احببت معذبي {باللهجه العراقيه}.

البارت الرابع

طلع الدكتور وجان يكول بابتسامه: الحمد لله على سلامه بنتكم صحت من الغيبوبه

صرخت ماما بفرح: يااا صدك عفيه يمه احجي الحقيقه زين شدراك هيه كعدت

الدكتور بضحكه: ههه خاله على كيفج، ،ههه اي كعدت هستوها من دخلت افحصها وحالتها مستقره والحمد لله

حضنت امي بفرح مامصدكه يعني ماخسرت اختي

امي شويه تبجي وشويه تضحك وشويه تهلهل ما تعرف شتسوي ههههه والله خطيه

سمحلنا الدكتور ندخل عندها دخلنا وشفناها كاعده عالسرير

ركضت ماما حضنتها وتبوس بيها وهيه همين كامت تبجي

وبعدها رحت اني الها وحضنتها

وشوي واجه بابا وعمامي والبنات وانترست المستشفى بالعائله

البصره

طلعت من غرفتي واني تعبان

راسي موتني وجع وجوعان ما ماكل شي من البارحه

صحت على اختي: منتهى نونه وينج

منتهى: ها شتريد

وليد: روُحي جيبيلي براسيتول بسرعه

منتهى: هسه اجيب

وليد: عفيه بنيتي

راحت منتهى وجابت براسيتول وكلاص مي

شربت الحبايه وتمددت عالكنب

صحت: منتهى روحي سويلي اكل ميت جوع

منتهى: يوووووه تعبت والله كل شويه منتهى ومنتهى

وليد بعصبيه :ولج احترميني تراني اخوج الجبير عيب تراددين من اكول شي ترحين تسوينه وانتي ساكته فاهمه لو اجي افهمج بطريقتي

منتهى بخوف: فااهمه

راحت تسويله اكل وهي تدردم

صحت عليها: لج منتهى لا تدردمين لا اجي اسحلج بالعراق كله

منتهى بصراخ: ما مدردمه عليك شبيك اوووف، ،

وليد: اي سوي بسرعه الاكل وجيبيه

منتهى: زين

غمضت عيوني شوي على مايجي الاكل

البارحه خابرني صفوان كال اجلت العرس

كلتله: ليش اجلته

صفوان: بنت خاله زينب مسويه حادث ودخلت بغيبوبه وهيه تكول ما اسوي عرسي وهنه ماموجودات

وليد : ياهيه اللي سوت حادث

صفوان: شبيك الحلوه زهراء ام خدود

وليد: يااا بس لاهاي

صفوان: اي والله هيه

وليد: وهسه شلونها