مجدى صفيحه والعشرين حرامى ( مكتمل)

الفصل الثالث "امسك حرامى"

رواية مجدى صفيحه والعشرين حرامى

الفصل الثالث بعنوان"إمسك حرامى"

أتصرفنا  فى الحاجة وطلعلنا في المصلحة دى حوالى ٧٥٠ الف جنيه. .
Lina Basyouni

دا بعد ما الراجل النصاب الضلالى اللي اشترا مننا الحاجة خسف بتمنها الأرض ،

الحاجة كانت تعدى ال ٢ مليون!!!

أديت لابويا نصيبه  وعرقه فى الشغلانه... 50 الف جنيه

سبلى وشتمنى بصوت العالى قدام الناس فى الشارع !! فأديتله  20 الف تانيين علشان أسكته.
.
أشتريت كام جهاز بلاستيشن للعيال،على  كام مرجيحه وزحليقه حطتهم فى الجنينه للعيال علشان يلعبوا وينبسطوا ,

وكانوا مبسوطين  جدا وجريوا حضنونى  انا وأبويا مع ان أبويا مجابش حاجه !!

Lina Basyouni

وفى يوم صحيت على صوت العيال وهى بتعيط وتصوت !! طلعت فوق وانا ملهوف ، واتصدمت لما لقيت حمادة مغمى عليه على الأرض!!

جريت عليه وانا بسأل العيال على اللى حصله

قالولى أن الاغماءه دى بتجيله ومن وهو فى الملجأ  !!

.

شيلته  وجريت بيه علي المستشفى ، وهناك الدكاترة عملوا أشعة علي المخ وفجأونى أنه محتاج عمليه تكليفتها ممكن تعدى المليون جنيه !!! وبتتعمل فى مستشفيات معينة!!

جريت على البيت وجبت الفلوس الباقيه من عملية العفش  .

الفلوس كانت تقريبا نص مليون جنيه بس!!

ضربت شهادة ميلاد لحمادة وحجزتله المستشفى ودفعت عربون العمليه .

أضطريت أعمل عملية نصب تانيه  علشان أغطى باقى مصاريف العمليه.

قعدت على الفيس بوك وفضلت أتصفح الاعلانات اللى عليه ,
كلاب للبيع , هدوم وجزم , عربيات , ساعات , رحلات حج وعمره

.. لا .. لا .. حج وعمره حرام ننصب على الناس وهيا رايحه تحج ..

رحلات شرم والغردقه !!

هو ده ...
Lina Basyouni

لفيت على أعلانات شركات السياحه اللى على الفيس بوك واللى بتبيع رحلات لشرم والغردقه والمناطق السياحيه  .
سعر الاقامه فى ال3 ليالى  فى المتوسط  الفين  جنيه للفرد الواحد

الموسم ده موسم عيد وأغلبية االناس بيسافروا فى أجازة العيد

بدأت أخطط للعمليه .. وعلشان أخطط لازم يبقى عندى معلومات عن  الفنادق وشركات السياحه علشان أعرف شغالين أزاى

أيه اللى بيحصل لما تحجز مع شركة سياحه !؟

شركة السياحه بتاخد تفاصيلك  ,أسمك وعدد الافراد اللى معاك وتسجلهم عندها وبتحددلك معاد للدفع وتقريبا بيكون حد أقصى أسبوع قبل معاد الرحله