الحب المنتقم بقلم نورا قنصوه

البارت9

( روايه الحب المنتقم )
البارت9 بقلم نورا قنصوه
في قصر الشافعي
هاله: بس يا ستي هو دا كل اللي حصل ( طبعا مقلتلهاش حكايه المافيا)
آيه: كل دا حصلك وانا مش معاكي
هاله: شوفتي بقا بس يلا الحمد لله
آيه: ان شاء الله كل حاجه هتتعدل
ودخل كريم عليهم
كريم: هاله ادهم عايزك
هاله: خير ان شاء الله
كريم: مش عارف هو مستنيكي في اوضتك
هاله: كريم من فضلك وري آيه اوضتها علي مروحلو وكملت اه صحيح اجهزي فيه حفله بليل
آيه: لا مليش انا في جو الحفلات دا
هاله: ماشي يا كئيبه خدها يا كريم ووريها اوضتها
كريم: ماشي اتفضلي معايا
كريم: هو انتي وهاله اصحاب من زمان
آيه: من ايام الثانوي
كريم: يعني ليكو ذكريات مع بعض
آيه: اه طبعا
كريم: علي كدا بقا
آيه بغضب: انت بتسأل كتير كدا ليه اوووف فين الاوضه
كريم: اللي في وشك دي
آيه: شكرا يا حياتي ودخلت الاوضه وقفلت في وشو الباب
كريم: يا بنت المجنونه
عند ادهم وهاله
هاله دخلت اوضتها لقتو واقف قدام البلكونه وشارد
هاله: خير كنت عايزني ليه
ادهم: خدي
هاله: ايه دا
ادهم: الفستان اللي هتلبسيه في الحفله
هاله: شكرا عندي هدوم مش عايزه حاجه منك
ادهم ببرود وهو متجاهل كلامها: الساعه 8 بليل تبقي جاهزه
هاله: مش هلبسو
ادهم: ابقي وريني مش هتلبسيه ازاي ومشي وسبها
هاله: نتن بارد اوووف
عند تلا
نلاقيها في المول وتليفونها رن
تلا: هاي كريم
كريم: انتي فين يا بنتي
تلا: اووف كريم منتا عارف اني نزلت المول عشان اشتري فستان للحفله
كريم: كل دا ولسه مشترتيش
تلا: مفيش حاجه عجباني
كريم: تلا بطلي شغل عيال لو ادهم عرف انك مش موجوده هيطربق الدنيا علي دماغك
تلا: لا كريم بليز زي مروحت بدالي تجيب آيه وجبت اي عذر هتعرف تداري عليا لحد ماجي
كريم: بس متتاخريش
تلا: حاضر يلا سلام وقفلت معاه
في الكفتريا
نلاقي وائل قاعد بيشرب قهوته وتفكيرو بيروح بيه لتلا واول مبيفتكر ملامحها بيضحك تلقائي
وائل: ايه اللي انا بعملو دا وازاي اصلا اسمح لنفسي افكر فيها وقام بعصبيه ولسه هيمشي خبط في النادل ووقع علي قميصو قهوه
النادل: اسف يا فندم والله مقصدتش
وائل: اهدي انا اللي غلطان عشان قايم بسرعه روح انت شوف شغلك
وائل: هروح اشتري قميص بدل اللي باظ دا وطلع المحلات اللي فوق واشتري القميص ولبسو ودفع الحساب وكان ماشي لمح تلا وقفا قدام مجموعه فساتين ووقف يشوفها
تلا: اوووه يا ربي دا كيوت اوووي عجبني
وائل من خلفها: ذوقك حلو هيجنن عليكي
تلا بصت وراها لقتو
تلا: انت بترقبني بقا
وائل: وهو انا هرقبك ليه انا شوفتك بالصدفه
تلا: ماشي وعايز ايه
وائل: حلو اووي الفستان دا
تلا بعصبيه: طيب مش وخداه واقولك علي حاجه كمان مش هاخد حاجه خالص وهمشي ومشيت ووائل فضل يضحك عليها
تلا وهي بتركب عربيتها: اااااه كنتي لازم تقولي مش وخداه دا يجنن انسان سئيل ومشيت متوجها لقصر الشافعي
عند آسر
اسر: اكيد الاخبار كلها بتتكلم عن ادهم الشافعي دلوقتي
سماح بلهفه: ليه فيه ايه
واسر اتضايق من سؤالها علي ادهم
اسر: عشان طلع متجوز وعامل حفله عشان يقول كدا ها متجوز
وسماح حست ان آسر زعلان منها
سماح: اسر انت ديما بتفهمني ليه المرادي مش فهمني والله انا لو شوفت مين عمري محب حد غيرك ولا هبقي مرات حد غيرك بس صدقني بحس بحاجه غريبه لما اشوفو
اسر: انتي شوفتيه مره واحده بس
سماح: لا مرتين مره في المستشفي ومره في الشركه لما جتلك
اسر: ايه اللي حصل
سماح: مفيش لما انت زعقتلي وكدا كنت مضيقه ومشيا بسرعه فكنت هقع وهو مسكني واسر حس بغضب اكبر
سماح: هو انا بقولك عشان تزعل مني كدا
اسر: سماح انا بثق فيكي اكتر من نفسي وعمري مشكيت فيكي وانا مقدر احساسك بس يمكن بيتهيقلك مش اكتر
ليلي: يسيدي يسيدي وانا بقا روحت فين يسي اسر
اسر: انتي الخير والبركه يا امي
سماح: اقعدي يا طنط وانا هقوم اعمل فشار علي مالحفله تبدأ
ليلي: ماشي يا بنتي
عند تلا
نلاقيها وصلت القصر وهي في قمه عصبيتها
هاله: مالك يا تلا
تلا: مالي يعني مانا كويسه اهو
كريم: دا شكل وحده كويسه
تلا: ايه شايفني بشد في شعري
كريم: يا ستي خلاص انا غلطان حقك عليها وسابها ومشي
تلا: عايزه ايه انتي كمان
هاله: انا فتحت بوقي وكنت عايزه اقولك فيه حد بعتلك حاجه علي القصر
تلا: حد مين وحاجه ايه
هاله: معرفشي هي في اوضتك فوق اطلعي شوفيها واجهزي عشان الحفله وسابتها ومشيت
تلا: انا مش فاهمه حاجه وطلعت اوضتها وفتحت الشنطه لقت الفستان اللي عجبها في المول
تلا: هاا دا الفستان اللي عجبني واوو بس ازاي جه هنا ومين اللي جابو ودورت في الشنطه ولقت كارت وفتحتو
وائل: انا عارف ان الفستان عجبك وكنتي هتموتي عليه واول مقولتلك انو حلو حبيتي تتعصبي وتعندي معايا ومخدتهوش بس بجد هيجنن عليكي سلام يا شرسه وبعد مخلصت قراءه الكارت ابتسمت
تلا: هو ايه الهبل اللي بعملو دا وقامت عشان تجهز
ليلا في قصر الشافعي
نلاقي كل الضيوف وصلو والصحافه والكل مستني يشوف مين هي زوجت ادهم الشافعي
ادهم: تلا اطلعي هاتيها
كريم: سيبها براحتها يا عم
ادهم: خدت وقتها واكتر يلا يا تلا
تلا: حاضر وطلعت لهاله وخبطت ودخلت
تلا: اوووه ايه دا
هاله: ايه فيه ايه
تلا: ايه الجمال والشياكه دول
هاله: شكرا لذوقك يا تلا
تلا: لا انا مش بجامل والله حقيقه وعرفا اكتر حاجه بحبها فيكي ايه
هاله: ايه
تلا: عنيكي الخضره وهاله قعدت تضحك جامد
هاله: هبقي اسلفهملك
تلا: اتفقنا وكملت يلا عشان الكل وصل تحت
هاله: يلا ومشيت مع تلا وطلعت قدام الكل والكل انبهر بجمالها وانقتها وبيبصلها باعجاب والصحافه بتصور كل دا وادهم اتضايق من من بصات الناس ليها وحس بالغضب وخد ايد هاله ومسكها جامد
هاله بهمس: اااه ااه ايدي سيب ايدي
ادهم وهو بيجز علي اسنانو: اخرسي احسنلك انتي فاهمه
كريم: ايه الجمال دا كلو يا مرات اخويا وادهم اتضايق من كريم وهاله اتضيقت منو عشان كلمه مرات اخويا
تلا: ادهم يلا عشان هتتكلم
ادهم: تمام وشد ايد هاله ووقفها جمبو
ادهم: مساء الخير احب اشكركو جميعا عشان شرفتوني هنا في الحفله اللي انا عملها عشان اظهر للكل اني متجوز
واحد من الصحافه: وايه هو اسم المدام
عند اسر
اسر: ايوا عندي فضول اعرف اسمها
سماح: اتفضلي يا طنط الطبق اهو
ليلي: هاتي يا حبيبتي والطبق وقع من ايديها واتصدمت لما سمعت
ادهم وهو بجذب هاله من خصرها لحضنو: هاله ايمن العادلي والكل سقف
ليلي: مش معقول
اسر: ماما مالك يا حبيبتي فيكي ايه
سماح: طنط حضرتك كويسه وليلي بصي لصوره هاله اللي قدمها في التليفزيون باشتياق
اسر: ماما ماما
ليلي: هااا
اسر: مالك يا امي
ليلي: مفيش انا بس تعبانه شويه هدخل ارتاح واسفه يا بنتي عشان وقعت الفشار
سماح: عادي يا طنط ولا يهمك المهم ان حضرتك بخير وليلي دخلت اوضتها
اسر: انا ماشي انا بقا هبقا اجي الصبح اشوفها مالها
سماح: تمام متقلقشي عليها
اسر: تصبحي علي خير
سماح: وانت من اهلو ومشي اسر وسماح قعدت علي الكنبه واتنهدت اوووي
نروح للحفله
واحد من الضيوف: اتشرفت بحضرتك يا مدام هاله وبيمد ايدو عشان يسلم عليها وهاله ارتبكت وسلمت عليه وادهم اتضايق جدااا
نفس الشخص: ولا جمالك ميتوصفشي بسم الله ما شاء الله
ادهم بابتسامه مصطنعه: عن اذنك ومشي وجر هاله وراه ومسكها من خصرها جامد
هاله: اااه علي فكرا انت بتوجعني سيبني
ادهم: ازاي تسمحي لنفسك انك تسلمي عليه لا وكمان عمال يتغزل فيكي ايه متجوزه خروف
هاله: انا اتحرجت لما هو مد ايدو مكنشي ينفع مسلمشي
ادهم بسخريه: يا حنينه وكمل تطلعي تغيري الفستان دا حالا
وهاله بتبصلو بصدمه
ادهم: سمعتي
هاله بعند: لا مش هطلع هو انا عبيد عندك تقولي مره البسي دا ومره اقلعيه انا بقا مش هطلع
ادهم: اطلعي بدل مندمك علي اليوم اللي اتولدتي فيه اطلعي
هاله: هطلع ومش نزله تاني
ادهم: ابقي وريني كدا وهاله طلعت بسرعه اوضتها
هاله بغضب: انسان مستفز نتن يبقي هو اللي جيبلي الفستان ويقولي البسيه والبسو وبعد ملبسو يقولي اقلعيه دا باين عليه مجنون وخدت هدوم ودخلت الحمام وبعد شويه سمعت صوت حد برا
( رجاله مختار)
الشخص1: مفيش حد هنا
الشخص2: يعني ايه
الشخص1: معرفشي
الشخص2: الباشا هيموتنا لو روحنالو من غير مرات ادهم وهاله خافت لما سمعت كدا
الشخص1: هي مش في الحفله تحت اومال راحت فين
الشخص2: نستني شويه يمكن تطلع وهاله وقفه في الحمام وخايفه وبعد شويه جتلها فكرها وراحت عند شباك الحمام وفتحتو براحه واخذت تعمل اشارات للحرس اللي تحت عشان يخدو بالهم ومحدش خاد بالو لحد مجابت شاور ورمتو من الشباك والحرس بصلها وهي قعدت تعمل اشارات ليهم وهما مش فاهمين حاجه وخبطت في حاجه في الحمام وعملت صوت ورجاله مختار قعدو يخبطو علي الباب
وفجأه:

يا ترا ايه اللي حصل
ورجاله مختار هيخدو هاله ولا لا
وليه ليلي اتوترت واتصدمت لما سمعت اسم هاله
واهل ادهم اللي لسه مجبناش سيرتهم ايه اخبارهم كل دا في البارتات الجايه ان شاء الله
تفاعل وكومنتات وتصويت يلا