( روايه الحب المنتقم )
البارت1 بقلم نورا قنصوه
تشرق شمس يوم جديد
داخل قصر العادلي في غرفه هاله نجد المنبه يرن
هاله بتأفف: اوووف يا حبيبي خلاص تعرف انا مش بكره في حياتي قد الزن وانتي نازل زن عليا خنقتني ثم تضرب مقدمه راسها
هاله: غبيه انتي بتكلمي مين وبعدين انتي اللي ظبطاه قومي يلا عشان متتاخريش علي الجامعه وقامت من علي الفراش ورتبت غرفتها واخدت شاور وتوضأت وادت فرضها
هاله بعد ما انهت صلاتها: يارب احمدك واشكر فضلك علي كل شئ انا مش معترضه علي اي حاجه حصلتلي ولا هتحصلي انا وثقه فيك اوووي وعرفا انك عمرك مهتأذيني بس ليا طلب واحد عندك وانا متأكده انك هتستجبلي عايزه اشوفها وحشتني اووي عايزه اترمي في حضنها عايزه احس بحنان الام وقامت وارتدت ملابسها وغادرت الغرفه
ايمن: اهلا بالعاهره الصغيره
هاله بحزن: من فضلك يبابا متقليش الاسم دا وفجأه نلاقي ايمن صفعها علي وشها صفعه هزت ارجان القصر
ايمن بحده: قولتلك متقوليليش بابا انتي فهمه
هاله: انت ليه بتعمل فيا كدا حرام عليك
ايمن: مش عارفه انا ليه بعمل فيكي كدا عشان انا بكرهك بكرهك وهي هربت وسابتني وسابتك نقمه في حياتي
هاله: اكيد حضرتك عملتلها حاجه عشان تسيبك
ايمن: اخرسي هلقيها وهدفعها التمن غالي وهقتلها
هاله: طالما بتكرهني ليه متقتلنيش وتريح نفسك
ايمن بضحك: ههههه ليه شيفاني غبي انا لما اقتلك هترتاحي وانا بفرح لما تتعذبي وتركها وغادر القصر
هاله شعرت بانها تريد البكاء ولكنها تماسكت
هاله بتماسك: هاله اجمدي انتي مش ضعيفه انتي قويه استحملي كل حاجه هتبقي تمام انا متاكده واخدت نفس عميق وخرجتو براحه وغادرت متوجه للجامعه
في قصر الشافعي
في غرفه ادهم نجد الستاير بتتفتح والشمس بتخبط في ادهم
ادهم وهو حاطط ايدو علي وشو: كريم رجع الستاير تاني
كريم: قوم يا ادهومتي هنتاخر علي الشغل
ادهم: كريم مش فيقلك اخرج برا عايز اتخمد
كريم: يا ادهم قوم هو كل يوم لازم اجي واصحيك وتقعد تزعق
ادهم: قايم قايم يا زفت اطلع برا ويقوم من علي الفراش ويذهب للمرحاض وياخد شاور ويرتدي ملابسو وينزل
علي السفره
ادهم: هاتيلي قهوه بسرعه
كريم: قهوه علي ريق النوم كل حاجه الاول
ادهم ببرود: سمعتي قولت ايه وينظر للامام علي صوره والديه الكبيره بحزن
كريم: انسي يا ادهم انسي عشان خاطري
ادهم بصوت عالي: انسي انسي ايه انسي ابويا وامي ولا العذاب اللي شافوه قسما بربي مهرحمو وهخليه يبكي بدل الدموع الدم وهحرق قلبو زي محرق قلب ابويا وامي ويغادر ويذهب لغرفه المكتب
في كافتريه الجامعه
هاله بمزاح: صباح الخير يا ام الكآبه
ايه بحزن: اهلا يا حياتي
هاله: ايه يا بنتي اللي عملاه في نفسك دا متفكي كدا
وايه بتطلع اليها بشرود
هاله: حلوه مش كدا
ايه: انتي ازاي كدا
هاله: زي السكر في الشاي هههههه
ايه: انا مش بهزر
هاله: ازاي اللي هو ايه
ايه: ازاي بكل اللي بيحصل معاكي وقدره تهزري وتضحكي يعني امك اللي سابتك وانتي عندك 5 سنين وابوكي اللي كل ميشوفك يضربك او يقولك كلام يوجعك
هاله: عشان فيه دا وبترفع يديها للسماء ربنا كبير يا ايه وعمرو مبيظلم حد كل حاجه بيعملها بيبقي ليه حكمه فيها وبنبقي وحشينو فبيبتليني عشان نروحلو وندعيلو ونقولو يارب وعمرو مهيكسر بخاطرنا
ايه: يا رتني ابقي زيك كدا
هاله: وبعدين يا ستي كلها شويه وهيجي فتي احلامي ونتجوز ونعيش قصه حب مع بعض تجنن ونخلف ولاد وبنات ونعيش في تبات ونبات
ايه: لا دا الروايات لحست مخك خالص حب ايه دا مفيش حاجه اسمها حب
هاله: اخرصي يا كلب البحر وبعدين دا ابوكي وامك اكبر مثال بيقول ان فيه حاجه اسمها حب
ايه بسخريه: تصدقي فعلا ابويا كان بيعشق امي عشان كدا راح اتجوز عليها ولما هي عرفت ماتت من القهره عليه وهو مات في حادثه
هاله: بقولك ايه كفايا نكد بقا ويلا عشان اتأخرنا وغادرو الكافتريا متوجهين للمحاضره
في قصر الشافعي
كريم: ابشر يا ادهم
ادهم: اخلص
كريم: ارض العين السخنه بقت بتعتنا
ادهم ببرود: امممم
كريم في نفسو: ايه دا فريزر وكمل وصحبك هيفرقع
ادهم: انا عارف بيفكر في ايه دلوقتي
كريم: طب يلا بقا نروح الشركه ولا ايه
ادهم بتفكير: هعمل اتصال وهنمشي وبعد مده من الزمن غادرو القصر متوجهين للشركه
عند ايمن
مختار: ابن******
ايمن: بتشتم مين علي الصبح
مختار بعصبيه: هو فيه غيرو ادهم الشافعي
ايمن: عمل ايه
مختار: خد مننا ارض العين السخنه
ايمن: ايه ازاي
مختار: معرفشي بس كدا احنا بننتهي وادهم بتاعك دا عمرو مهيسمحك ونويلك علي نيه سودا
ايمن بشر: هنشوف مين اللي ناوي للتاني علي نيه سودا
مختار: هتعمل ايه
ايمن: لازم ادهم الشافعي يبقي في تربتو النهارده وعمل اتصال
مختار: انت كدا بتلعب في عداد عمرك ادهم مش سهل
ايمن: انت خايف منو ولا ايه
مختار: اه العمر مش بعذقه وانا بنبهك
ايمن: متقلقشي
عند هاله وايه
ايه: شوفتي اهو اتاخرنا
هاله: اوبس هنعمل ايه
ايه: وانا اش عرفني
هاله: تعالي ندخل واللي يحصل يحصل واستأذنو ودخلو
ايه: احنا اسفين علي التاخير كاد الدكتور ان يتحدث ولكن تطلع امامو واخذ ينظر لأيه برهه من الزمن وهي ارتبكت
هاله: ايه يا دكتور ندخل ولا لا
الدكتور: احم احم اتفضلي يا انسه منك ليها ومتكررشي تاني وهاله وايه دخلو مسرعين
هاله بهمس: ايوا بقا الدكتور واقع علي الاخر
ايه: انتي بتقولي ايه
هاله: لا يا شيخه دا انا من هنا وجاي هاجي متاخر منا ليا ظهر هنا زوج صحبتي المستقبلي
ايه بغضب: اسكتي شويه
هاله وبتكتم ضحكتها:حاضر وبتغني بهمس بكلمه منك وانا قلبي داب وبكلمتين وانا جسمي ساب
ايه: اوووف وبعدت عنها وهاله استمرت في الضحك
عند ادهم وكريم
مشين في الطريق متوجهين للشركه ونجد اربع عربيات بيعترضو طريقهم
كريم: انا حاسس ان فيه حاجه غلط
ادهم: اللي كنت متوقعو حصل واتكلم في التليفون
ادهم بأمر: اطلعو حالا وتطلع عربيات كتيره مليانه حراسه ويحصل تبادل اطلاق النار
كريم: ايه العربيات دي
ادهم وهو بيضرب نار: مش وقتو ركز عشان متتصبشي يا زفت
وبعد مده من الزمن الاربع عربيات بتنسحب وضرب النار بيقف
كريم: ينفع افهم ايه دا
ادهم ببرود: مكل حاجه وضحه زي الشمس وايمن وصاحبو الندل مش نوين يجبوها البر
كريم: انت كنت عارف انهم هيعملو كدا
ادهم: ايوا وقبل مطلع من القصر انا اللي طلبت عدد كبير من الحراسه ويبقو قريبين مننا بس من غير محد ياخد بالو واول مرن عليهم يجو
كريم: الحمد لله انت لو مكنتش عملت كدا كان زمنهم بيصلو علينا
ادهم: متخفشي لسه لينا عمر ووصلو الشركه
عند ايمن ومختار
مختار: قولتلك ادهم مش سهل وانت مصدقتنيش
ايمن: بقولك ايه بطل ندب زي النسوان انا عارف انا بعمل ايه
مختار: انت نسيت اللي عملتو في ابوه وامو ولو نسيت هو منسيش وهياخد حقو منك تالت ومتلت
ايمن: لا منستشي عملت ايه ولو كان عايز يعمل كان عمل من زمان
مختار: دا بيرقدلك ادهم مش من النوع اللي بيسيب حقو وهتشوف وبكرا تقول مختار قال
ايمن: اسكت شويه وزي مقولتلك انا عارف هلعبو ازاي خلينا نركز في شغلنا شحنه الادويه هتيجي امتي
مختار: لسه محدش اتصل ولا حدد ميعاد
ايمن: تمام
في الجامعه
هاله: اخيرا خلصنا
ايه: انا زهقت
هاله: طب تعالي نفوق كدا ونشرب عصير فرش
ايه: لا انا هروح ارتاح شويه
هاله: تروحي ايه دلوقتي في بيت الرعب اللي انتي عيشه فيه دا وهتقعدي كئيبه وحزينه وتعيطي
ايه: خلاص هروح اتحزم وارقص
هاله: متتريقيش عليا يا اختي ويلا هنشرب عصير يعني هنشرب وغادرو متوجهين للكفتريا
ايه: هتروحي تعملي ايه
هاله: معرفشي سيبيها بظرفها وبيجي عليهم شاب
حسام لهاله: اهلا اهلا بفرس الجامعه
وايه بتشهق من اللفظ وهاله بتضايق بس مش بتبين
هاله: اهلا بروح امك
حسام وهو يجلس علي المقعد: يبت عيب ايه روح امك دي
هاله: هل انت غبي معلشي في السؤال يعني بس هل انتي غبي
حسام: اشمعنا
هاله: انت جاي وبتقولي فرس الجامعه وانا قولتلك روح امك وروح امك دي مش شتيمه روح امك يعني انت روح امك مفيهاش حاجه وجاي تقولي انا عيب
حسام: فيلسوفه زمانك ياختي وكمل وهو بيبص لايه
حسام: صبح صبح يا عم الحاج
ايه: صباح الخير يا حياتي
حسام: انتي مش هتبطلي تقولي كلمه حياتي
هاله: اه يا ايه عندو حق دا لو حد سمعك بتقليها يقول دا بنهم قصه حب فظيعه
ايه: هو انتي كل اللي في دماغك حب
هاله: انا بقولك الناس هتقول ايه
ايه: مليش دعوه بحد هي لزمه في بوقي كدا
وفجأه الكل بيتفزع
هاله: هاااااااااا
حسام: فيه ايه
هاله: انا لازم امشي حالا الروايه اللي بقرأها خلصت علي حته جامده
ايه: يخربيتك
حسام: انا قولت تعبان قرصك ولا حاجه
هاله: يا بني دي خلصت علي البطله قالت للبطل بحبك
ايه: يخربيت الحب علي سنين الحب انا ماشيه وغادرت آيه
هاله: دي مالها دي وكملت يلا سلاموز وغادرت متوجها للقصر
في مكتب ادهم
نلاقي الباب بيخبط
ادهم: ادخل
ميرفت(السكرتيره): ادهم بيه الورد دا جاي لحضرتك
كريم: نعم وكمل كدا بتلعب من ورايا
ادهم: مين اللي بعتو
ميرفت: مش عارفه والله يا فندم
كريم: اكيد موزه انت عجبها
ادهم: اخرس يا زفت وكمل طب هاتي الكرت اللي جاي معاه
ميرفت: اتفضل يا فندم
ادهم: تمام روحي انتي دلوقتي
وادهم فتح الكرت وقرأو وملاحم وشو اتبدلت
كريم: فيه ايه يا ادهم وخد الكرت ولقي مكتوب فيه ( انا عملت اللي عليا وكنت عايز ابعتك لابوك وامك عشان انا عارف انهم وحشوك بس انت اللي مرضتشي اعمل ايه بقا بس متقلقشي خيرها في غيرها )
كريم: هو ابن*****
ادهم: ورحمه ابويا وامي مهرحمو وكمل عايزك تجبلي معلومات عنو كل كبيره وصغيره انت فاهم
كريم: اعتبرو حصل
يا ترا ايه اللي هيحصل
وايمن عمل ايه في اهل ادهم
وام هاله سابتها ومشيت ليه كل دا في البارتات الجايه ان شاء الله
تفاعل وتصويت يلا
أنت تقرأ
الحب المنتقم بقلم نورا قنصوه
General Fictionهو شخص طيب جداا ويحب عائلتو ويكره الظلم ولكن بعد الذي حصل لوالديه تغير جداا وكل هدفو هو الانتقام اما هي فهي طيبه القلب تحب والدتها جداا وتحب صديقتها وتؤمن بالحب ولا تكره احد في حياتها وعانت كثيرا وهويتها هي قرائه الروايات
