جاز شهر على رياض و سارة ولاو متفاهمين مي واحد ما قال للوخر بلي يحبوا اليوم نهار العملية تاع بابات رياض كان فالسبيطار و كانت لافامي كامل عندو
سامية: ربي يطلعك بخير و تولي لدارك يا تاج راسي 😥😥
حسان: بصح و علاش راكو ديرو هكا راح ندير عملية كيما انا كيما الناس
رياض: هههههه normalement حنا نديرولك الكوراج مي نتا لي راك ديرلنا فيه
سارة: بابا حسان ما نشاالله ما يكون غير الخير و تدخل دير العملية و ترجعلنا خير من الاول
حسان: نشاالله يا بنتي
هنا دخلوا الطبا باش يدوه لغرفة العمليات خرجوا العايلة من تم و راحوا يستناو قدام الباب تاع البلوك دخلوا عمي حسان بدات العملية و كانت شوية صعيبة العايلة برا كانوا على اعصابهم خايفين لوكان يخسروه ما يقدروش يحملوا غيابو هو عمود الدار رياض كان رايح جاي حتى راحت ليه سارة
سارة: رياض احبس شوية و اهدا دوختنا و نتا رايح جاي
رياض: راني خايف على بابا كيفاش حبيتيني نحبس
حطت سارة يدها على كتفوا: ما تقلقش روحك و ماكان علاش تخاف بابا حسان قوي و دوك يولي خير من الاول
رياض: نشاالله يعطيك الصحة سارة على الوقفة ديالك
سارة: ما تزيدش تعاودها هادي بابا حسان نعرفوا ملي كنت صغيرة راهو في مقام بابا
رياض عنقها و قالها: ربي يخليك ليا نشاالله
حتى هي عنقاتوا كانو ل 2 محتاجين هاد الشي
جازوا 6 سوايع خرجوا عمي حسان من البلوك و العملية كانت ناجحة حطوه فالعناية المشددة باش يكون تحت المراقبة العايلة كامل فرحوا و رتاحوا
سامية يمات رياض ما حبتش تروح للدار قالتلهم نقعد هنا او رياض ما حبش يسيف عليها دا سارة و راح لدارو و خوه و ختو راحو للدار جازت لليلة عادية ما صرا فيها والو من غداك صباح جاو كامل خواتات حسان مع ولادهم و خاوتوا و نساهم مع ولادهم الدار تعمرت مرام عيطت لسارة باش جي تعاونها راهم في غاشي وصلها رياض و بقا غيير يوصي فيها هههههههههه طبيعتو ما يبدلهاش من جهة اخرى باباه فطن و خرجوه لشامبرة و قالولي عشية تخرج راح رياض لسبيطار سلم على باباه و يماه و قعد
رياض: واش بابا راني نشوف فيك راك بخير
حسان: والله غير حمد الله خصني شوية هدوء و راحة هذا ماكان
سامية: دوك تروح لدارك و تريح نديروك فوق راسنا حتى تبرا
حسان: هههههههه نشاالله ربي يخليك ليا مرتي لعزيزة
رياض: احم احم مارانيش حاب نقاطعكم مي فدارك ماراكش رايح تريح ما ولاش فيها الهدوء لي راك تحوس عليه
حسان: و علاااش خير نشاالله
رياض: ليوم صباح زدم الجيش
سامية: اااااه ما تزيدليش 😥😥😥
رياض: هههههههه والله غير السلالة كامل جات من الكبير للصغير
حسان: انا مارانيش رايح لهاديك الدار مارانيش حاب نموت انا درت عملية باش نبرا ماشي باش نروح
رياض: ايييه بابا داري راهي مفتوحة و انا و سارة نقوموا بيك و ما تخافش ما نسمح لحتى واحد يجوز من تم
سامية: بصح لازم انا لي نرد بالي عليه
رياض: ابييه ارواحي نتي ثاني
سامية: ما نقدرش نخلي داري والله غير ياكلوها
حسان: عندها الحق يماك خلاص انا نسلك روحي نجي نقعد عندكم و سامية نعرفها تقدر عليهم راهي عاشرتهم سنين
رياض: اوكي كيما حبيتو مالا انا عشية نشاالله نجي نخرجك باي
ودعهم و راح عيط لسارة
رياض: الو سارة سفا
سارة: واش من سفا اسمع هادوا ماشي عباد شحال يسقسو و شحال يمدو الاوامر انا و مرام كيما درنا ما لحقناش ارواح سلكني تعييييييش 😥
رياض: 😂😂😂😂😂
سارة: راك تضحك انا البقرة لي جيت نشكيلك حسبتلي بنادم
رياض: خلاص خلاص وجدي روحك راني جاي نديك
سارة: قول و الله 😍 مي ما نقدرش نخلي مرام مسكينة وحدها 😥
رياض: لازم تروحوا للدار راهو جاينة ضيف او فالدار نحكيلك
سارة: اوكيي
راح رياض دا سارة قضاو فالطريق و راحوا لدارهم قعدوا فالصالون
سارة: اييه شكون هذا ضيف الغفلة
رياض: بابا راهو جاي يقعد عندنا يمات حتى يريح و يروحوا لافامي
سارة: كيييييفاااش ....... راهو جاي لهنا ....... ماراكش خايف يفيقلنا
رياض: اذا ما هدرتيش نتي ما راحش يفيق
سارة: اييي حكمتني كرشي لوكان يفيق يروح فيها
رياض: ما تخافيش ما يروح فيها متدا والو لازم تعرفي تتصرفي هذا ماكان
سارة: خلينا دوك كي يجي انا و انت......
رياض: ايييه انا وانت..
سارة: كاش ما كاين رانا عايشين مليييح
رياض: وعلاش نتي ما راكيش عايشة ملييح؟؟؟ انا راني عايش مليح ( يهبل فيها ) 😜😜😜
سارة: لالا ماشي هكا يعني بالمعنى تاع رانا متزوجين
رياض: ما فهمتش 😈😈
سارة: يعني كيما كامل المتزوجين ما كاش عقد بيناتنا
اووووه افهم دوكا
رياض: ايييييه صحاا راني فهمت شوية 😂😈😈
سارة رفدت مخدة تيراتها عليه: انا هنا مقلقة و نتا شوف فواش راك تخمم منحرف
رياض: بصح وعلاش راكي مقلقة هكا ؟؟؟
سارة: يجي لعشية معنتها عندي خدمة قد الدنيا لازم دوكا نخرج حوايجي من هاديك البيت و نوجدها لبابا حسان و نوجد العشا
رياض ناض و بدا يقرب ليها و هي ترجع حتى خبطت في الحيط: دقيقة ...... دقيقة وين ديري حوايجك كي تخرجيهم من تم ؟؟؟ 😈
سارة تلفتلها: وي.....وين.......نديرهم؟؟
رياض بدا يفيقلها بلي تحبو: وين ديريهم؟ 😂😈
سارة حست السخانة طلعتلها لوجها بدات تروح بيدها: ااااه بصح ما نقدرش نهدر و نتا مقرب هكا
رياض: سقسيتك برك
سارة: ايه بعد شوية عليا باش نقدر نجاوبك ( دارت يدها فوق قلبها ) ما رانيش قادرة نتنفس ( تهدر وتتعgن 😂😂 )
جبد روحو عليها: اممممم 😂😂😂 .... ايييه؟؟
سارة: واش ايه
رياض: وين تدي حوايجك من الصباح و انا نسقسي
سارة: ايييه ههههه ايه حوايجي نديهم لبيتك حنا متزوجين مالا بلاصتهم في بيتك
رياض: مام نتي بلاصتك في بيتي 😉😉😈
سارة: راح نجي
رفد رياض حواجبوا خزر فيها وبدا يتبسم 😈😈
سارة: اااه ...... زعما حنا متزوجين باش باباك ما يفيقش هذا ما كان ( بدات تمتم : نهرب خير ما نخرب جدها كثر ) راني رايحة نوجد الحالة
خرجت تجري من الصالون و رياض يضحك عليها راحت فرغت بيتها كامل نحات كامل دوزانها باش ما يشك فوالو او وجدتها لشيخها و دارت حوايجها فبيت رياض كي كملت حبطت للكوزينة طيبت العشا و طلعت عند رياض باش يتفاهموا قبل ما يجي باباه
كان يخدم فالبيرو حلت الباب و دخلت شافها: نقدر ندخل
رياض: راكي دخلتي و كملي 😂
سارة: اوكي راني رايحة 🤨
رياض: خلاص ادخلي ادخلي 😂😂 شحال تزعفي بلخف
دخلت و قعدت فكرسي مقابلاتو: علابالي بلي نتا ما كنت حابنا نتزوجوا كيما انا مي والدينا ......
قاطعها: شكون قالك
سارة شافت فيه مستغربة و دارتلوا براسها كيفاش
رياض: بكري .... بكري ما كنتش حاب دوكا تبدلت الحالة
سارة: كيفاش تبدلت ؟ او واش تبدل ؟
جا راح يجاوبها سمعو الباب يصوني
رياض: شكون لي جانا
و ناض راح يحل و سارة موراه تمشي و تخمم ( واش معنتها هادي دوكا افففف ) حل الباب لقا باباه و خوه
رياض: يااه ماشي انا كنت جاي نديك
حسان: معليش جابني خوك باش ما تشقاش
رياض: ايييه معليش جوزو
اسامة: لالا خو انا راهم يستناو فيا فالدار راني حاسدك على هاد العيشة راك مهني وشكون كيفك
رياض: هههههههه حاجت مهني راني مهني حمد الله
سارة ولات حمرا : دوك تبقاو واقفين عند الباب بابا جيت من السبيطار و راك عيان هيا نطلعك لبيتك
حسان: هيا يا بنتي والله ما راني قادر نوقف
دات سارة شيخها لبيتو و اسامة راح لدارهم دات سارة لعشا لشيخها عاوناتو و حبطت وجدت الطابلة ليها و لرياض كي كملو غسلت الماعن و عاودوا ولاو عند حسان حكاو معاه شوية باش ما يفيقش رياض راح لبيتو و سارة عطات لشيخها gاع واش يسحق و راحت لبيت رياض جات داخلة تنهدت قبل ما تفتح الباب و حلت الباب دخلت و غلقتها ما لقاتوش ولات تهدر مع روحها: وين راح هذا؟؟
حتى دخل موراه داير غير سربيتا محطوطة على حزاموا كان يدوش : راكي تحوسي عليا ؟؟ 😈
دارت ليه سارة شافتوا رفدت يديها غطات بيهم عينيها 🙈🙈 : اييييي راك عريان
رياض: راني لابس
سارة: اوكي نتا البس دوكا و انا نبقى غالقة عينيا ازرب روحك
رياض: نونونونونو لوكان تشوفيني بتخبيا 😜😂
سارة: وعلاش نشوووووووف البس خف
رياض: لالا دوري للحيط باش نضمن بلي ما تشوفي والو 😂😂
سارة دارت و هو ميت بالضحك موراها
رياض: بالاكي دوري
سارة: ما تخافش
لبس بيجاما غير السروال من الفوق بقا عريان
سارة: مازاااااال
رياض: خلاص كملت نسمحلك دوري
دارت شافتو: ما زالك عريان البس افففف
رياض: 😐😐 !!!!!!!!
سارة: نسيت تريكو
رياض قعد فوق البونك: انا نحب نرقد هكا 😈
سارة تمتم: وانا نموت دوكا واش ندير 😭
رياض: واش قلتي ما سمعتش
سارة: قلتلك راني رايحة ندوش و نجي انت ارقد
رياض: وين نرقد ؟؟
سارة: نتا ارقد فوق الفوتاي و انا فوق البونك
رياض: اوااااه لالا ظهري يوجعني و ديجا راني فبيتي
سارة: نتا الراجل حبيتني انا نرقد فيه
رياض: انا ما قلتش هكا شوفي البونك واسع يكفينا بين زوج
سارة: لالا
رياض: علاش خفتي مني ما تخافيش ما نديرلك والو
سارة: خلاص انا نرقد فوق الفوتاي
رياض: خلاص خلاص ارواحي انا نرقد فيه
كيما كان الحال دوشت جات لقاتو راقد في الفوتاي قعدت تشوف فيه و تتبسم من بعد راحت تكسلت و رقدت
جا الصباح و هوما راقدين سمعوا الطبطيب في باب بيتهم سارة فطنت جات تسوطي لعنر رياض طاحت من البونك ناضت و راحت تجري لعندو
سارة: ريااااض نوض باباك راهو يطبطب علينا
ناض يجري رفدوا لغطا و المخدة لي كان راقد عليهم رماهم فوق البونك و راح فتح الباب
حسان: صباح الخير سمحولي كي نوضتكم
رياض: صباح الخير لالا معليش بصح وعلاش نضت من الفراش
حسان: عييت من الرقاد ديجا راني هايل حسيت روحي وليت صغير هههههههه راني وجدت قهوة حبيتكم تشربوها من تحت يدي اليوم هيا راني نستنا فيكم لتحت
حبط عمي حسان و رياض غلق الباب سارة حطت يدها على قلبها: اووووووف قريب فاقلنا 😨😨😰
طلعت عينيها صابت رياض يشوف فيها و يتبسم
سارة: وااااش !!!!
رياض: راكي شابة 😍
كانت شعرها بوكلي كيما دوشت و رقدت بيه مشمخ و كانت لابسة هكا
