احببت معذبي {باللهجه العراقيه}.

البارت الخامس

بابا: اليوم خطبج مني مهدي

صرخت واني اكوم: لا لاا مستحيل اتزوجه

بابا: ليش ياابه مستحيل تتزوجيه

رقية :بابا حباب لا تجبرني عليه والله اني ما احبه واكره

بابا: لازم عندج واحد تحبينه ..

رقية: لا بابا والله ماعندي بس اني ما اريد مهدي الله يخليك لا تجبرني عليه

بابا: عود اني همين افكر وادرس الموضوع من جديد ويصير خير ...يلا روحي يم امج ساعديها شويه ويجن عماتج علمود يطبخن للعزيمه

كلت: زين بابا ...وفكر عدل تراني بنتك الكبيره.

بابا: ان شاء الله ..يلا بابا روحي

ابتسمت اله ورحت لماما اساعدها

ماما:شفتي مهدي خطبج من ابوج

رقية: اي ماما كلي هستوه بابا بس اني رفضت

ماما: زين تسوين ..اني هم كتله ما انطي بنتي اله

بستها من خدها وكلت: فدديتج

ماما: فداج الكون. (هاي مثل امي تكلي فداج الكون 😂💚)

رحت اعزل الصالة للرجال وبخرتها ورجعت لماما ساعدتها شوي وجان ينكلب البيت من النسوان والبنات والبزران ......
شويه جان صاحتني ماما: يمه رقيه ودي مي لعمامج وولدهم

فتحت عيوني عزا امي تريد اودي المي لقوم ياجوج ومأجوج 😔

رحت للمطبخ وطلعت صينيه كبيره وحطيت بيها كاسات مي وشلتها ورحت للصالة

هو اني حتى بعدني مامسلمه عليهم النوب

دكيت الباب برجلي وفتحته

كلت: السلام عليكم

الكل: وعليكم السلام

بديت اوزع من عمي الجبير ابو تحسين ووزعت لعمامي كلهم

وبعدها رحت للشباب

بديت بتحسين وولده وبعدها مصطفى وكرار وحيدر وبعدها عباس وحمزه وبعدها عباس واحمد ومحمد واسلام وعلي وعبد الله وابراهيم ومحمد وشسمه بعد نسيتهم

(هذولا اسامي ولد عماتي وعمامي ...😂)

كال عمي الجبير ابو تحسين اسمه علي: هااي شنو رقية كبرانه وصايره مرره

باوعت عليه وكلت: والله اني كبرت من شوكت بس انته ماشايفني صارلك كومه

كام يضحك عليه وبابا من كوه لازم نفسه من الضحك واولاد عمي مدنكين روسهم علمود لا يضحكون

ضحكت وطلعت منهم ورحت للمطبخ

ها وطبعا يتغدون يمنا ويتعشون اليوم .....

كعدت يم البنات واجتي يمي آيه وكالت: هاا حبي شلونج

رقية: الحمد لله وانتي