منبع الوهم (منتهيَّ)

اسكريبت 5.

اسكريبت 5.
#اسكريبت✌🏻💛.
#ذاكرتي.

: أنا رؤيه.
حصل معايا حاجه كده و هحكيهالكوا.
من سنه تقريباً وقعت وقعه جامده فوقت منها مش فاكره حاجه.

Fℓαsн Вαcĸ:
من سنه لما وقعت من على السلم. نقلوني على المستشفى بسرعه و اول ما فوقت.....
أنا: اهاااا راسي.
ماما: رؤيه حبيبتي الف سلامه عليكي ياقلبي أنتِ كويسه.
أنا: اهاا أنتِ مين.
ماما: أنا ماما يا رؤيه.
أنا: مماما أااانا مش فاكره حاجه.
ماما: أنتِ بتقولي ايه يا رؤيه.
أنا بكيت *عيطت*: أنتِ مين أنا مش فاكره حاجه خااالص أنا مين.
ماما اتصدمت: استنى يا رؤيه هنادي الدكتور.
*و نادت الدكتور. الدكتور جه*.
الدكتور لماما: استنى يا مدام بره.
ماما: حاضر يا دكتور بس طمني عليها.
الدكتور: تمام.
*ماما خرجت و الدكتور قعد على الكرسي اللي جمبي مكان ما ماما كانت قاعده*...
الدكتور: اسمك ايه؟.
أنا: مش عارفه بس هي بتقول رؤيه.
الدكتور: تمام. رؤيه أنتِ فاكره حاجه.
أنا: تؤ مفيش حاجه خالص.
الدكتور: أنا الدكتور النفسي الخاص بيكي من و أنتِ صغيره.
أنا: دكتور نفسي........ دا للمجاااانين.
الدكتور: تؤ خالص أنا اول ما أنتِ جيتيلي قولتلك أنتِ عارفه ان اكتر الناس بتقول عليا أنا و باقي الدكاتره اللي في نفس المجال ان احنا دكاترة المجانين.
قولتيلي بعنف: لاء ليه ما تكونش البير اللي الواحد يخبي اسراره فيها ويحفظها.
أنا: امم تمام. أنتِ دكتورى من صغري.
الدكتور: اه.
أنا: اديني اماره. *كنت غبيه ساعتها يعني لو كان قالي اي حاجه كنت هفتكر😒*..
الدكتور ضحك: أنتِ مش بتحبي الظلم و الخيانه و التحوير و التنمر.
أنا: تقريباً الصفات دي صفات وحشه و اي حد عاقل و محترم هيكرهم.
الدكتور: هي فعلاً صفات وحشه. طيب مش بتحبي المحشي.
أنا: هو أنا مش عارفاه بس بحبه.
الدكتور: مش هتبطلي عند أبداً. بس تمام لما تخرجي من هنا و صحتك تتحسن هخلي والدتك تعملك محشي و أنتِ مش هتحبيه.
أنا: تمام.
الدكتور: ممكن نتعرف بقى.
أنا: اتعرف يا اخويا. أنا واحده متعرفش اي حاجه غير ان تقريباً اسمي رؤيه.
الدكتور ضحك: بصي أنا هعرفك عليا و عليكي. تمام.
أنا: تمام لما نشوف اخرتها.
الدكتور: أنا الدكتور محمد جيتيلي و أنتِ عندك 13 سنه كنت لسه متخرج يعني و فاتح العياده و كان عندي 25 سنه.
دلوقتي أنتِ عندك 20 سنه.
أنا: و أنتِ عندك كام سنه؟. *ذكيه اوى أنا هو اكبر مني ب 12 سنه و أنا عندي 20 اكيد هو 32*.
محمد: 32 سنه. أنا متجوز و عندي رؤيه عندها 4 سنين. أنتِ اصريتي عليا أنا و لميس مراتي أن نسميها على اسمك. و أنتِ مش مرتبطه في كلية هندسه. حلمك.
أنا: رؤيه 20 سنه مش مرتبطه مهندسه المستقبل.
مهندسسسسه أنا كنت شاطره بقى.
محمد: اه. أنتِ عندك فقدان ذاكره كامل بس في كام حاجه شكلك عرفاهم زي ان كلية هندسه بتاخد مجاميع كبيره و ان الدكتور النفسي دكتور مجانين.
أنا: امم ممكن. هو أنا جتلك ليه.
محمد: كنتي مش بتعرفي تتكلمي اكتر الوقت مع اللي حواليكي و مزاجك اكتر الوقت متقلب.
*بيقول ايه دا يا جماعه أنا برج الجوزاء 😂*.
و حاسه اكتر الوقت انك مظلومه بس دا قليل يعني. و كنتي بتحبي الطب النفسي بس امنيتك هندسه.
أنا: ماشي أنا هخرج من هنا امتى.
محمد برفعة حاجب: ليه.
أنا: جاوب على سؤالك.
و لا شكلك متعرفش الاجابه أنا مش حابه المستشفى.
محمد: لاء عارف بس بشوف رد فعلك اتغير و لا لاء.
أنا: و اتغير.
محمد: اه قبل كده كنتي بتقولي أنا حره.
أنا: أنا فعلاً حره يالا طرقني عشان أنا زهقت.
محمد: طيب يا اختي. و هجيلك بكره اعرفك على نفسك و اصحابك.
*و قبل ما يخرج دكتور محمد ندهتله تاني*
أنا: دكتور هوو مش أنا مسلمه برضوا.
محمد: مش واخده بالك من الحجاب.
أنا: اه صح. بصلي.
محمد: اه طبعاً.
أنا: كل يوم.
محمد: الاول لاء لكن من قبل ما تجيلي و أنتِ انتظمتي. هبعتلك مامتك عشان تساعدك تتوضي و تصلي.
أنا: تمام. شكراً.
*و بعد فتره قليله*
أنا لنفسي: ماما علمتني الوضوء و الصلاه. و على رأي دكتور محمد: في حاجات فكراها و في حاجات لاء. ماما علمتني كل حاجه و عرفتني ادعي بآيه و كده. ماما دي طيبه اوى أنا حبيتها.
*بدأت اصلي و في سجودي ادعي زي ماما علمتني و قالتلي ان احمد ربنا و اشكره على كل حاجه حتى فقداني للذاكره اشكره عليه*
أنا فعلت شكرته و قولت: الحمدلله على كل شيء اكيد كانت في حاجات تعباني و كان لازم انساها. الحمدلله و شكر ليك يارب على وجود ام زي دي جمبي. دي بتتمنالي الشفاء. يارب ريحها.
*و بعد ما خلصت صلاه. قعدت على سريري و بصيت لأمي اللي بتدعي ربنا اني ابقى كويسه اصلها صلت جمبي و كانت بتقول بصوت عالي عشان أنا مغلطش او كده بتقول انها كانت دايماً تعمل كده و أنا صغيره. أنا خلصت قبليها و هي اهي خلصت*
ماما: حاسه بأيه يا قلبي.
أنا: أنا كويسه الحمدلله يا ماما شوية وجع في دماغي بس.
ماما: عشان الخبطه بس ان شاء الله هتبقي كويسه.
أنا: ان شاء الله.
******