مجدى صفيحه والعشرين حرامى ( مكتمل)

الفصل الثانى "النصب

رواية مجدى صفيحه والعشرين حرامى
الفصل التانى بعنوان " النصب"

فتحت الباب براحه ومديت راسى

وفوجئت بالزوج رابط مراته فى الكرسى بحبل ومكتفها بيه مش هى بس !!!

مكتف راجل تانى جمبها كان لامؤاخده مش لابس غير الشورت!!

الزوج كان منفعل جدا وماسك فى أيده مسدس وكان بيقول :

أه ياخاينه .. وجايبه عشيقك فى أوضه نومنا ..

ورفع المسدس عليهم وقتلهم الاتنين !!!

أتصدمت وجيت أخد ذيلى فى سنانى .. ديلى خبط فى كرسى وقعه وعمل صوت!!
Lina Basyouni

الزوج خرج لما سمع صوت الكرسى وشافنى وانا بجرى وضرب عليا نار!!

سيبت الشنطه وخدت ديلى فى سنانى المره ده ويافكيك .

لما لقيت ان سرقة الفلل مش ماشيه معايا

قررت أغير أرضيه وأجرب فى ملعب تانى !!!

Lina Basyouni

عرفت أن فيه دار أيتام بتلم تبرعات ... والله مش اللى فى بالك

التبرعات دى مش هتوصل للايتام أصلا وناس تانيه هتبلعها فى كروشها ، والعيال اللى فى دار الأيتام مش هينوبهم غير طقم جديد وكيسين سيبشى !!!

Lina Basyouni

فأنا فكرت أسرق من الحراميه اللى بيسرقوا التبرعات .
والمره دى خططت لكل حاجه لدرجة انى عرفت كل مداخل ومخارج الملجأ .. لما عملت نفسى متبرع ودخلت أتبرعت ب200 جنيه ،لفيت فى الملجأ كله وعرفت مكان الخزنه بتاعت التبرعات .

راقبت الملجأ ،وعرفت روتين الغفير اللى بيحرس بوابة الملجأ .

بالليل بيولع خشب ويعمل نار ،يغلى عليها شاى و يقعد جمب الكلب بتاعه وهو بيشرب كوباية الشاى ويغنى أغانى الريس متقال !!

فيه أيام كان بيجى يقعد معاه بوابين أصحابه واللى بيحرسوا العماير اللى جمب الملجأ.

أخر السهره يدخل ينام فى الاوضه بتاعته اللى جمب بوابة الملجأ

نومه تقيل .....

أتأكدت لما كنت بعدى على الاوضه بتاعه وأصفر بصفاره زى بتاعة الحكم .. مكنش بيصحى بالرغم من ان الكلب بتاعه بيقعد يهوهو كتير !!!

حضرت نفسى وخدت معايا حتتين لحمه عليهم منوم ورميتهم للكلب بعد مانام الغفير فى الاوضه

Lina Basyouni

الكلب أكل حتة لحمه واحده بس وراح فى النوم

نطيت من فوق سور الملجأ وطلعت على الخزنه فورتها فى دقيقه ولميت كل اللى فيها فى الشنطه

نزلت من الملجأ وبصيت يمينى وشمالى وجريت ناحية سور الملجأ وفى أيدى الشنطه ،جيت انط من فوق السور لقيت حاجه بتشدنى لتحت من رجلى!!