رواية مجدى صفيحه والعشرين حرامى
الفصل الخامس بعنوان"سرقة المتحف المصرى"
ابويا قالى وهو مش مهتم :
عملية أيه يابورم !!!؟
قولتله :
linabasyouni
هنسرق المتحف المصرى .
قالى :
أنت شارب حاجه ياض ... متحف أيه اللى عايز تسرقه , هو السجن لحس مخك!!!
قولتله :
أنا تقريبا خططت للعمليه ماشيه أزاى , أسمع منى وأوزن الكلام ولو معجبتكش الفكره قولى فركش .
قالى :
قول , عايز أعرف أنت ضارب أيه !!!
قولتله :
أيه هى أهم قطعه فى المتحف !!؟
قالى :
linabasyouni
ياسلام عايز تسرق قناع توت عنخ أمون كمان ..
بس... عرفت أنت ضارب ايه ... بانجو صح .. دى دماغ بانجو !!!
قولتله :
ممكن تجاوب بس على أد السؤال , وأمشى معايا للاخر , زى ما قلت أهم قطعه هى قناع توت عنخ أمون .
linabasyouni
أحنا هندخل المتحف بالعيال كأننا مدرسه وطالعه رحله لزيارة المتحف , أنا المدرس والمشرف على الرحله , أنت سواق أتوبيس الرحله , والعيال هما التلاميذ.
التلاميذ دول بقى مش أى تلاميذ دول هيبقوا أطفال عندهم توحد .
هنحتاج نعلم العيال الصغيره أزاى يمثلوا أنهم عندهم توحد , وهدوم نضيفه جدا للعيال ولينا، واتوبيس فخم فى غاية الشياكه وهيبقى مكتوب عليه .
" كينج توت أنترناشونال سكول "
أبويا هرش فى قفاه وقالى :
انا مش فاهم حاجه !!!
شرحتله الخطه بالتفصيل .
قالى :
يأبن الجنيه , هى تمشى ... وتمشى أوى .. هى المشكله كلها هتبقى فى موضوع حلق الحواجب ده !!!
قولتله :
يابا لو دى المشكله فعادى ماتحلقش أنت , انت كده كده مش هتدخل معانا المتحف أنت هتفضل فى الاتوبيس لحد مانخلص .
قالى :
لا هحلق أنا كمان زيادة أمان.
قولتله :
linabasyouni
يبقى نبدأ من النهارده ندرب العيال وانا بكره هاخد الواد حماده ونروح المتحف كزوار وندرس الوضع.
عملت كارنيهات المدرسه للعيال ولبسناهم نضيف جدا وأكدنا على دور كل واحد , والحمد لله كله كان حافظ دوره .
أنت تقرأ
مجدى صفيحه والعشرين حرامى ( مكتمل)
Humorحرامى مخضرم سيئ الحظ يخطط لسرقة المتحف المصرى بمساعدة 20 طفل يتيم كوميدى
