الحب المنتقم بقلم نورا قنصوه

البارت3

( روايه الحب المنتقم )
البارت3 بقلمي نورا قنصوه
هاله باستغراب: مين حضرتك
كريم: انا كريم الهاشمي
هاله: خير فيه حاجه
كريم: كنت عايز حضرتك تيجي معايا شويه البيه عايزك
هاله: اجي معاك فين وبيه مين وانت بتكلم مين اصلا
كريم: بكلم حضرتك هتيجي معايا نروحلو
هاله: بقولك ايه انا مش عارفه انت عايز ايه وتعرفني منين اصلا ومعلومه ليك انا مليش بهوات هو بيه اه بس عليك انت واللي زيك مش عليا انا وطالما هو اللي عوزني يبقا هو اللي يجيلي وقفلت في وشو وكريم واقف مصدوم وفاتح بقو
هاله: اهبل دا ولا ايه وكمل اما روح اكمل الروايه
عند ليلي
نلاقي الباب بيخبط
ليلي من المطبخ: سماح سماح افتحي الباب يا حبيبتي شوفي مين
سماح: حاضر يا طنط وراحت فتحت ولقت اسر واقف قدام الباب وساند علي الحيطه ومرسوم علي وشو ابتسامه جميله
اسر: صباح الخير يا حبيبتي
سماح بخجل: صباح النور اتفضل ودخلو قعدو علي السفره وعيون اسر متشلتشي من علي سماح
سماح بتوتر: انا هروح اساعد طنط وراحت جري واسر فضل يضحك علي طفولتها
ليلي: مالك يا حبيبتي
سماح: مفيش يا طنط انا قولت اجي اساعد حضرتك
ليلي: انا اصلا خلصت يا حبيبتي يلا نحط الاكل علي السفره
علي السفره
ليلي: مالك يا اسر مبسوط يعني
اسر: ايه يا ماما عايزاني ازعل يعني
ليلي: لا يا حبيبي يارب تفضل مبسوط ديما بس حبا اعرف ايه اللي بسطك
اسر: مش هتصدقي يماما اشتغلت في اكبر الشركات اللي هنا
سماح: بجد شركه ايه
اسر: شركه الشافعي وايه كمان مدير الحسابات
سماح وليلي: مبروك
اسر: الله يبارك فيكو وبعد كدا قعدو يفطرو
في الجامعه
بعد المحاضره مخلصت وائل كان عايز يتكلم مع آيه بأي شكل
وائل: انسه آيه
آيه: خير يا دكتور
وائل: احم اومال صحبتك اللي بتبقا معاكي ديما فين
آيه: مجتشي اصلها تعبانه شويه
وائل: اه الف سلامه وكمل انا كنت عايز اتكلم معاكي شويه
آيه: بخصوص ايه
وائل: موضوع شخصي
آيه: طلب حضرتك مرفوض
وائل: ينفع اعرف ليه فيه حد تاني في حياتك
آيه: لا مفيش حد في حياتي انا مش موافقه عن اذن حضرتك ومشيت آيه وهي بتعيط
عند ادهم
نلاقي التليفون بيرن
ادهم: ها عملت ايه
كريم: مرضيتش
ادهم: مش فاهم يعني ايه مرضيتشي
كريم حكالو اللي عملو
ادهم: انت متخلف يا كريم رايح لواحده اول مره تشوفك وتشوفها وتقولها تعالي معايا وبعدين انا قولتلك اخطفها
كريم: ايه يا عم اومال اعمل ايه وبعدين ايه اخطفها دي انت شايفني مجرم
ادهم: كريم نفذ اللي هقولك عليه بالحرف الواحد انت فاهم
كريم: تمام قول
ادهم: ………
كريم بصدمه: ينهارز
ادهم: زي مقولتلك سلام
عند ليلي
نلاقي سماح شارده
اسر: سماح سماح وراح هز كتفها
سماح: هاا
ليلي: لا دا انتي مش معانا خالص
سماح: لا معاكو بس سرحت شويه
اسر: مالك يا حبيبتي فيه ايه
سماح بابتسامه: مفيش والله انا كويسه
اسر: سماح انا بحظرك لو مخبيه عليا حاجه قولي عشان انا مش بكره في حياتي قد الكدب وليلي اول مسمعت كلام ابنها خافت واتوترت
ليلي: انا هقوم اعمل شاي وقامت ليلي
سماح: مالك يا اسر متكبرشي الموضوع انا بس كنت بفكر في اهلي وكدا وان انت ممكن تسيبني عشان مليش اهل
اسر: ايه اللي انتي بتقوليه دا انتي كل حياتي انا مقدرشي اعيش من غيرك ومتفكريش كدا تاني فاهمه
سماح: فاهمه
ليلي وهي في المطبخ: اهدي يا ليلي اهدي مش لازم حد يعرف هو صعب عليكي بس انا مقدرشي اتخلي عن ابني ولو عرف ان وكملت بسرعه لا لا مش هيعرف وراحت عليهم
عند هاله
هاله: خلاص بقا يا آيه والله جايه جايه
آيه: بقالك سعتين بتقولي جايه
هاله: عرفا انتي لو بطلتي زن عليا هاجي بسرعه
آيه: يعني طلعت انا اللي غلطانه في الاخر
هاله: اه واقفلي بقا عشان انا خرجا
آيه: سلام يا اختي وقفلت معاها وهاله خرجت وفتحت الباب ولقت مختار في وشها
هاله بقرف: بابا مش موجود
مختار: منا عارف انو مش موجود
هاله: اومال جاي ليه
مختار وهو بيتفحص جسمها بجرأه: جايلك انتي
هاله: وجايلي ليه ان شاء الله
مختار وهو بيقرب منها ومسك خصرها بطريقه مقرفه: عايزك يا قمر
هاله وبتحاول تبعدو عنها: ابعد عني ابعد وداست علي رجلو بجزمتها
مختار: اااه يا بنت***
وهاله صفعتو علي وشو بقوه
هاله: انسان قذر مقرف وخرجت من القصر بسرعه وركبت عربيتها وساقت بسرعه ووقفت في الطريق
هاله: ماما انا محتجالك قووووي ليه سبتيني ليه مخدتنيش معاكي اتخليتي عني ليه يماما ليه حرمتيني منك وسبتيني مع الناس المقرفه دي وبعد شويه هديت ولسه هتسوق عربيتها لقت عربيتين بيعترضو طريقها
هاله: ايه دا فيه ايه
واحد من الحرس وموجه عليها السلاح: انزلي
هاله بقوه: انتو مين وعايزين مني ايه
الحرس: بقولك انزلي
هاله: ابعدو عني احسن هصوت والم الناس عليكو
وواحد من الحرس راح وفتح الباب ونزلها بقوه
هاله بصريخ: ابعد عني يا حيوان ابعد عني وبتضرب فيه
واحد من الحرس: اخرسي بقا ومتتعبناش معاكي وبيسحبها من ايديها وهاله عضتو بقوه
الحرس: ااااااه يا بنت العضاضه وساب ايديها ولسه هتجري واحد تاني مسك ايديها وضربتو بالقلم بقوه
وكريم نزل من عرببتو وحط مخدر علي منديل وحطو علي وشها وهاله فقدت الوعي
كريم: يخربيتك شرسه وانا اللي كنت خايف عليكي من ادهم دانا اخاف عليه هو دلوقتي وشالها ومشي متوجه للقصر
في شركه الشافعي
ادهم: الو
كريم: كلو تمام يا ادهم
ادهم: حطها في البدروم واربطها كويس انت فاهم وانا شويه وجاي
كريم: ماشي يا سيدي اما نشوف اخرتها
ادهم: اخرتها هحرق قلبو عليها سلام وقفل السكه
ونلاقي الباب بيخبط
ادهم: ادخل
ميرفت: الموظف الجديد وصل يا فندم
ادهم: دخليه
ميرفت: امرك يا فندم وخرجت وبعد شويه دخل اسر
اسر: اهلا يا فندم
ادهم: اهلا بيك يا
اسر: اسر يا فندم
ادهم: اهلا يا اسر انت دقيق في مواعيدك اهو ودي بدايه حلوه
اسر: طبعا يا فندم
ادهم: ياريت بقا نفضل كدا ديما مش اول يومين بس
اسر: ان شاء الله هكون عند حين ظن حضرتك
ادهم: ان شاء الله ملفك كويس جداا وباين عليك انك شاطر في شغلك فعشان كدا انا مش هحطك تحت تدريب وهتستلم الشغل علي طول
اسر: شكرا يا فندم وادهم ضغط علي الزرار واستدعي ميرفت
ميرفت: خير يا فندم
ادهم: هتخدي اسر علي مكتب مدير الحسابات وهتفهميه كل حاجه
ميرفت: امرك يا فندم
اسر: عن اذن حضرتك وخرج من المكتب هو وميرفت وبعد شويه خرج ادهم مشي متوجه للقصر
في قصر العادلي
ايمن وصل القصر ولقي مختار هناك
ايمن: مختار ايه اللي جابك
مختار: احنا مش فيه بينا ميعاد
ايمن: ميعادنا لسه كمان ساعه وانت عارف ان انا مش موجود
مختار: اهو اللي حصل
ايمن: اومال العاهره فين
مختار: خرجت
ايمن: خرجت ماشي لما تجيلي ان موريتك وكمل كنت عايز ايه
مختار: هنعمل ايه مع ادهم الشافعي دا
ايمن: لسه مش عارف بفكر لسه
مختار: يعني ايه مش عارف
ايمن: يعني مش عارف مش لقيلو نقطه ضعف نمسكو بيها
مختار: لازم نتصرف في اسرع وقت قبل مهو يتصرف معانا
ايمن: قريب قريب اوووي
في قصر الشافعي
ادهم وصل ونزل من سيارتو ومشي بكل هيبه ودخل القصر
ادهم: كريم كريم
كريم: ايه يا عم انا قدامك اهو
ادهم: هي فين
كريم: في البدروم زي مقولتلي وكمل دي صعبه اووي يا عم يعني قفلت في وشي الباب وعضت واحد من الحرس وضربت واحد تاني بالقلم ايه دا جبروت
ادهم بسخريه: بنت ايمن العادلي عايزها تبقي ايه اكيد مجرمه شبهو ونزل البدروم ودخل ولقاها لسه فقدا الوعي
ادهم: اهلا بيكي في مملكه الشافعي وخد دلو من الماء ورماه عليها
هاله بفزع: هااااه وافتكرت كل اللي حصلها وخافت وبصت حواليها ولقت ادهم قدامها
هاله بقوه: انا فين وانت مين وعايز مني ايه
ادهم: ايه دا مش عرفاني
هاله بسخريه: وانا اعرفك ليه كنت رئيس جمهوريه
ادهم: اه انتي لسانك طويل كمان
هاله: مسمحلكشي اتكلم معايا بادب
ادهم: ادب اه ونزل لمستواها وسند علي ركبتو وكمل: الادب دا انا اللي هعلمهولك يا بنت العادلي
هاله: انا مؤدبه غصب عنك وغصب عن اي حد ومش علي أخر الزمن عيل زيك هو اللي هيعلمني الادب
وادهم صفعها علي وشها بقوه
هاله: اااه انت اتجننت ازاي تعمل كدا
ادهم: انا هوريكي العيل دا هيعمل ايه وفك الحزام ولفو حولين ايديه ونزل علي هاله ضرب وعنيه كانت بتطلع شرار وبيفكر مشهد ابوه وامو وبيزود الضرب لحد مفقدت وعيها تاني وخرج وسابها
كريم: ادهم انت عملت ايه
ادهم: متدخلشي انت
كريم: هو ايه اللي متدخلشي لا هتدخل يا ادهم عشان انت صاحبي وبعدين البنت كانت بتصوت
ادهم: كريم ملكشي فيه وعيزك تنفذ اللي هقولك عليه
ادهم: …………
كريم بصدمه: مستحيل مستحيل
ادهم: مفيش حاجه مستحيله علي ادهم الشافعي وطلع اضتو واخد شاور وخرج وقعد علي السرير
وعمال يفكر فيها واتضايق من نفسو عشان سمح لنفسو انو يفكر فيها ونام
عند آيه
آيه: دا كلو يا هاله في الطريق مش عرفا اتأخرت ليه وقعدت ترن عليها التليفون مغلق
آيه: اوووف ماشي يا هاله اما اشوف خلقتك وراحت قعدت علي الكنبه وغلبها النوم ونامت مكانها
صباح اليوم التالي
استيقظ ادهم بنشاط علي عكس العاده واخد شاور ولبس هدومو من غرفه الملابس الملحقه بغرفتو وصفف شعرو ورش من برفانو المفضل ونزل لاسفل وشاف كريم بيشرب قهوتو
ادهم: عملت ايه
كريم: الناس تقول صباح الخير مش عملت ايه
ادهم: كريم اخلص
كريم: ماشي يا ادهم وادالو ورقه وقالو كلو تمام
ادهم: تمام جداا ونزل البدروم وجاب دلو من الماء ورشو علي هاله
هاله: ااااه جسمي جسمي بيوجعني
ادهم بسخريه: صباح الخير يا زوجتي العزيره
هاله بصدمه:

يا ترا ايه اللي هيحصل
وادهم اتجوز هاله ازاي
وايه رد فعل هاله
وايه السر اللي ليلي مخبياه
وايمن ومختار هيعملو ايه كل دا في البارتات الجايه ان شاء الله
يلا تفاعل وكومنتات وتصويت