش راح تقعدي واقيل سارة: اييه نبقى واقفة واقيل رياض: لالا نسحقك تروحي جيبيلي هاد لي دوسي من الارشيف و تعاودي تخدميهم سارة: ههههههه هادي ماشي خدمتي هادي خدمت لا سوكخيتاغ و مادام راهم فالارشيف معناها راهم مخدومين و علاش نكسر راسي فيهم و نضيع وقتي اعطيني الجديد رياض: مادامك تخدمي عندي دوكا لازم تسمعي كلامي و ديري كامل واش نقلك سينو نقول لبابا و لباباك سارة: سااااامط رهججججج 😡😡😡 راحت سارة جيبهوم كانوا بزاااف ثقال غير دخلت للبيرو مات عليها بالضحك كيفاش كانت قعدت بدات تخدم و نسات كامل الوقت و هو كان يخدم شوية و يغيس فيها شوية كي لحقت 13 كموندا رياض لفطور فطروا فالبيرو و كملوا يخدموا حتى طاح الليل ( سارة تخدم معاه فالبيرو ديالو بسكو هو لي حبها تكون قريبة ليه من جيهة باش تبقى معاه دايمن و من جيهة باش يهبلها كيما يحب ) شاف رياض الساعة راح الحال رياض: هيا سارة نخرجوا راح الحال سارة: مازال ما كملتش بقالي شوية نكملها و نخرجوا رياض: سااارة هيا نوضي ما راحش يهربوا غدوة نشاالله و كملي سارة: ااااه اوكي خرجوا سارة حسبتلها راهم رايحين للدار حتى شافت الطونوبيل حبست قدام ريسطو صغير جاي على شط البحر يهبل سارة: وعلاش جينا لهنا رياض: واش لالة واقيل نسيتي بلي لازم نتعشاو راح الحال و حنا ما كلينا والو سارة: والله من العيا نسيت كلش رياض: هههههههه هيا خلينا نحبطو حبطوا و قعدوا في الطابلة جا لي يسربي باش يدي طلباتهم سارة: انا جيبلي 2 سوندويتش شاورما خزر فيها رياض مخلوع دار للسيد: جيبلها ليها 2 و ليا 1 سارة كانت قاعدة تشوف فالبحر و تتبسم رياض: تحبي البحر ؟؟ سارة: اييييه ماكاش حاجة نحب نروح ليها كيما البحر نحس روحي نرتاح كي نشوفو حتى و تكون هموم الدنيا فوق كتافي ❤❤❤ رياض: مالا كاش نهار نديك فاليخت ديالي تدربي تحويسة سارة: نشاالله جابلهم لي سوندويتش حطلها 2 قدامها او 1 قدامو رياض ناض يضحك: راكي سووور تقدري تكمليهم 😜😜😜 سارة: اييه مالفة ناكل هكا رياض: مي بيزاار ما يبانش كامل علييك وين راكي ديري كامل هاد الماكلة سارة: نحرقها ب sport علابيها هذا المبدأ ديالي لي نعيش عليه يخي يقولوا نعيشوا مرة وحدة رياض: ملييييح 😂😂😂 سارة: علاش راك تضحك رياض: والو كولي بصحتك و اذا ما شبعتيش نقولو يزيدلك 😜 سارة ضحكت ضحكة صفرا: اممممممم رياض: 😂😂😂😂😂😂 جاز شهر رياض و سارة ولاو متفاهمين
