احببت معذبي {باللهجه العراقيه}.

البارت الاول

طلعت من القاعه واني ميته حرر والله انسلكت سلك وشلون حصلت رزاله من الاستاذ لان متأخره
مشيت للنادي يم اصدقائي

جنت امشي واني مثوله من الحر وجان انصدم بشي رفعت راسي واشوف ابن خالي مهدي
كلت: شبيك ماتشوف

مهدي بحب: شلونج رقية؟؟

كلت: الحمد لله، ،،،عن اذنك اروح للنادي

مهدي : رقية شبيج انتي شوكت تصدكين اني احبج والله احبج

كلت: مهدي الله يخليك روح مني ترا مستحيل اني اتزوجك اوكي مستحيل

مهدي :غير كون افتهم ليش

كلت: اول شي امك تكرهني ماادري ليش واخواتك همين

مهدي: وانتي شدخلج بيهن قابل متزوجتهن لو متزوجتني

كلت: مهدي روح الله يخليك

مهدي بتنهيده :راح اروح لخاطرج

بعد عني وراح

تنهدت منه يالله هالولد من اني صغيره يحبني ويريد يخطبني بس مستحيل اوافق لان امه تكرهني لحد الموت

مشيت بسرعه للنادي

دخلت وشفت محمد وعلي واحمد وليال وهدى اصدقائي وشلتي

كلت واني اكعد: ولكم هستوني تعاركت ويه مهدي

محمد: ليش

كلت: خاب كتلني كل شويه يجيني ويكول احبح واحبج

علي: زين انتي ليش تكرهينه

كلت: هيج اكره من الله يعني شاسوي مثلا

ليال: ماعليج لا تتضايقين

كلت: لا عليمن

هدى: صدك شوكت تتزوج زينب

كلت: الخميس الجاي عرسها

هدى: صدك شبسرعه

كلت: شدراني ماما البارحه كالت عرسها الاسبوع الجاي

علي: هايه اللي راح تتزوج بالبصره

كلت: اي بالبصره

محمد: هممممم

كلت: امممم

كام علي وراح يجيب النا اكل واني ضليت اهفي بدفتري من الحر خررب متت

رجع وجايب وياه اكل وقواطي كولا بارده فتحتها بسرعه وشربتها من العطش

وبعدها كمنا وكل واحد راح لمحاضرته واني همين رحت لمحاضرتي

وبعد ساعتين

ودعت اصدقائي وصعدت بسيارتي ارجع للبيت

رجعت للبيت واني جوعانه وعطشانه ونعسانه وتعبانه وحرانه 😂

تلكتني امي: هلا ماما رقوش شلونج

رقية: يمه ياشلوني غير متت من الحر