الحب المنتقم بقلم نورا قنصوه

البارت10

( روايه الحب المنتقم )
البارت10 بقلم نورا قنصوه
ورجاله مختار( سمير وكرم) قعدو يخبطو علي الباب وحاولو يفتحوه لقوه مقفول من جوا وحاولو يكسرو فيه لحد منكسر
في الاسفل
ادهم: دا كلو بتغيري الفستان ماشي يا هاله
كريم: اهدا يا ادهم زمانها نزله وواحد من الحرس راح عليهم
ادهم: فيه ايه
الحرس: في حركه غريبه في اوضه المدام فوق
كريم: يعني ايه حركه غريبه
الحرس: مش عارف والله يا فندم وادهم وكريم طلعو جري ولسه هيدخلو سمعو
هاله: انتو عايزين مني ايه وواحد من رجاله مختار راح ناحيتها ومسكها من طرحتها جامد
هاله: اااااه سيبني ابعد عني
سمير: اخرسي اخرسي احسنلك
كرم: تعالي معانا بشويش بدل متبقا مجزره
قدام الاوضه
ادهم: كريم اسمع انت هتدخلهم وتكلم معاهم وتحاول تعطلهم وانا هتصرف فاهم
كريم: فاهم وادهم نزل جري وكريم دخل الاوضه
كريم بخضه: هااااله وسمير مسك دراعها جامد ولفو ورا ضهرها وحط سكينه علي رقبتها
هاله بتأوه: ااااه وكريم لسه هيتحرك
سمير: مكانك رايح فين
كريم: سيبوها وخدو اللي انتو عايزينو
كرم: والكبير عايزها هي
كريم: انتو مش هتخرجو من هنا
سمير: تمام منخرجشي بس هقتلها قدامكو
وهاله حست بخوف
عند ادهم نلاقيه بعد منزل خرج من القصر وطلع لاوضه هاله ودخل البلكونه براحه وكريم شافو وادهم شاورلو انو يسكت
سمير: خلينا نخرج بشويش ولم يكمل كلامو وادهم مسك ايدو اللي فيها سكينه وحطها علي رقبتو هو وهاله بعدت عنو
ادهم: خليك مكانك بدل مصاحبك دا يوحشك وكمل كريم خد امسكو وراح هو ناحيه كرم وقعد يضرب فيه
ادهم: مين اللي بعتك
كرم: مش هتكلم مش هتكلم وادهم ضربو تاني
كرم بتأوه: ااه برضو مش هتكلم
ادهم: ماشي وطلع مسدسو وضرب سمير بالنار وقتلو وهاله وقفه مصدومه وخايفه
ادهم: هتكلم ولا تحصلو
كرم بخوف: مخ مختار مختار الدميري وادهم قتلو هو كمان وهاله مش مصدقه اللي حصل
ادهم: ارمي الحيوانات دول قدام بيت مختار واكتبلو حسابك تقل انت وصاحبك والمره الجايه ابقي ابعت رجاله وكريم بعت للحرس وجهم خدوهم ومشيو كل دا وهاله وقفه بصا للدم ومش مستوعبه ولسه ادهم هيقرب منها
هاله بانهيار: متقربشي متقربشي خليك بعيد دم فيه دم انت قتلتو قتلتو انت مجرم ابعد عني ابعد وسقطت مغشي عليها وادهم راح ناحيتها وشالها ووداها اوضتو ودخلها الحمام وفتح عليها الدوش وبعد شويه قفلو وحطها علي السرير وغيرها هدومها ونيمها علي السرير وهو فضل قاعد علي الكرسي قدامها
في الاسفل
كريم: انا بعتذر بالنيابه عن ادهم بس المدام هاله تعبت شويه وهي بترتاح دلوقتي وادهم هيفضل جامبها
واحد من الصحافه: بس كان فيه صوت ضرب نار
كريم: مفتكرشي او يمكن الحرس برا حصل مشكله او حاجه بس احنا مضطرين نلغي الحفله وبعد كدا الكل مشي وكريم حكي لتلا عن اللي حصل وطلعو نامو
صباح اليوم التالي
عند آسر
اسر: صباح الخير يا سماح ماما كويسه
سماح: صباح النور ادخل يلا هي صاحيه اقعد معاها علي محط الفطار علي السفره
اسر: صباح الخير يا ست الكل
ليلي: صباح الخير يا حبيبي
اسر: عمله ايه دلوقتي
ليلي: يا حبيبي انا بخير متقلشي
سماح: يلا يجماعه الفطار جاهز
وراحو قعدو علي السفره
ليلي في سرها: انا لازم اروحلها واقولها كل حاجه لازم تعرف الحقيقه والسر اللي كنت مخبياه جه وقتو انو يطلع
اسر: انا كنت عايز بقا نتفق علي ميعاد الفرح
سماح: بالسرعه دي
اسر: وليه التاجيل بس مكل حاجه جاهزه مش فاضل غير اننا يتقفل علينا باب واحد
وسماح اتكسفت ونزلت عيونها في الارض
اسر: ولا ايه رايك يماما
ليلي: ………
وسماح واسر استغربو
اسر: ماما ماما وسماح هزت كتفها براحه
ليلي: هاااا فيه ايه
سماح: اسر كان بيكلم حضرتك
ليلي: خير فيه ايه
اسر: مالك يماما فيه ايه
ليلي: انا مالي بس يا حبيبي منا كويسه اهو بس سرحت شويه
اسر: ماما انتي مخبيه عليا حاجه
وليلي ارتبكت من سؤالو
ليلي بارتباك: وانا هخبي عليك ايه يعني
اسر: يمكن وكمل كنت بقول ان احنا عايزين نحدد ميعاد الفرح
ليلي: بجد مبروك يا حبيبي ربنا يرزقكو بالذريه الصالحه ان شاء الله
اسر: ان شاء الله يا حبيبتي
ليلي: انا هقوم اروح مشوار ومن فضلكو محدش يسالني رايحه فين وسابتهم ومشيت متوجهه لقصر الشافعي واسر وسماح بصو لبعض باستغراب
في قصر الشافعي
نلاقي هاله لسه نايمه وادهم ماسك ايديها وحاطط راسو علي السرير وهاله صحيت واتخضت لما شفتو وقامت مفزوعه وادهم صحي هو كمان
هاله وهي بتبص حواليها: انا ايه اللي جبني هنا
ادهم: انا اللي جبتك هنا
هاله وافتكرت اللي حصل امبارح
هاله: انا عايزه امشي من هنا سيبني بقا انت كنت متجوزني عشان تنتقم من ابويا وبعد معرفت انو مش بيطقني اصلا المفروض تطلقني
ادهم متجاهل كل كلامها: قومي حضره شنطه هدومك هنسافر
وهاله قامت من السرير بعصبيه ولسه هتتكلم شافت هدومها واستغربت عشان مكنتشي لبسه كدا
هاله: مين اللي عمل كدا وبتشاور علي هدومها
ادهم: انا وهاله اتصدمت وحطت ايديها علي بوقها
هاله: انت انسان مهزق ازاي تعمل كدا وادهم صفعها علي وشها
ادهم: عشان تبقي تعرفي تكلمي بادب مع ادهم الشافعي وحكايه انا ازاي عملت كدا انا جوزك ويحقلي اعمل اكتر من كدا وكمل قومي حضري شنطه هدومك عشان هنسافر في ظرف نص ساعه الاقيكي جاهزه وسابها وخرج
هاله: ماشي يا نتن يا انا يا انت وقامت وراحت اوضتها عشان تجهز
عند آيه
نلاقيها صحيت وعملت نشاطها المعتاد وخرجت من اوضتها ومشيه زي التايهه لحد منزلت لاسفل
كريم: صباح الجمال والحلاوه
آيه: نعم انت بتكلمني انا
كريم: ايه بعبر عن رأيي
آيه: بص يا حياتي واسمعني كويس انت تحترم نفسك وانت بتتكلم معايا وتتكلم بأدب ويستحسن متكلمنيش خالص فاهم
كريم: حاضر يا ابله حاجه تاني
آيه: خفه وكملت كنت عايزه هاله
كريم: انتي لسه مسلمتيش عليها
آيه باستغراب: ليه
كريم: اصلها مسافره الصعيد
ولسه آيه هتتكلم شافت هاله وادهم نازلين والخدم نازل وراهم بشنط سفر وآيه جريت علي هاله بسرعه
آيه: انتي كويسه فيكي حاجه
هاله: متقلقيش يا قلبي انتي عمله ايه
آيه: الحمد لله وكمل انتي فعلا مسافره
هاله: اه مسافره
آيه: يعني انا لما اجي يا هاله واشوفك انتي تسافري
هاله: معلشي ربنا ياخد اللي كان السبب وبتبص لادهم وادهم بيجز علي اسنانو وماسك نفسو بالعافيه
ادهم: يلا عشان منتأخرشي
كريم: ايه يا ابو الهول محسسني انك مسافر بالطياره انت مسافر بعربيتك يعني براحتك
ادهم: اخرس انت
آيه: انا هرجع بيتي واول مترجعي كلميني علي طول
وكريم اتخض لما سمعها بتقول انها هترجع بيتها
هاله: خليكي هنا يا آيه هترجعي ليه وهتعيشي لوحدك وانا باذن الله مش هطول يعني
آيه: ازاي يعني يا هاله عايزاني اقعد مع الشخص دا لوحدنا وبتبص علي كريم
كريم: اسمي كريم علي فكرا
آيه: اخرس يا زفت واستوعبت هي قالت ايه وحطت ايديها علي بوقها وكريم بيبصلها بغضب وهاله اتكلمت بسرعه
هاله: لا يا حبيبتي تلا قاعده هنا يعني مش انتو لوحدكو بليز يا آيه انا هبقي مطمنه عليكي هنا اكتر
آيه: ماشي يا حياتي وسلمو علي بعض وحضنو بعض جامد
ادهم: لو خلصتو يلا بقا وادهم خرج
هاله: نتن وكملت بهمس لكريم: ملكشي دعوه بالبت
كريم: انا غلبان
هاله: انت هتقولي وسابتو ومشيت وركبت العربيه مع ادهم
وآيه لسه هتطلع من القصر
كريم: خير ان شاء الله
آيه: فيه حاجه
كريم: رايحه فين
آيه: رايحه وكملت انت مالك انت كنت ابويا ولا اخويا ولا خطيبي ولا جوزي
كريم: مش هتقولي راحه فين يبقي مفيش خروج
آيه: ليه ان شاء الله هتحبسني
كريم: فسريها زي منتي عايزه
آيه: اوووف رايحه اجيب هدومي عندك مانع
كريم: اتفضلي هاجي معاكي
آيه: انت بتتحكم فيا كدا ليه انت فاكر نفسك مين
كريم ببرود: انا كريم
آيه بقرف: حصلنا الرعب وكملت انا هروح اجيب هدومي وملكشي دعوه بيا فاهم ومرواح مش هروح معاك ومشيت ركبت عربيتها وكريم ركب عربيتو ومشي وراها وهي شافتو
آيه: ايه الواد التنح دا
في قصر الشافعي
نلاقي تلا قاعده في اوضتها وقعدا علي السرير وبصا للسقف وسرحانه وبتبتسم وجه في بالها وائل
تلا: هو انا ليه لما بفتكرو بحس بضربات قلبي بتزيد وبفرح كداا وكملت لا لا تلا اعقلي وبلاش شغل عيال
تلا: انا عايزه اشوفو انا هقوم وهرحلو الجامعه واللي يحصل يحصل وقامت ونزلت ولسه هتخرج من القصر شافت ليلي
تلا: خير حضرتك عايزه حاجه
ليلي بتوتر: كنت عايزه اقابل ادهم وهاله
تلا: هو حضرتك تعرفيهم او فيه ميعاد
ليلي: لا مفيش ميعاد بس موضوع شخصي
تلا: اه بس للاسف ادهم وهاله سافرو من شويه
ليلي: سافرو راحو فين
تلا: راحو عند اهل ادهم
ليلي: طيب هيرجعو امتي
تلا:لا والله مش عارفه
ليلي: ماشي شكرا يا بنتي ومشيت وهي زعلانه وتلا ركبت عربيتها ومشيت متوجهه للجامعه
عند ادهم وهاله
نلاقي ادهم سايق العربيه وهاله قاعده في الكرسي المجاور ليه وبص الناحيه التانيه والصمت بيعم المكان وفجأه ادهم يقف وهاله بتبصلو باستغراب
ادهم: هنزل اجيبلك حاجه تكليها وعصير انا لسه شويه علي منوصل
هاله: لا شكرا مش عاوزه
ادهم: هو ايه اللي مش عاوزه الطريق طويل وممكن تتعبي
هاله: قولت مش عاوزه يبقي مش عاوزه هو بالعافيه
ادهم: عنك مطفحتي وساق العربيه تاني وهاله بصتلو بغضب وديرت وشها الناحيه التانيه
في الجامعه
نلاقي تلا وصلت ونزلت من العربيه وقعدت تدور علي وائل
تلا: اووف الاقيه فين دا ولقت حد بيخبط علي كتفها بتبص وراها لقت وائل واتوترت لما شافتو
وائل: اهلا يا تلا بتعملي ايه هنا
تلا: ها
وائل: ايه روحتي فين بقولك بتعملي ايه هنا
تلا: انا انا كنت جايه لآيه
وائل: بس ايه مجتشي النهارده
تلا بغضب: وانت اش عرفك انها مجتشي بقا
وائل بفرحه داخليه: عشان معندهاش محاضرات النارده وكمل جايه ليه بقا
تلا بتفكير: بص انا كنت جايا ادفعلك حق الفستان
وائل: متقولي اني وحشتك وجايا تشوفيني
وتلا اتصدمت من جرأتو
تلا: انت انسان قليل الادب وسابتو ومشيت
وائل: مجنونه
بعد عده ساعات
نلاقي ادهم وهاله وصلو ( دا انتي هتشوفي ايام عنب يا هاله هههه)

يا ترا ايه اللي هيحصل
واهل ادهم هيرحبو بهاله ولا لا
وايه السر بتاع ليلي
وكل دا ومعرفناش ايمن قتل ام ادهم وابوه ليه كل دا في البارتات الجايه ان شاء الله
تفاعل وكومنتات وتصويت يلا