احببت معذبي {باللهجه العراقيه}.

البارت السابع

جنت اگلب بالتلفون اجاني اتصال من من عمي كال ابوك تخربط وهسه بالمستشفى بسرعه تعال صرخت : شنننوو

كطعت الخط ونزلت بسرعه

مهند: شبيك تركض

صرخت: ابويه متخربط وهسه بالمستشفى بسرعه امشي

كام مهند بسرعه ووجهه انخطف طلعنا سويه ورحنا للمستشفى

وصلنا هناك وطلع الدكتور كال: لا الحمد لله مابيه شي بس تخربط من ورا الشمس وما ماكل شي من الصبح هذا يأثر عليه لانه رجال كبير

تنهدت براحه: الحمد لله مابيه شي يخوف

مهند: زين شوكت نكدر نطلعه

الدكتور: هسه احنا شديناله مغذي خل يخلص وطلعوه

مهند: شكراً دكتور تعبانك ويانا

الدكتور: لا شكرٍ على واجب ماسويت الا واجبي يلا استأذن

وليد: اذنك معك

دخلنا يم بابا

مهند: الحمد لله على سلامتك حجي

ابو وليد: الله يسلمك

وليد: بويه شجنت تسوي علمود تخربطت وبعدين ليش ما ماكل شي

ابو وليد: بويه طلعت ويه عمك نشوف قطعه ارض وهناك تخربطت مابيه شي
مهند: المن قطعه الارض بويه

ابو وليد :يابه جاي ادورلي على قطعه ارض جبيره علمود ابنيها بعد وليد راح يتزوج ووراها انتم همين تتزوجون خو ما نضل بهذا البيت وهو صغير

مهند: اهاا

ابو وليد: اي بويه

مهند: بس لا تعيدها بويه موتتنا من الخوف

ابو وليد:لا بويه ماكو شي يخوف تطمنو

ابتسمت لابويه وبعدها طلعناه للبيت وتلكتنا ماما

وتبجي وتكول ليش محد كلي ابوكم بالمستشفى

واني اهدي بيها واكول: يمه ماكو شي

.......

الكوت

كعدت من النوم واني نشيطه

كمت من مكاني ورحت سبحت ولبست ثوب لتحت الركبه كلوش مشجر ورود ورفعت شعري ذيل حصان وحطيت روج وردي ونزلت جوه

بست ماما وكعدت شوي اسولف وياها وبعدها راحت ماما تطبخ واني رحت خابرت بنت عمي هدى كلتلها شنو رأيج نطلع اني وياج نتمشى بالحدائق

جان كالتلي اي يلا تحضري اخوي راح يطلع هو وخطيبه للسيسبان

كلتلها: زين خل اروح اتحضر

رحت كلت لماما وامي مامانعت وافقت واني صعدت لبست بنطلون ابيض وقميص لفوق الركبه لون اسود وشال ماروني وشنطه سوداء وحطيت مكياج خفيف وصندل عالي احمر خابرتني هدى وكالت يلا احنا جوه نزلت ودعت ماما وطلعت