الحب المنتقم بقلم نورا قنصوه

البارت21

( روايه الحب المنتقم )
البارت21 بقلم نورا قنصوه
في قصر الشافعي
نلاقي هاله قعده في الجنينه بتقرأ كتاب وحست بالملل فقررت انها تدخل جوا وقامت ولسه هتدخل نسمع صوت ضرب نار ونلاقي هاله وقعت علي الارض وآيه وكريم وسماح خرجو يشوفو فيه ايه
آيه بصدمه: هاله هاله وجريت عليها بسرعه
سماح: لازم ننقلها المستشفي بسرعه وكريم شالها وحطها في الكرسي الخلفي اللي ورا وركبت سماح وآيه
كريم: سماح اتصلي بادهم بسرعه وانتي يا آيه اتصلي بتلا متخليهاش ترجع القصر لما نشوف مين اللي عمل كدا
آيه ببكاء: ماشي بس بسرعه بسرعه يا كريم هاله هتروح مننا وكريم ساق بسرعه متوجه للمستشفي
في المستشفي
كريم: دكتور دكتور بسرعه
الدكتور: ايه اللي حصل وكمل حطها هنا
آيه: هي هي انضربت بالنار اعمل حاجه الله يخليك
الدكتور: اهدي يا انسه هنعمل كل اللي في وسعنا بس ادعولها ودخلت العمليات وبعد شويه نلاقي ادهم وتلا واسر وليلي جهم
ادهم: ايه اللي حصل
كريم: انضربت بالنار بس منعرفشي مين اللي ضربها احنا سمعنا صوت ضرب نار خرجنا برا لقناها وقعه علي الارض
ليلي: استر يارب قوملي بنتي بالسلامه يارب
ادهم: وايه اللي يخليها تقعد في الجنينه والحرس كانو فين
كريم: اهدي يا ادهم الاول نطمن علي هاله بعدين نبقا نشوف مين اللي عمل كدا
ادهم: اكيد مختار مفيش غيرو
آسر: ويمكن ايمن بعد معرف انها لقت ممتها حب يقتلها
ادهم: لا ايمن مش غبي عشان يعمل كدا هو مختار
وتلا افتكرت لما مختار قالها هينتقم منها ومن ادهم وهيحرق قلبو وبعد شويه نلاقي الممرضه خرجت
الممرضه: المريضه نزفت كتير ولازم ننقلها دم
آسر: مستنين ايه متنقلولها
الممرضه: للاسف فصيله دمها نادره ومش متوفره عندنا
سماح: فصيله دمها ايه
الممرضه: O Negativ
ادهم: انا فصيله دمي O Negativ
الممرضه: اتفضل معايا بسرعه وادهم مشي مع الممرضه واتبرع لهاله بالدم وبعد شويه خرج الدكتور
ليلي: بنتي بنتي يا دكتور
الدكتور: الحمد لله قدرنا ننقذ الموقف وهي فقدت دم كتير وكمان جسمها كان عليه آثار تعذيب او ضرب وكانت نذفت قبل كدا والكل شهق من الخضه
آيه: يعني هي هتفوق امتي
الدكتور: مش قبل بكرا بالكتير احنا ادنلها حقن مسكنه ومخدره عشان تستحمل الالم وهي نايمه دلوقتي بسببهم
كريم: شكرا يا دكتور
الدكتور: العفو عن اذنكو
تلا بهمس: الغبي مصمم برضو ان ادهم هو اللي قتل ابنو بس ماشي اصبر عليا
عند ايمن ومختار
مختار بغل: ايوا ايوا انا اللي قولتلهم يقتلو مراتو
ايمن: وليه الغباء دا يعني استفدت ايه يعني
مختار: ايه حبتها دلوقتي وكمل انا مفيش اغلي من ابني
ايمن: حبيت ايه وكلام فارغ ايه انت اتجننت انا قصدي ان هاله ولا تفرق حاجه مع ادهم لو كنت عايز تحرق قلبو كنت اقتل اختو او اقتل صاحبو
مختار: انا عارف انا بعمل ايه كويس
ايمن: انت لسه مفوقتش من صدمه ابنك ومش مركز
مختار: ايمن اخرج انت برا الليله دي ومشي وسابو
صباح اليوم التالي
نلاقي الكل واقف في غرفه هاله
تلا: هي مفقتشي ليه
الدكتور: شويه وهتفوق وبعد شويه
هاله بتعب: اااه كتفي مش قادره
ليلي: بنتي حبيبتي عمله ايه يا قلب امك
هاله بعياط: مش قادره ياماما تعبانه اوووي مش مستحمله
آسر: متتصرفو ولا تعملو اي حاجه انتو هتقفو تتفرجو عليها
الدكتور: مش هينفع نديها حقن تاني كدا هيبقا غلط عليها لازم تستحمل
هاله: ااه انا عايزه انام
الدكتور: نامي وان شاء الله يومين وهتبقي كويسه
ادهم: يلا عشان نسيبها ترتاح شويه وخرجو من الغرفه وتلا مشيت متوجه لمكان ما
عند مختار
نلاقي تلا نزلت من عربيتها ودخلت
تلا: مختار يا مختار
مختار: انتي عايزه ايه
تلا: برضو نفذت اللي في دماغك
مختار: ايوا ولو ممتتشي هحاول مره واتنين وتلاته وهخلص عليكو كلكو
تلا: وتسيب اللي قتل ابنك عايش
مختار: انتو اللي قتلتوه
تلا: صاحبك هو اللي قتلو
مختار: انتي بتقولي ايه
تلا: بقول الحقيقه ايمن العادلي هو اللي قتل ابنك وحرمني وحرمك منو
مختار: كدب كدب ويقتلو ليه يعني
تلا: عشان سمعكو وانتو بتكلمو عن المافيا وقرر انو يبلغ عنكو وايمن شافو وراح كلف واحد انو يقتلو
مختار: ايه ايمن
تلا: ايوا هو وانا سمعت كل حاجه بودني واحنا كنا في اجتماع مع البيترو وكملت وزي مقولتلك انا اللي هاخد حق وائل ومشيت متوجه للمقابر وبعد شويه نلاقيها وصلت ونزلت من عربيتها ووقفت قدام مقابر الدميري
تلا باشتياق وعياط: وحشتني اووي يا وائل وحشتني كل حاجه فيه وحشاني سيبتني ليه يا وائل ليه وقعدت علي الارض وتنتها تعيط
تلا وهي بتمسح دموعها: لا مش لازم اعيط مش لازم انا لازم اشوف هاخد حقك ازاي وحياتك عندي يا وائل مهرحمو وهخليه يتمني الموت ولا يطلهوشي وعنيها كانت بتطلع شرار ومشيت متوجه للقصر
تسريع الاحداث
هاله لسه في المستشفي والالم بدأ يقل والكل مهتم بيها
آيه وكريم مفيش حاجه اتطورت في علاقتهم وكذلك آسر وسماح
وايمن بيفكر في طريقه ينتقم بيها من ليلي
ومختار بيتعامل ببرود مع ايمن علي عكس النار اللي قايده جواه
وادهم بيروح للممتو المصحه النفسيه وحالتها كل يوم بتتحسن
وعدي اسبوع علي ابطالنا
في المصحه النفسيه
ادهم نزل من عربيتو ودخل المستشفي ودخل غرفه والدتو اللي اول مشفتو ابتسمت علي طول
ادهم: صباح الخير يا حبيبتي وحنان ابتسمتلو
ادهم: ايه يماما مش ناويه تسمعيني صوتك الحلو دا ولا ايه صوتك وحشني اووي يماما
ادهم: وكمان عشان تشوفي سماح بنتك مش نفسك تشوفيها ولا ايه وحنان هزت راسها بأه
ادهم: قريب قريب ان شاء الله يا ست الكل
ودخل الدكتور
الدكتور: اهلا يا ادهم 
ادهم: اهلا وكمل ايه اخبارها وحنان والدكتور بيبصو لبعض وبيضحكو
ادهم: ايه دا فيه ايه انا حاسس انكو مخبين عليا حاجه
الدكتور: جاهزه وحنان هزت راسها بأه
الدكتور: يلا
ادهم وهو باصص للدكتور: يلا ايه انا مش فا وقطع كلامو
حنان: ادهم وادهف لف ناحيه والدتو
ادهم بصدمه: ماما انتي انتي
حنان: اتكلمت يا حبيبي
ادهم: دا بجد صح انا مش بتخيل
الدكتور: بجد يا سيدي وادهم راح حضن والدتو جامد
ادهم: حمد لله على سلامتك لو تعرفي انا فرحان قد ايه
الدكتور: طب استأذن انا بقا
حنان: ادهم وحشتني اوووي
ادهم: وانتي والله يماما لو تعرفي غيابك كان عامل فيا ايه انا مكنتش عايش
حنان: انا اسفه يا حبيبي
ادهم: انا اللي اسف علي كل حاجه
حنان: بنتي سماح عايزه اشوفها
ادهم: مش دلوقتي لما تتحسني وتخفي خالص
حنان: انا بقيت كويسه طب بص اوصفهالي
ادهم: متستعجليش يا ماما كل حاجه في وقتها حلوه ونلاقي تليفونو رن وكانت هاله
حنان: دي اللي كنت بتحكيلي عنها
ادهم: ايوا ورد عليها
ادهم: الو
هاله: الو
ادهم: فيه ايه
هاله بتوتر: كنت كنت عايزه
ادهم: ايه فيه ايه قولي علي طول وحنان شدت التليفون من ايدو وفتحت الاسبيكر
هاله: طيب هقول بس نتناقش مش ترفض وخلاص
ادهم: وانا مبتنقشي
هاله بزهق: انتي ليه محسسني انك سي السيد وانا امينه وحنان كتمت ضحكتها
ادهم: اخلصي قولي عايزه ايه
هاله: عايزه اخرج اشم هوا ولوحدي
ولسه ادهم هيرفض نلاقي حنان حطت ايديها علي السماعه
حنان: عشان خاطري يا ادهم مترفض خليها تخرج براحتها
ادهم: ايوا يا ماما
حنان: خلاص بقا يا حبيبي عشان خاطري
ادهم: ماشي يماما
هاله: الو يا نتن روحت فين
ادهم: موافق بس هتاخدي السواق معاكي
هاله: بجد سلام وقفلت السكه وحنان قعدت تضحك عليها
عند هاله نلاقيها خرجت من القصر ولقت العربيه مستنياها وركبت ومشيت
وهي في الطريق لمحت طفله وقفه قدام محل ورد وباين عليها انها زعلانه
هاله بسرعه: اقف هنا لو سمحت ونزلت من عربيتها ورحتلها
هاله: ازيك يا حلوه
الطفله بحزن: الحمد لله وهاله نزلت لمستواها
هاله: اسمك ايه
الطفله: هاله
هاله بفرحه: بجد دانا كمان اسمي هاله وكملت ينفع اعرف مين اللي مزعل القمر دا
الطفله: عشان عايزه اجيب ورد
هاله: ومجبتيش ليه
الطفله: عشان الفلوس وقعت مني وقولت لعمو بتاع الورد يديني وهو مرضيش ولو روحت بابا هيضربني
هاله: ايه الابهات دي يارب هو مفيش اب عدل ابدااا
هاله: طب تعالي انا هجبلك الورد اللي انتي عايزاه وجبتلها الورد وادتهولها وسلمت علي الطفله ولسه هترجع عربيتها لاحظت ان السواق بيتخانق مع حد
هاله: فيه ايه ايه اللي بيحصل هنا ونلاقي شاب وسيم جدااا بعيون عسلي وجسم رياضي وشعر اسود زي العسل ولحيه بتزيدو وسامه لف ناحيه هاله وقلع نظارتو
زين: نعم حضرتك مين
السواق: دي هاله هانم
زين: ايوا برضو انت ليه واقف في نص الشارع كدا هو مفيش حد غيرك
هاله: لو سمحت انا اسمي هاله بس وكملت وهي بتبص لزين انت بتكلمو كدا ليه هو ملهوش ذنب انا اللي طلبت منو
زين: طيب هو هينفع حد يقف في نص الطريق كدا
هاله: حصل خير ومن الاحسن لو اتكلمت بذوق من البدايه وراحت ركبت عربيتها ومشيت
زين بصدمه: ذوق وراح ركب عربيتو هو كمان ومشي
عند ليلي وآسر
نلاقي الباب بيخبط
ليلي: حاضر حاضر وراحت فتحت الباب
ليلي: انت مين والشخص طلع مسدسو ووجهو عليها وهاله شهقت وخافت
الشخص: تعالي معايا بهدوء ومن غير شوشره احسن ليكي ولابنك اللي نايم جوا ولو فتحتي بوقك هخلص علي ابنك قدامك وليلي نزلت معاه وركبت معاه العربيه وبتدعي ربها انو يقف جمبها
في قصر الشافعي
نلاقي هاله وصلت ودخلت لقت الكل متجمع
هاله: ايه دا فيه ايه قاعدين كدا ليه
كريم: اهو يا ادهم هاله وصلت قول بقا عايزنا فيه ايه
ادهم: كتب كتابك انت وآيه هيبقي مع كتب كتاب آسر وسماح
كريم: يا فرج الله
ادهم: انا لسه مخلصتش كلامي
تلا: فيه ايه تاني
ادهم: وانا وهاله هنطلق
هاله بصدمه:

يا ترا ايه اللي حصل
وايه رد فعل هاله
ايمن هيعمل ايه مع ليلي
ومختار هيعمل ايه مع ايمن كل دا في البارتات الجايه ان شاء الله
تفاعل وكومنتات وتصويت يلا