مجدى صفيحه والعشرين حرامى ( مكتمل)

الفصل السابع والاخير "عفاريت فرعون"

رواية مجدى صفيحة والعشرين حرامى
الفصل السابع والاخير بعنوان "عفاريت فرعون"

البوابه أتفتحت  وخبطت فيا جامد ونطرتنى بعيد  .

قولت للعيال وانا على الارض :
Lina Basyouni

أرجعوا البيت تانى بسرعه .. أجروا !!!

العيال جريت وطلعوا البيت تانى 

البلطجيه فيه اللى هجم عليا وفضل يضربنى وفيه اللى طلع يجرى ورا العيال الصغيره اللى رجعت البيت

فضلوا يضربوا فيا ويرفسونى برجليهم 

لحد ماسمعت صوت الخبير وهو بيقول :

بتبلغ عنى !!!! أه ياكلب !!! ،البضاعه أتمسكت ياكلب و سته من رجالتى أتقبض عليهم بسببك

طلع مسدس وشد أجزاءه , حطه على راسى وقالى :

فين الفلوس يابن الكلب !!؟

مردتش عليه !!

فضربنى بقاعدة  المسدس  فى مناخيرى كسرها  !!!

فضلت أصرخ

قالى بعصبيه وهو بيزق راسى بالمسدس :

فين الفلو..
Lina Basyouni

قطع كلامه لما لقى البلطجيه اللى كانوا بيجروا ورا العيال الصغيره رجعوا من غير مايمسكوا عيل واحد !!

بصلهم وقالهم وهو بيزعق فيهم :

فين العيال الصغيره ؟!!!

قالوله :

أختفوا يامايسترو ... العيال فص ملح وداب  !!!!

قالهم :
Lina Basyouni

فص ملح وداب أزاى !!! ؟؟
ماكانوا بيجروا قدامكم على البيت , أيه العيال ملبوسه ولا أنتوا اللى حمير !!!معرفتوش تمسكوا عيل واحد من كل العيال دى ؟!!

هنا جاتلى فكره !!!!
Lina Basyouni

قولتله بصوت عالى جدا :

أيه ده هو أنتوا شوفتوهم على شكل عيال صغيره !!!؟

الخبير بصلى وقالى :

شوفناهم على شكل عيال صغيره  أزاى !!!؟

قولتله :

عفاريت فرعون !!
دول اللى سرقت بيهم المتحف المصرى ، ما أنت أكيد شوفت الصور اللى أتنشرت  على النت ، بتاعت العيال الصغيره الى بيسرقوا  المتحف ،دول مش بنى أدمين دول جن وطلعتهم من مقبره فرعونى , انت راجل بتفه....

Lina Basyouni

رفسنى برجله وفضل يضرب فيا وهو بيقول :

أنت مفكرنى عبيط ياض , داقق عصافير على قفايا !!! عفاريت أمك ياض!!!

وجهه المسدس على راسى تانى وهو بيقول :

فين الفلوس ياض؟