مجدى صفيحه والعشرين حرامى ( مكتمل)

الفصل السادس " المايستروا"

رواية مجدى صفيحه والعشرين حرامى
الفصل السادس بعنوان "المايسترو"

Lina Basyouni

حسام توت قابلنا  بالعربيه فى ميدان الجيزه  وركبت أنا وأبويا معاه ومعانا الشنطه الى فيها الاثار 

حسام طلع بينا على المقطم فى حته مقطوعة

وصلنا مكان التسليم  فلقينا اربع عربيات راكنين .. كانوا واصلين قبلنا ومستنينا

أول مانزلنا من العربيه الخبير قال لحسام :

أتأخرت ليه ياحسام !!؟

قاله :

أنا جاى فى ميعادى بس كنت مستنى الرجاله , عندى أنا دى يا ماسيترو !!

قالنا :

كفايه التأخير الى أتأخرناه ، فى العادى كنا هنسبكم ونمشى ،أنما علشان حسام أستنينا
Lina Basyouni

شاور لاتنين واقفين ورا ، فراحوا جابوا 4 شنط كبيره من العربيه

وشاور علينا علشان نفتح الشنطه ونطلع الحاجه

فتحنا الشنطه وواحد من رجالته , عدى بجهاز على الشنطه علشان يتأكد أنها تمام ومفيهاش متفجرات مستخبيه أو جى بى أس !!!

أتأكدوا من  الشنطه وأتأكدوا من الحاجه اللى فيها .

قولت للخبير :

أيه يامايسترو مش هتورينا الفلوس بقى !!!؟نشوفها بس حتى تبل ريقنا لحد ما تخلص فحص

قالى من غير مايبصلى  :

اتأكد أن كل حاجه سليمه الاول .. وبعدين هفتحلكم الشنط .
قولتله :

بشوقك يامايسترو

أتأكد من كل حاجه وفحص فيها أكتر من مره

بعد كده حن علينا وفتح الشنط!!

اتجننا أنا وأبويا لما شوفنا الفلوس وقعدنا نحضن فى بعض , والفرحه أخدتنى وروحت أبوس المايسترو , يدوبك بس خدته بالحضن لقيت كل اللى معاه رافعين عليا مسدسات !!!

قولتلهم :Lina Basyouni

والله ماقصدى حاجه يارجاله أنا بس الفرحه أخدتننى وحضنت المايسترو صاحب الفضل

المايسترو شاورلهم فنزلوا سلاحهم و شاورلنا علشان نشيل شنط الفلوس 
حسام قال للخبير :

أيه يامايسترو فين الشنطه الصغيره بتاعتى !!!؟

Lina Basyouni
أبتسم الماسيترو وقاله :

لا أنت مالكش نسبه معايا المره دى يا حسام , الناس طلعوا قرايبك , وكمان غرامة تأخير !!!!

حسام أنفعل وقاله :

أزاى يعنى يا مايستروا أحنا متفقي....

لقينا المسدسات أترفعت علينا تانى