الحب المنتقم بقلم نورا قنصوه

البارت15

( روايه الحب المنتقم )
البارت15 بقلم نورا قنصوه
ادهم: فيه ايه وسر ايه دا
توحيده: امك واختك عايشين يا ادهم
وادهم وهاله اتصدمو
ادهم بصدمه: نعم ام مين واخت مين انا مش فاهم حاجه
عبد الرحمن: امك لستها عايشه يا ولدي وانت ليك اخت بس معرفينش عنها حاجه
ادهم بعصبيه: ازاي وانا شايف امي وهي مقتوله ازاي واخت ايه فهموني
توحيده: اهدي يا ولدي مش اكده
ادهم: اهدا ايه انا لازم افهم كل حاجه
عبد الرحمن: هحكيلك يا ولدي
عبد الرحمن: ابوك لما نزل مصر شاف امك وحبو بعض وكان عايز يتجدملها فجه وجالي انو بيحب واحده من بنات البندر وعايز يتجوزها بس انا رفضت وجولتلو هتاخد واحده من اهنه عرفا عوايدنا وتقالدنا بس ابوك مستسلمشي وفضل يلح عليا هو من ناحيه وجدتك من ناحيه وعمتك صفيه من ناحيه لحد موفجت واتجوزو وبحج ربنا امك كانت اخلاق وتربيه وعمرها مزعلت حد اهنه بالرغم من غلاسه ناديه عليها لحد مجه اليوم اياه
فلاش باااااك
في السرايا
نلاقي الكل قاعد ومبسوطين
حنان( ام ادهم): يا بني حرام عليك متتعبنيش معاك تعالا كل
ادهم: مش جعان يماما انا مشغول
رافت( والد ادهم): مشغول ايه ياض دا وانا جدك كنت بلعب في الشارع
ادهم: الزمن غير الزمن يبابا والكل ضحك عليه
عبد الرحمن: مشغول فيه ايه بجا يا سيدي
ادهم: بقرأ كتاب يا جدو بيتكلم ذوقيات الافعال
توحيده: وايه هي ذوقيات الافعال يا ولدي
ادهم: حاجات كتير منها ان اوطي صوتي وانا بتكلم ولما ازور مريض مطولشي واخبط علي الباب براحه ومعملشي زي العيال البردا واخبي العين السحريه بايدي واللي بيتاخد بالحياء حرام وحاجات كتير اووي
صفيه: ربنا يبارك فيك يا حبيبي
ادهم: شكرا يا صفصف يلا سلام هروح اكمل قراءه
ناديه بهمس: عيل ابن امو
عبد الرحمن: مش طالعلك الواد دا يا رافت
رأفت: الحمد لله يا ابوي
حنان: عن اذنكو يجماعه
توحيده: علي فين يا بتي
حنان: هرتاح شويه يماما حسا بشويه دوخه
رأفت: تعالي نروح نكشف يا جلبي
حنان: انا تمام متقلقشي هرتاح شويه وخلاص
رأفت بغمزه: مش عايزه اي مساعده مني
حنان بغضب: بطل يا رافت وطلعت وهي بتضحك
ناديه: انا طلعه انا كمان
عند حنان
دخلت اوضتها ولسه هتروح ناحيه السرير نلاقي ايمن رش مخدر علي وشها وحنان حست بدوخه ومش قادره تقف علي رجليها وايمن راح ناحيتها وحطها علي السرير وغيرها هدومها لهدوم نوم
أيمن بشر: عشان تبقي تعرف يا رافت تعلي صوتك عليا وتمرمط بكرامه اهلي الارض وكمل لازم اخلي قلبك يتكسر واحرق قلبك عليها وراح نام جمبها
وناديه وهي طلعه اوضتها سمعت صوت غريب من اوضه حنان ورافت
ناديه: ايه الصوت دا انا الفار بيلعب في عبي انا لازم اشوف فيه ايه ودخلت واتصدمت لما لقت حنان نيمه في حضن واحد غريب
ناديه: يا حزن الحزن اتفضخنا ولسه هتصوت نلاقي ايمن قام بسرعه وكتم نفسها
ايمن: اخرسي اخرسي انا همشي واياكي تفتحي بوقك لحد ممشي ولو فتحتيه هقتلك وابقي قولي لرافت مراتك كانت نيمه في حضن ايمن العادلي ومشي بسرعه
ناديه: ابوي ابوي الحج يا بوي والكل طلع علي صوت ناديه
رافت: فيه ايه
ناديه: مشي من اهنه وبتشاور علي البلكونه ورافت راح ناحيه البلكونه وشاف حد بيجري
رافت: مين دا وايه اللي حوصل
وناديه حكتلهم اللي شافتو
توحيده: يا مصيبتي
رأفت: ابن الكلب
ناديه: لازم تغسل عارك يخوي
رأفت: هجتلو هجتلو
ناديه: وتجتلها هي كومان
رأفت: ناديه اجفلي خشمك دا انا مرتي اشرف من الشرف وانتي شايفه بعينك انها متخدره
ناديه: متخدره ممتخدراشي نامت في حضن راجل غريب
عبد الرحمن: بكفياكي حديتك الماسخ دا وكمل رأفت تعالا معايا وراح اوضه المكتب هو ورافت وتوحيده
رأفت: ابوي حنان بتحبني وعمرها متخوني
عبد الرحمن: عارف يا ولدي عارف
توحيده: وايه الحل دلوجتي
عبدا لرحمن: تجتل مرتك
رأفت: مستحيل مستحيل
عبد الرحمن: اهدي يا ولدي واسمعني
رأفت: اسمع ايه حضرتك عايزني اجتل مرتي
عبد الرحمن: دا اللي هيشفوه اخواتك
رأفت: مش فاهم
عبد الرحمن: هتمثل انك جتلتها وتاخدها وهي سيحا في دمها وتعيشو بعاد عن اهنه وانا وامك هيبجا عندنا خبر عشان احنا واثقين في مرتك بس اخواتك هيديجوها في الكلام
رأفت: هعمل اي حاجه المهم اني اكون مع حنان
توحيده: ربنا يخليكو لبعض يا ضنايا
عبد الرحمن: يلا نفذ وهرجو من اوضه المكتب
ناديه: ها هتعمل ايه
عبد الرحمن: طبعا لازم يغسل عارو ولو مجتلتهاش انا اللي هجتلها وهتبرا منك
صفيه: ابوي
عبد الرحمن: مش عايز اسمع حاجه يلا يا ولدي ايه قرارك
رأفت: مسك السكينه وطلع بيها اوضتو هو وحنان وحط لون احمر علي جسمها ولبسها هدومها وشالها ونزل بيها
ادهم وهو بيجري علي حنان: ماما ماما مالها يبابا حضرتك وخدها فين
ناديه وهي بتشد ادهم: تعالا اهنه يا ولد بنت البندر
ادهم: سيبيني ابعدي عني ورأفت خد حنان ومشي وادهم تناه ينده عليهم
ادهم: انا بكرهك يا جدي بكرهك انت اللي جولت لبابا يعمل كدا وهاخد حقها منك
ناديه: لو عايز تغسل عارك وتاخد حقك خدو من ايمن العادلي اللي امك فضحتنا معاه
ادهم: هتشوفو بكرا هاخد حقي من الكل وطلع وسابهم
بااااااااك
توحيده: وابوك خد امك في شقه صغيره وبعد مفاقت حكلها كل حاجه واكتشفنا انها حامل
وابوك كان عايش في حزن ليل نهار مع ان امك عايشه بس كان بيضطر يقعد عندنا اهنه وميرحلهاش غير مره في الشهر وعلي طول شايف حزنها عليك عشان منتش جمبها وكان مضايق عشان مش معاها في فتره الحمل لحد مجه في يوم ابوك مات بسبب الحزن دا جتلو جلطه ومات وامك مستحملتشي ودخلت مصحه نفسيه
ادهم: مصحه نفسيه واختي فين
عبد الرحمن: محدش كان عارف بيها غير انا وجدتك ولو كنا جلنالهم الحجيجه محدش كان هيتجبلها يا ولدي عشان كدا حطناها قدام ملجأ
هاله: ملجأ طب وهنعرفها ازاي وفجأه ادهم افتكر سماح
ادهم: ملجأ ايه اللي حطتوها قدامو
توحيده: ملجأ الرحمه وادهم خرج بسرعه
توحيده: روحي معاه يا بتي وهاله خرجت وراه لقتو بيركب عربيتو ووقفت قدامو وخافت تكلمو
ادهم بعصبيه: اركبي وهاله ركبت بسرعه وادهم ساق بعصبيه
هاله: ادهم اهدي اهدي يا ادهم
هاله: اهدي طب انت رايح فين
ادهم: انا متأكد ان هي متأكد وهاله فضلت انها تسكت احسن
في قصر الشافعي
نلاقي كريم ماشي وباصص في موبيلو وبيتكلم مع نفسو
كريم: ماشي يا ادهم لما اشوف خلقت اهلك سايبني معكوك هنا لوحدي كأني خدام اهلو انا لا وكمان مش بيرد عليا وفجأه آيه تطلع من اوضتها وتخبط في كريم
آيه: اااه ايه الغباء دا
كريم: غباء يعني غلطانه وكمان بتشتمي
آيه: انا مش غلطانه
كريم: لا غلطانه وستين غلطانه كمان
آيه: لا بقا انا مش غلطانه يا حياتي انت اللي باصص في التليفون ومش مركز
كريم: لا بقا انا مش غلطان انتي اللي مشيا زي القطر
آيه: حاجه متخصكشي
كريم: اومال تخص مين وتلا خرجت من اوضتها
تلا: يوووه هو انا كل مشوفكو الاقيكو بتتخنقو
آيه: بيغلط وبيقول اني انا اللي غلطانه
كريم: انا مغلطتش
تلا: يلا مع السلامة انتو بقا خناق سعيد وخرجت من القصر وركبت عربيتها ونلاقي تليفونها بيرن وبيكون وائل
تلا: اوووف بقا انا مينفعشي اكلمو بس عايزه اسمع صوتو
تلا: اجمدي مينفعشي تكلميه وتلاقي رساله وصلتلها منو انها تيجي في الكافيه اللي جمب القصر
تلا: انا هروح اقبلو يمكن حاجه مهمه
وبعد شويه نلاقي تلا وصلت العنوان
تلا: هاي وائل
وائل: ازيك يا تلا ايه اخبارك
تلا: بخير خير كنت عايزني في ايه
وائل: تشربي ايه الاول
تلا: لا شكرا عشان مستعجله
وائل: انتي ليه بتهربي مني
تلا: ازاي مش فاهمه قصدك
وائل: مش بتردي علي مكلماتي مش عايزه تقبليني او تقعدي معايا فيه ايه
تلا: مفيش بس كل الحكايه ان مفيش حاجه بيني وبينك تستدعي اننا نتكلم مع بعض
وائل بخبث: اومال جيتي ليه عشان تقبليني
وتلا اتوترت اووي
تلا: هتقول عايز ايه ولا امشي
وائل: بحبك وعايز اتجوزك
تلا: ويا ترا قولت الكلام دا لكام واحده قبلي
وائل: ولا واحده
تلا: هبله انا عشان اصدقك
وائل: صدقيني مكنشي فيه غير واحده بس قبلك ومكنتش بحبها كنت معجب بيها وبأسلوبها وهدوئها
تلا: مقولتلهاش ليه
وائل: رفضت ومش عارف ايه السبب وكمل مقولتليش رايك
تلا: بعدين انا لازم امشي دلوقتي
وائل: برضو بتتهربي مني
تلا: وهتهرب ليه بس انا مشغوله يلا باي
وائل: ماشي مستني ردك وتلا خرجت وركبت عربيتها وحطت ايديها علي قلبها
تلا: بحبك يا وائل انا معرفتش الحب غير علي ايدك انت بس انا مش عيزاك تدخل في العالم بتاعي انا آسفه غصب عني وساقت عربيتها وهي بتعيط
عند ادهم وهاله
بعد عده ساعات نلاقيهم وصلو القاهره قدام بيت آسر ولسه ادهم هينزل هاله وقفتو
ادهم: فيه ايه
هاله: انت عارف انت هتعمل ايه
ادهم: ايوا عارف وانا متاكد ان اللي فوق دي اختي
هاله: يمكن مش اختك
ادهم: لا اختي شبه امي اووي ولما شوفتها بتعيط كنت عايز اخدها في حضني وطمنها وهديها وكمل يلا ونزلو من العربيه وطلعوا فوق
شقه ليلي وسماح
نلاقي الباب بيخبط وبيكون هاله وادهم
ليلي: حاضر وفتحت الباب
ليلي بصدمه لما شافت هاله:

يا ترا ايه اللي هيحصل
وسماح هتطلع اخت ادهم فعلا ولا لا
وليه ليلي اتصدمت لما شافت هاله
وام ادهم طلعت عايشه ايه رد فعل ايمن كل دا في البارتات الجايه ان شاء الله
تفاعل وكومنتات وتصويت يلا