الحب المنتقم بقلم نورا قنصوه

البارت16

( روايه الحب المنتقم )
البارت16 بقلم نورا قنصوه
شقه ليلي وسماح
نلاقي الباب بيخبط وبيكون هاله وادهم
ليلي: حاضر وفتحت الباب
ليلي بصدمه لما شافت هاله: هاله
هاله: هو حضرتك تعرفيني
ليلي بتوتر: اه يا بنتي اعرفك مش انتي مرات ادهم الشافعي
ادهم: ايوا هي وكمل كنا عايزين نتكلم معاكو في موضوع
اسر من خلفهم: اهلا اهلا نورت يا استاذ ادهم
ادهم: شكرا وياريت تبقا ادهم بس
آسر: اه طبعا اتفضل اتفضل ودخلو جوا وادهم قابل سماح والاتنين فضلو باصين لبعض كتير
آسر: احم احم اتفضل يا ادهم اقعد وكمل سماح ادخلي انتي دلوقتي
ادهم: لا مش هينفع تدخل لان الموضوع اللي هتكلم فيه يخصها
آسر: هو حضرتك تعرفها عشان تكلم في موضوع يخصها
ادهم: ايوا سماح تبقي اختي والكل اتصدم من اللي ادهم قالو وسماح وقفه والدموع اتجمعت في عنيها
هاله: ادهم مش كدا اهدا شويه وكملت هو حضرتك انتو لقتوها قدام ملجأ ايه
ليلي: الرحمه
ادهم: قولتلك انا متأكد انها اختي
هاله: استني ممكن تكون صدفه فعشان كدا بعد اذن حضرتكو هنعمل تحليل DNA لسماح وادهم والنتيجه اللي هتحدد
آسر: واشمعنا سماح اللي شكيتو انها ممكن تكون اخت ادهم
ادهم: قولتلك متأكد مش شك
هاله: معلشي يا جماعه علي طريقتو ها قولتو ايه
سماح: موافقه والكل مشي متوجه للمعمل وآسر كان مضايق جداا
في المعمل
الدكتوره: هنسحب من حضرتكو دم والنتيجه هتبان بكرا الصبح
ادهم ببرود: هتسحبو مننا دم والنتيجه هتبان دلوقتي
الدكتوره: ايوا بس
ادهم: شوفي شغلك
الدكتوره: تمام
آسر شاف سماح شارده راح وقف جمبها
آسر: سماح
سماح: انت مش هتسيبني صح
آسر: شيلي الافكار دي من دماغك
سماح: انا حسا انو اخويا
آسر: هنعرف كل حاجه دلوقتي
وبعد شويه نتيجه التحاليل طلعت واثبتت ان بنسبه 99% ادهم وسماح اخوات
سماح: يعني انا كدا بقا ليا اهل صح قالت كدا وهي بتعيط
ليلي: ايوا يا حبيبتي ربنا حققلك امنيتك
آسر: مبروك يا قلبي
سماح: الله يبارك فيك واخذت تنظر لادهم طويلا
هاله: علي فكرا دي اختك ولسه عارف المفروض تحضنها وادهم راح ناحيتها
ادهم: من غير التحاليل والكلام الفارغ دا وانا متأكد انك اختي عشان انتي شبه ماما اووي ولما جيتي المستشفي لاسر وكنتي بتعيطي قلبي وجعني اووي ومن ساعتها وانتي في بالي
سماح: وانا كنت ديما اقول لاسر ان بحس ناحيتك بحاجه غريبه كانك من نفس دمي
ادهم: مش عايزه تيجي في حضن اخوكي وفتح دراعاتو وسماح بصت لليلي وليلي هزت راسها بنعم
وسماح حضنتو جامد وهو كمان والاتنين حسو براحه جداا وهاله وقفه مبسوطه وليلي سرحانه في ابتسامتها وآسر اللي فضلو ثانيه ويطق
آسر بغضب: مكفايه احضان بقا
ادهم: نعم فيه حاجه
آسر: اه خطيبتي وانا حر فيها
ادهم: دا قبل مخوها يظهر
آسر: يعني ايه يعني
ادهم: يعني لم نفسك بدل مفشكل الخطوبه كلها
سماح: ايه لا طبعا واتكسفت من اللي قالتو
آسر: قلبي بقا
ادهم: انت بتعاكسها قدامي وكمل بتحبيه وسماح بتهز راسها بخجل
ادهم: ربنا يخليكو لبعض يا حبيبتي
آسر: يلا بقا عشان نروح
ادهم: ايوا وسماح هتروح معايا
آسر: نعم انت بتقول ايه
ادهم: ايه اختي وهتروح معايا
آسر: لا طبعا سماح هتيجي معايا
ادهم: انت ليه محسسني انك جوزها انك مجرد خطيبها
آسر: مليش فيه بس سماح هتبات في بيتها
ادهم: عليك نور واللي هو بيتي مهو اصل بيتي يبقا بيتها
ليلي: اهدو بقا وكملت آسر ادهم بيتكلم صح
آسر: يعني موافقه انو ياخدها معاه
ليلي: يا حبيبي دي الاصول
آسر: اصول ايه طب ناخد رأي سماح ايه رأيك
سماح بتوتر: انا انا
ادهم: اهدي يا سماح ومش هناخد رأيها انا هخدها معايا ومسك ايديها ومشي وسماح كانت هتطير من الفرحه عشان حست باهتمام اخوها بيها واهتمام آسر  وركبو العربيه وهاله جت وراهم ومشيو متوجهين للصعيد
سماح بفرحه: اكيد بابا وماما هيموتو من الفرحه صح
وهاله وادهم مش بيردو
سماح: فيه ايه انتو مش بتردو عليا ليه
هاله: اصل بباكي متوفي وممتك مش موجوده دلوقتي
سماح بحزن: ماشي
وبعد عده ساعات وصلو الصعيد
ادهم: يلا انزلو
سماح: هو احنا فيه
هاله: هنا اهلك يا حبيبتي ونزلو من العربيه وسماح حست ببعض الخوف 
ادهم راح ناحيتها ومسك ايديها
ادهم: سماح اهدي انا جمبك ومحدش عمرو هيأذيكي وانا موجود وسماح ابتسمتلو براحه ودخلو السرايا ولقو الكل موجود وتوحيده وعبد الرحمن حكو للكل كل حاجه
صفيه: حمد لله على سلامتك يا حبيبي
ادهم: الله يسلمك يا صفصف
صفيه: تعالي يا حبيبتي في حضني انا عمتك صفيه وسماح استخبت ورا ادهم
ادهم: روحي يا حبيبتي متخافيش انا جمبك .سماح راحت ناحيه صفيه وحضنتها
ندي: نورتي بيتك يا وكملت اسمك ايه بجا
سماح: اسمي سماح
ندي: نورتي بيتك يا سموحه وانا اسمي ندي
شهد: فكك منيها مش هتبطل حديت ركزي معايا انا
ندي: انا برضو اللي بتحدت كتير
شهد: اه وكملت انا شهد بنت عمك احمد ودا اخوي محمود ودا آدم جوزي ابن عمتك صفيه و
ادهم: انتي مش كنتي مضروبه بالنار المفروض تبقي تعبانه مش كدا
شهد: ايه يا ابيه انت بتحسدني
ادهم: هحسدك علي اساس انو هيفرق معاكي وكمل هاله اطلعي حضري حاجتنا يلا
توحيده: ليه يا ولدي
ادهم: هنمشي بقالنا كتير قاعدين
عبد الرحمن: لحجت زهقت منينا
ادهم: العفو يا جدي بس معلشي مضطر وبعد شويه نلاقي هاله وسماح نزلين وفي ايديهم شنط
هاله: احنا جاهزين
ادهم: يلا ولسه هيخرجو لمحو ناديه وهي علي كرسي عجل
ادهم: يلا مع السلامه
ناديه: ادهم وادهم بصلها
ناديه: انا اسفه يا ولد اخوي سامحني انا كنت بحسب عاد ان بنات البندر كلياتهم وحشين وكنت مفكرا ان فعلا حنان فضحتنا بس بعد معرفت الحجيجه وشوفت مرتك وانا غيرت فكرتي عنهم
وادهم مش بيرد
ناديه بعياط: يا ولد خوي سامحني وانا اتعظت والله وربنا كبير وخد حجكو مني اهو وبجيت مشلوله ويا عالم هجف تاني علي رجلي ولا لاع
ادهم: يلا عشان لسا قدمنا سفر وخرج وسابهم
وهاله راحت ناحيه ناديه
هاله: ان شاء الله يا عمتي هتقفي علي رجليكي تاني وهتبقي احسن من الاول كمان
ناديه: بعد كل اللي عملتو فيكي وبتجوليلي اكده
هاله: ربنا غفور رحيم واذا كان ربنا بيسامح مين احنا عشان منسمحشي بعض وبعدين كل بني ادم خطاء كل واحد فينا عندو غلطات وبيغلط بس الافضل بقا اللي يشوف يغلطو ويندم عليه وميكررهوش تاني
ناديه: ربنا يبارك فيكي يا بتي
هاله: يلا مع السلامة
توحيده: في حفظ الله ومشيو متوجهين للقاهره وبعد عده ساعات نلاقيهم وصلو القاهره ودخلو القصر وكان الوقت متأخر
ادهم: نورتي بيتك يا سماح
سماح بخجل: شكرا
هاله: بصي هو فيه كريم وتلا وآيه عايشين هنا معانا بس زي مانتي شايفه الوقت اتأخر وزمانهم في سابع نومه تعالي هطلعك اوضتك وبكرا تتعرفي عليهم
سماح: ماشي وطلعوا فوق
ادهم: ودلوقتي بقا نبدأ الشغل المظبوط ونهيتك قربت يا ايمن انت والكلب بتاعك وهاخد حق ابويا وامي منكو وطلع هو كمان نام
صباح اليوم التالي
استيقظت هاله وقامت بنشاطها المعتاد ونزلت للاسفل ولقت ادهم وكريم وتلا وآيه وآيه جريت علي هاله وحضنتها جامد
آيه: هااااله حياتي
هاله: يخربيتك هتموتيني
آيه: وحشتيني جداا
هاله: وانتي كمان انا متعودتش ابعد عنك دا كلو
آيه: يلا اديكي رجعتي وهتفضلي معايا ديما
هاله: اكيد طبعا يا ام الكآبه ونقعد بقا وتشجينا بقصصك الحلوه
آيه وهي بتضربها بخفه علي كتفها: خلاص يا حياتي ويلا عشان تاكلي
هاله: يلا وكملت ازيك يا كريم
كريم: كويس يا ملكه
هاله: ملكه ملكه مين
كريم: مش عارف هي جات كدا بقا
هاله: والله وحشني هبلك
كريم: المفروض افرح ولا ازعل
هاله: يا بني دي شهاده انت تعتز بيها وكملت عمله ايه يا تلا ونلاقي تلا شارده بذهنها
هاله: تلا تلا
تلا: ها ازيك يا هاله عمله ايه
هاله: تمام مالك يا تلا
تلا: لا مفيش تعبانه شويه وهطلع ارتاح ونزلت سماح
سماح بتوتر: صباح الخير
ادهم: تعالي يا حبيبتي صباح النور وكمل نمتي كويس
سماح: اه وادهم عرفهم علي بعض وقعدو يتكلمو مع بعض وبعد شويه نلاقي ليلي وآسر دخلو القصر وسماح جريت عليهم
سماح: طنط وحشتيني اوووي
ليلي: انتي اكتر يا حبيبتي
آسر: وبالنسبه ليا موحشتكيش
ادهم: احم احم اتفضل يا آسر اتفضلو ودخلو وقعدو مع بعض
ليلي: ازيك يا هاله
هاله: الحمد لله ازي حضرتك
ليلي: بخير يا حبيبتي
سماح: صحيح يا هاله اومال اهلك فين
والكل اتوتر من سؤال سماح وسماح حست بتوترهم
سماح: هو انا قولت حاجه غلط
هاله: لا يا سماح مقولتيش حاجه غلط بصي يا ستي انا معنديش غير اب وام
سماح: ربنا يخلهملك واكيد هتعرفيني عليهم
هاله: مش لما اتعرف عليهم انا الاول
سماح: يعني ايه
هاله: يعني ايمن بيه ابويا انا معرفشي طريقو فين ولا انا اصلا افرق معاه وامي برضو معرفشي هي فين ولا شكلها ايه معرفشي اي حاجه عنها غير اسمها
وليلي قلبها وجعها بسبب كلام هاله
سماح: انا آسفه لو كنت ضيقتك
هاله: لا عادي ولا يهمك عن اذنكو ولسه هتمشي
ليلي: انا امك يا بنتي
والكل قام وقف

يا ترا ايه اللي هيحصل
وايه رد فعل هاله
وادهم هيعمل ايه مع مختار وايمن
وتلا هتوافق علي عرض وائل ولا لا كل دا في البارتات الجايه ان شاء الله
تفاعل وكومنتات وتصويت يلا